Pune metro : पुण्यात ‘या’ मेट्रो स्थानकांवर पीएमपीची सेवा; मेट्रो ॲपवरून तिकीट बुक करता येणार

पुणे- शहरात मेट्रोचा 12  कि.मी प्रवासाचा मार्ग नुकताच सुरु झाला आहे. गरवारे कॉलेज ते वनाज(Garware College to Vanaj) या मार्गावरील या मेट्रोला नागरिकांचाही चांगलाच प्रतिसाद मिळत आहे. मेट्रो तिकिटासाठी ‘मेट्रो ॲप’ची (Metro App) निर्मिती केल्यानंतर,  आता पीएमपी(PMP) व मेट्रोच्या तिकिटासाठी एकच ॲपचा वापर केला जाणार आहे. त्यामुळे फिडर सेवेच्या माध्यमातून प्रवास करणाऱ्या प्रवाशांची चांगली सोय होणार आहे. पीएमपी पुणे महापालिकेच्या क्षेत्रात दोन तर पिंपरी चिंचवडच्या क्षेत्रात चार मेट्रो स्थानकांवर ही फिडर सेवा दिली जाणार आहे. उद्या (सोमवारी) यावर पीएमपी व पुणे मेट्रो प्रशासनाची बैठक होऊन त्यावर शिक्कामोर्तब केला जाणार आहे.

या स्थानकांवर मिळणार सेवा

मेट्रोची सेवा गरवारे कॉलेज ते वनाज दरम्यान सुरू आहे. यापैकी पीएमपी प्रशासनाने मेट्रोच्या गरवारे व आनंद नगर या दोन मेट्रो स्टेशनला फिडर देण्याचे निश्चित केले आहे. या दोन स्थानकांच्या परिसरात राहणाऱ्या प्रवाशांना मेट्रो स्थानकापर्यंत आणण्याचे काम पीएमपी करणार आहे. कोणत्या रस्त्यावरून अथवा बसथांब्यावरून प्रवासी घेऊन जायचे याचा अभ्यासदेखील पीएमपीच्या वाहतूक विभागाने केला आहे. मेट्रो प्रशासनाने अन्य स्थानकांची नावेदेखील पीएमपीला सुचविले. मात्र, त्या ठिकाणाहून मेट्रो स्टेशनला येणे पीएमपीसाठी अवघड वाटत असल्याने पीएमपीने गरवारे व आनंद नगर स्थानकांसाठी फिडर सेवा देण्याचे मान्य केले. ‘गरवारे व आनंद नगर स्टेशन वरून पीएमपीने प्रवास करत असताना प्रशासन फिडर सेवा देणार आहे. प्रवाशांना पीएमपी व मेट्रोची तिकिटे एकाच ॲपमधून मिळावे प्रयत्न केले जात आहेत. लवकरच या तिकीटाचा दारा निश्चित होणार आहे.

Holi 2022 : होळी खेळल्यानंतर रंग लगेच कसे घालवायचे? ‘हे’ घरगुती उपाय करुन पहा

ओवेसींची एमआयएम भाजपची ‘बी’ टीम सिद्ध होतेय का, यूपीतल्या ह्या जागांवरचे निकाल तरी बघा…!

Shane Warne Death Case: ‘शेन वॉर्नला असं वाटत होतं की…’ त्याच्या काऊन्सलरने उघड केली गुपितं