Holi 2022 : होळी खेळल्यानंतर रंग लगेच कसे घालवायचे? ‘हे’ घरगुती उपाय करुन पहा

Holi 2022 : होळी खेळल्यानंतर रंग लगेच कसे घालवायचे? 'हे' घरगुती उपाय करुन पहा
Holi colours
Image Credit source: Tv9

होळीनंतर (Holi) दुसऱ्या दिवशी रंगांची उधळण (Holi Colours) करायला सर्वांना आवडतं. पण यानंतर चेहऱ्यावर, केसाला लागलेला रंग काढण्यात फार त्रास सहन करावा लागतो. बाजारातील केमिकलयुक्त रंग चेहऱ्यावरुन निघता निघत नाही.

टीव्ही 9 मराठी डिजीटल टीम

| Edited By: स्वाती वेमूल

Mar 13, 2022 | 4:15 PM

होळीनंतर (Holi) दुसऱ्या दिवशी रंगांची उधळण (Holi Colours) करायला सर्वांना आवडतं. पण यानंतर चेहऱ्यावर, केसाला लागलेला रंग काढण्यात फार त्रास सहन करावा लागतो. बाजारातील केमिकलयुक्त रंग चेहऱ्यावरुन निघता निघत नाही. यामुळे चेहरा आणि केसावरील रंग काढण्यासाठी तासनतास शॅम्पू आणि साबण चेहऱ्यावर लावून चेहरा घासावा लागतो. अनेकदा त्वचेवर अॅलर्जी होऊ शकते तर केमिकलयुक्त रंगांमुळे केस गळण्याचीही समस्या होऊ शकते. म्हणूनच या रंगांसोबत खेळताना बरीच काळजी घ्यावी लागते. रंगांसोबत खेळून झाल्यानंतर काही उपाय करण्यापेक्षा खेळ सुरु करण्यापूर्वीच काही घरगुती उपाय केले तर होळीचा रंग लगेच घालवता येऊ शकतो. हे उपाय कोणते आहेत ते जाणून घेऊयात..

सनस्क्रीन आणि मॉइश्चरायझर वापरा

इतर दिवसांप्रमाणेच होळी खेळण्यापूर्वीही सनस्क्रीन वापरा. बाहेर जाऊन उन्हात होळी खेळण्याआधी त्वचेवर सनस्क्रीन क्रीम लावणं गरजेचं आहे. हे तुमच्या त्वचेला हानिकारक UV किरणांपासून वाचवतं. सनस्क्रीनमुळे तुमची त्वचा हायड्रेटेड आणि मॉइश्चराइज्ड राहण्यात मदत होते.

बर्फ वापरा

होळीच्या दिवशी बाहेर पडण्यापूर्वी त्वचेवर बर्फ लावू शकता. बर्फामुळे त्वचेचे छिद्र बंद होतात. चेहरा स्वच्छ धुतल्यानंतर बर्फाच्या तुकड्याने हलक्या हाताने 10 मिनिटे मसाज करा. यामुळे चेहऱ्यावरील त्वचेच्या छिद्रात रंग अडकून राहणार नाही.

तेल लावा

बाहेर जाण्यापूर्वी आणि होळी खेळण्यापूर्वी त्वचेला तेल लावा. तेलामुळे नंतर तुम्ही रंग सहज काढू शकाल. त्वचेसाठी तुम्ही खोबरेल तेल, बदाम तेल किंवा एरंडेल तेल वापरू शकता.

नखांना नेलपेंट लावा.

नखांवरील होळीचा रंग काढणं खूप कठीण काम असतं. जवळपास आठवडाभर हे रंग नखांवर राहतात. यासाठी सोपा उपाय म्हणजे नेलपेंट लावणे. यामुळे तुमची नखं स्वच्छ आणि सुरक्षित राहतील.

तोकडे कपडे परिधान करू नका

होळी खेळायला बाहेर पडण्यापूर्वी त्वचा पूर्णपणे झाकणारे कपडे घालण्याचा प्रयत्न करा. पूर्ण बाह्यांचे कपडे घाला जेणेकरून त्वचेला रंग कमी लागेल.

हेही वाचा:

होळीसाठी बनवा नैसर्गिक रंग घरच्या घरी, ज्यामुळे तुमच्या त्वचेला इजा होणार नाही तर फायदेच होतील…

जाणून घ्या होळीसाठी हर्बल रंग का आहेत आवश्यक?

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें