AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

IMD prediction | भर उन्हाळ्यात राज्यात प्रथमच ऑरेंज अलर्ट, वाचा कोणत्या जिल्ह्यांना कोणता अलर्ट

राज्यातील शेतकऱ्यांचे संकट कमी होत नाही. राज्यात पुढील काही दिवस पावसाचा अंदाज वर्तवण्यात आला आहे. सोबत येलो आणि ऑरेंज अलर्ट देण्यात आला आहे. राज्याच्या विविध भागांमध्ये विजांच्या कडकडाटासह पाऊस आणि गारपीट होणार आहे.

IMD prediction | भर उन्हाळ्यात राज्यात प्रथमच ऑरेंज अलर्ट, वाचा कोणत्या जिल्ह्यांना कोणता अलर्ट
Jitendra Zavar
Jitendra Zavar | Updated on: Apr 14, 2023 | 2:49 PM
Share

पुणे : राज्यात मार्च महिना अवकाळी पावसाचा झाला आहे. मार्च महिन्यानंतर एप्रिल महिन्यात राज्यात अवकाळी पाऊस अन् गारपीट होत आहे. आता पुणे आयएमडीने पुन्हा राज्यात विजांच्या कडकडाटासह अवकाळी पाऊस आणि गारपीट होईल, अशी शक्यता व्यक्त केली आहे. तसेच राज्यातील काही जिल्ह्यांना ऑरेंज अलर्ट तर काही जिल्ह्यांना येलो अलर्ट ऑरेंज दिला आहे. यामुळे शेतकऱ्यांसमोर संकटांवर संकट आले आहे. कारण यापूर्वी झालेल्या अवकाळी पावसाचे पंचनामे अजून बाकी आहेत. आता पुन्हा पाऊस व गारपीटचे संकट आहे.

कुठे काय अलर्ट

राज्यात पुढील काही दिवस पावसाचा अंदाज वर्तवण्यात आला आहे. राज्याच्या विविध भागांमध्ये विजांच्या कडकडाटासह पाऊस आणि गारपीट होणार आहे. पुणे हवामान विभागाचे प्रमुख के एस होसाळीकर यांनी म्हटले आहे की,१४ एप्रिल रोजी नगर, पुणे बीड, उस्मानाबाद, सातारा आणि कोल्हापूरसाठी ऑरेंज अलर्ट आहे. तसेच धुळे, नाशिक, जळगाव, नंदुरबार आणि विदर्भातील सर्वच जिल्ह्यांसाठी येलो अलर्ट देण्यात आला आहे. कोकणातील रायगड, सिंधुदुर्ग आणि रत्नागिरीसाठी येलो अलर्ट दिला आहे. तसेच १५ आणि १६ एप्रिल रोजी काही ठिकाणी येलो अलर्ट आहे. १७ एप्रिलपासून वातावरण पुन्हा चांगले होणार आहे.

नाशिक जिल्ह्यात पाऊस

नाशिक जिल्ह्यात गारपीटीसह अवकाळी पाऊस झाल्याने नांदगाव तालुक्यातील घाटमाथ्यासह परिसरातील शेतकऱ्यांचा घास निसर्गाने हिरावून नेला आहे. नांदगाव तालुक्यात 48 गावांमधील 12 हजार 126 शेतकऱ्यांचे 5218 हेक्टरी क्षेत्रावरील पिकांचे नुकसान झाले आहे. यात कांदा पिकाचे सर्वाधिक 4 हजार 830 हेक्टरवर नुकसान झाले. गहू, मका आणि भाजीपाल्याला देखील मोठी झळ बसली. वाऱ्याचा जोर जास्त असल्याने पत्रे उडून गेल्याने अनेक कुटुंबाचे संसार उघड्यावर पडले आहे.

पुण्यात वीज कोसळली

पुणे जिल्ह्यातल्या इंदापूर तालुक्यात गुरुवारी रात्री झालेल्या सोसाट्याच्या वादळी वाऱ्यासह झालेल्या अवकाळी पावसामुळे प्रचंड नुकसान झाले आहे. यामध्ये निमगाव केतकी परिसरातील मदन पाटील यांची दुबत्या गायींवर अचानक वीज कोसळून एक गायी जागीच मृत्युमुखी पडली तर एक गाई जखमी झाली आहे.

इंदापूर परिसरातील शेतकऱ्यांच्या शेतातील उभी पिके यामध्ये मका, गहू, हरभरा पाळीव जनावरांसाठी केलेले केलेला घास, आंबा ,केळी, पेरू, नारळ ,आदी पिकांचे मोठ्या प्रमाणात नुकसान झाले आहे. द्राक्ष बागांमध्ये तर पाणी साचल्याने द्राक्ष उत्पादक शेतकरी ही धास्तावला आहे. शासनाने अवकाळी पावसामुळे झालेल्या नुकसानीचे तातडीने पंचनामे करून मदत घोषित करावी अशी मागणी शेतकरी करीत आहेत.

Follow Us
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा