AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

सरपंच होण्याचा मार्ग मोकळा… पुणे जिल्ह्यातील ग्रामपंचायतीच्या निवडणुका जाहीर; अर्ज कधी भरायचा? मतदान केव्हा? वाचा सविस्तर

पुणे जिल्ह्यातील 388 ग्रामपंचायतीच्या निवडणुका जाहीर झाल्या आहेत. त्यामुळे इच्छुकांनी मोर्चेबांधणी सुरू केली आहे. कोणी स्वत: निवडणुकीला उभं राहण्याच्या तयारीत आहे. तर कुणी बायको, बहीण, आई, भावजय यांना निवडणुकीच्या मैदानात उतरवण्याच्या तयारीत आहेत.

सरपंच होण्याचा मार्ग मोकळा... पुणे जिल्ह्यातील ग्रामपंचायतीच्या निवडणुका जाहीर; अर्ज कधी भरायचा? मतदान केव्हा? वाचा सविस्तर
Image Credit source: tv9 marathi
| Updated on: Oct 04, 2023 | 11:09 AM
Share

अभिजीत पोते, टीव्ही9 मराठी प्रतिनिधी, पुणे | 4 ऑक्टोबर 2023 : ज्या निवडणुकांची राज्यातील सर्वचजण वाट पाहत होते. अखेर त्या निवडणुका होणार आहेत. त्या म्हणजे ग्रामपंचायतीच्या निवडणुका. अर्थात संपूर्ण राज्यात निवडणुका होणार नाहीत. फक्त पुणे जिल्ह्यात होणार आहेत. पुणे जिल्ह्यातील नव्या आणि जुन्या अशा मिळून 388 ग्रामपंचायतीची निवडणूक होणार आहे. त्यामुळे पुणेकरांमधून आनंद व्यक्त केला जात आहे. या निवडणुकीमुळे काहींचा सरपंच होण्याचा तर अनेकांचा पंचायत समिती सदस्य होण्याचा मार्ग मोकळा होणार आहे. या निवडणुकांचा कार्यक्रम जाहीर होताच इच्छुकांनी मोर्चेबांधणीला सुरुवात केली आहे.

पुणे जिल्ह्यातील ग्रामपंचायतच्या निवडणुका जाहीर झाल्या आहेत. निवडणूक आयोगाने या निवडणुका जाहीर केल्या आहेत. ग्रामपंचायत निवडणुकांसाठी येत्या 16 ऑक्टोबरपासून अर्ज भरण्यास सुरुवात होणार आहे. जानेवारी ते डिसेंबर दरम्यान सदस्यांची मुदत संपणाऱ्या आणि जिल्ह्यात नव्याने स्थापन झालेल्या सुमारे 231 ग्रामपंचायतींची सार्वत्रिक आणि 157 ग्रामपंचायतीच्या पोटनिवडणुका राज्य निवडणूक आयोगाने जाहीर केल्या आहेत.

5 नोव्हेंबरला मतदान, 6 ला निकाल

16 ऑक्टोबरपासून उमेदवारी अर्ज भरण्यास प्रारंभ होणार आहे. जिल्ह्यातील ग्रामपंचायत निवडणुकीसाठी 5 नोव्हेंबरला मतदान होणार आहे. तर 6 नोव्हेंबरला मतमोजणी होऊन निकाल जाहीर केले जाणार आहेत. त्यामुळे इच्छुकांनी तिकीट मिळावं म्हणून पक्षश्रेष्ठींकडे जोरदार लॉबिंग सुरू केली आहे. या निवडणुकांचा कार्यक्रम जाहीर झाल्याने पुणे जिल्ह्यातील गावागावांमध्ये फक्त निवडणुकीचीच चर्चा सुरू झाली आहे.

कोणत्या गावात किती जागांवर निवडणुका?

निवडणुका होत असलेल्या 388 ग्रामपंचायतींपैकी सर्वाधिक भोर, खेड तालुक्यातील प्रत्येकी 46 ग्रामपंचायती आहेत. त्या पाठोपाठ आंबेगाव, जुन्नर, मुळशी तालुक्यातील ग्रामपंचायतींची संख्या आहे. आंबेगाव तालुक्यात 44, जुन्नरमध्ये 41, बारामतीमधील 32 ग्रामपंचायतींच्या निवडणुका होणार आहेत. दौंड, शिरूर मधील प्रत्येकी 16, इंदापूर आणि हवेलीतील प्रत्येकी 14, वेल्हे आणि मावळमधील प्रत्येक 31, पुरंदरमधील 22, मुळशीतील 37 ग्रामपंचायतीच्या निवडणुका होणार आहेत.

सीमोल्लंघन होणार?

राज्यातील राजकीय समीकरणे बदलली आहेत. सत्तेत शिवसेनाही आहे आणि राष्ट्रवादीही. आणि विरोधातही शिवसेनाही आहे आणि राष्ट्रवादीही. अर्थात शिवसेनेत जसे दोन गट पडलेत. तसेच राष्ट्रवादीतही दोन गट पडले आहेत. त्यामुळे इच्छुकांना तिकीट मिळवण्यासाठी मोठी संधी आहे. त्यामुळे अनेकजण या पक्षातून त्या पक्षात जाऊ शकतात. दसऱ्यापूर्वीच इच्छुकांचं हे सीमोल्लंघन सुरू होण्याची शक्यता आहे. त्यामुळे गावागावातील राजकारण ढवळून निघण्याची शक्यता आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी