मोठ्या आवाजाच्या फटाक्यांवर बंदी, सार्वजनिक रस्त्यांवर, रात्री फटाके फोडण्यास प्रतिबंध, पुणे पोलिसांचे आदेश जारी

पुणे : पुणे शहर पोलिसांनी दिवाळीच्या निमित्ताने मंगळवारी त्यांच्या कार्यक्षेत्रात फटाके विक्री आणि फटाके फोडण्याचे नवे नियम लागू करण्याचे आदेश जारी केले आहेत. पोलिसांनी दोरी गुंडाळलेल्या फटाक्याची विक्री म्हणजेच ज्याला सामान्यतः सुतली बॉम्ब म्हणतात त्याची विक्री करण्यास आणि फोडण्यास बंदी घातली आहे. तसेच सार्वजनिकपणे रस्त्यावर फटाके फोडण्यासही मनाई केली आहे.

आयुक्तांकडून आदेश जारी

पोलिस आयुक्त अमिताभ गुप्ता यांनी मंगळवारी सायंकाळी हे कार्यकारी आदेश जारी केले आहेत. फटाक्यांच्या विक्रीचे तात्पुरते परवाने जारी करण्यात येत असून या विक्रेत्यांना 27 ऑक्टोबर ते 7 नोव्हेंबर या कालावधीतच फटाके विक्री करण्याची परवानगी असेल, असे आदेशात नमूद करण्यात आले आहेत.

7 नोव्हेंबरनंतर, फटाक्यांचा उरलेला साठा ठेवण्यासाठी आणि विक्रीसाठी कायमस्वरुपी परवान्यासह व्यापाऱ्यांना आणि स्टोअरमध्ये परत करावा लागेल.

रात्री मोठ्या आवाजाचे फटाके फोडण्यावर बंदी

दिवाळीच्या काळात रात्री 10 ते सकाळी 6 या वेळेत ध्वनी उत्सर्जित करणारे फटाके फोडण्यास बंदी घालण्यात आली आहे. मात्र, या काळात केवळ हलक्या प्रभाव निर्माण करणारे फटाके वापरण्यास परवानगी असेल.

सार्वजनिक रस्त्यावर किंवा सार्वजनिक रस्त्याच्या कडेला 10 मीटरच्या आत कोणत्याही प्रकारचे फटाके फोडण्यास मनाई करण्यात आली आहे.

फटाके फोडण्याच्या ठिकाणापासून चार मीटर अंतरावर 125 डेसिबलपेक्षा जास्त आवाज निर्माण करणाऱ्या फटाक्यांची विक्री, साठवणूक आणि फोडण्यास बंदी घालण्यात आली आहे.

विशेष आकाराच्या पॅरामीटर्ससह येणारा फटाका जो स्ट्रिंग रॅपिंगसह येतो आणि खूप मोठा आवाज निर्माण करतो, तो बाळगणे, विक्री करणे आणि फोडणे यावर बंदी घालण्यात आली आहे.

फटाक्यांच्या विक्रीसाठी परवाने लागणार

पुणे पोलीस प्रशासनाकडून पुण्यात विदेशी फटाक्यांच्या विक्रीवर बंदी घालण्यात आली आहे. मात्र, दिवाळीनिमित्त तात्पुरते फटाके विक्रीसाठी पोलिसांकडून परवाने वितरीत करण्यात येतील. 27 ऑक्‍टोबर ते 7 नोव्हेंबर या कालावधीसाठी हे परवाने ग्राह्य असतील. मात्र, या कालावधीतही विक्रेत्यांना विदेशी फटाक्‍यांची विक्री करता येणार नाही.

मोठी बातमी: पुण्यात फटाक्यांच्या विक्रीसाठी परवाने लागणार; विदेशी फटाक्यांवर बंदी https://t.co/R1j6Nz6V4J #Pune #Firecrackers #Diwali2021

— TV9 Marathi (@TV9Marathi) October 27, 2021

संबंधित बातम्या :

दिन दिन दिवाळी… महाराष्ट्रातील शाळांना 14 दिवसांची सुट्टी जाहीर, शिक्षणमंत्र्यांकडून दिवाळीच्या शुभेच्छा

नाशिक महापालिका कर्मचाऱ्यांची दिवाळी जोरात, 15 हजारांच्या सानुग्रह अनुदानावर महासभेत शिक्कामोर्तब