Pune Weather | पुण्यात आज हवामान कोरडे, काही ठिकाणी तुरळक सरी कोसळण्याच्या शक्यता

पुण्यात (Pune) दोन आठवड्यांपासून पावसाने (Pune Rain) दडी मारली आहे. त्यामुळे यंदा पावसाने सरासरीही गाठलेली नाही. आजही पुण्यातलं हवामान (Pune Weather) कोरडं राहील. काही ठिकाणी ढगांच्या गडगडाटासह तुरळक सरी कोसळण्याची शक्यता हवामान खात्यानं वर्तवली आहे.

TV9 मराठी डिजीटल टीम | Edited By: Ajinkya Guthe | Updated on: Aug 24, 2021 | 10:49 AM

पुणे : पुण्यात (Pune) दोन आठवड्यांपासून पावसाने (Pune Rain) दडी मारली आहे. त्यामुळे यंदा पावसाने सरासरीही गाठलेली नाही. आजही पुण्यातलं हवामान (Pune Weather) कोरडं राहील. काही ठिकाणी ढगांच्या गडगडाटासह तुरळक सरी कोसळण्याची शक्यता हवामान खात्यानं वर्तवली आहे. (forecast dry weather in Pune today and occasional showers with thunderstorms in some places)

आज दिवसा पुण्यातचं कमाल तापमान 29 अंश सेल्सिअस असेल. तर रात्री तापमान 26 अंश सेल्सिअसवर येऊ शकतं. दिवसा शहराच्या काही भागात १ मिमीपर्यंत पाऊस पडण्याची शक्यता आहे. दिवसा वाऱ्याचा वेग 24 किमी प्रतितास असेल तर रात्री हा वेग वाढून 37 किमी प्रतितास जाऊ शकतो. रात्रीच्या वेळी पाऊस पडण्याची शक्यता नाही.

आजपासून पावसाचा जोर कमी होणार

1 जून ते 22 ऑगस्टदरम्यान राज्यात सरासरी 752.9 मिलीमीटर पावसाची नोंद करण्यात आली आहे. राज्यात मंगळवारपासून पावसाचा जोर कमी होणार आहे. सोमवार ते गुरूवारदरम्यान राज्याच्या काही भागात पावसाच्या तुरळक सरी कोसळण्याची शक्यता वर्तवण्यात आली आहे. यामध्ये राज्यातल्या धरणक्षेत्रात चांगला पाऊस पडण्याची शक्यता आहे.

शहरात सरासरीपेक्षा कमी पाऊस

शहरात 1 जूनपासून 22 ऑगस्टपर्यंत 382.2 मिलीमीटर पावसाची नोंद झाली आहे. या कालावधीत दरवर्षी सरासरी 412.4 मिमी पाऊस पडतो. त्यामुळे यंदा शहरात सरासरीपेक्षा कमी पाऊस पडल्याचं स्पष्ट होत आहे. या आठवड्यात पुणे शहर आणि परिसरात पावसाच्या हलक्या सरी कोसळण्याची शक्यता आहे. पुढच्या दोन दिवसांत शहर आणि परिसरातलं किमान तापमान हे 20 ते 21 अंश सेल्सिअसच्या दरम्यान राहील असं हवामान खात्याने सांगितलं आहे.

खडकवासला प्रकल्पात पुरेसा पाणीसाठा

खडकवासला प्रकल्पाच्या मुठा खोऱ्यात 95.11 टक्के म्हणजेच 27.96 टीएमसी पाणीसाठा सध्या आहे. पुणे शहर आणि हवेली, दौंड, बारामती आणि इंदापूर या तालुक्यांसाठी खडकवासला धरण महत्वाचं आहे. खडकवासला प्रकल्पात पुरेसा पाणीसाठा असल्याने या भागाला काहीसा दिलासा मिळाला आहे. आतापर्यंत जिल्ह्यातल्या 26 पैकी 11 धरणं शंभर टक्के भरली आहेत. इतर धरणांमध्ये कमी-अधिक प्रमाणात पाणीसाठा उपलब्ध आहे.

इतर बातम्या :