Accident : कंटेनरला पीकअपनं दिली धडक; मुंबई-पुणे द्रुतगती महामार्गावरच्या अपघातात 1 ठार

मावळ, पुणे : कंटेनरला पीकअप गाडीने मागून धडक दिल्याने भीषण अपघात (Accident) झाला आहे. पुणे-मुंबई द्रुतगती महामार्गावर (Mumbai Pune express way) ओझर्डे गावच्या हद्दीत हा अपघात झाला. या अपघातात एक ठार (Dead) तर दोन गंभीर जखमी झाले आहेत. सकाळी सहाच्या दरम्यान ही घटना घडली. पुण्यावरून मुंबईला कोंबड्यांची वाहतूक करणारा पीकअप टेम्पोच्या चालकाने भरगाव जाणाऱ्या कंटेनरला मागून जोरात धडक दिली. त्यामुळे काही काळ या पुणे-मुंबई मार्गिकेवरची वाहतूक ठप्प झाली होती. जखमींना ट्रॉमा केअर सेंटरला दाखल करण्यात आले आहे, तर अपघातग्रस्त वाहने बाजूला करण्यात आली आहेत. अपघातानंतरचे व्हिडिओ फुटेज समोर आले आहे. यात अपघाताची भीषणता दिसून येते. कोंबड्यांची वाहतूक करणारा पीकअप टेम्पोच्या चालकाने भरगाव जाणाऱ्या कंटेनरला मागून जोरात धडक दिल्याने आतील व्यक्तींना गंभीर जखमा झाल्या आहेत.

अपघातानंतर काही काळ कोंडी

या अपघातानंतर महामार्गावर काही काळ वाहतुकीची कोंडी झाली होती. स्थानिकांच्या मदतीने दोन जखमींना रुग्णालयात दाखल करण्यात आले. दरम्यान, मुंबई-पुणे द्रुतगती महामार्गावर अपघातांची मालिका सुरूच असून मागील काही दिवसांत अपघाताचे प्रमाण प्रचंड वाढले आहे. यामुळे मृत्यू होणाऱ्यांची संख्याही त्यासोबत वाढली आहे. त्यामुळे वाहन चालविताना वाहतुकीच्या नियमांचे काटेकोर पालक करण्याचे आवाहन करण्यात आले आहे.

आणखी वाचा :

PMP Bus Day Pune : पुणेकरांच्या आवडत्या PMPचा आज बस डे, महिलांना दिवसभर मोफत प्रवासाची संधी

Pune NCP : पुणे महापालिका निवडणुकीसाठी राष्ट्रवादीनं कसली कंबर; अॅपही केलं लॉन्च!

Supriya Sule : खासदार सुप्रिया सुळे जेव्हा फोटोग्राफर बनतात आणि निघते रथातून मिरवणूक!