Pune Toy train : बच्चेकंपनीसाठी मेजवानी! धमाल मौजमस्तीसाठी पुन्हा येतेय टॉय ट्रेन; कोरोनामुळे होती बंद

पुणे : पुणे महानगरपालिका (PMC) पाच गार्डन्स सिटीमध्ये टॉय ट्रेन सुरू करणार आहे. त्यामुळे या उन्हाळ्यात मुलांसाठी ती एक मेजवानी असणार आहे. साथीच्या आजारामुळे शहरातील टॉय ट्रेन (Toy trains) दोन वर्षांपासून बंद होत्या. पहिली टॉय ट्रेन ‘फुलराणी’ शहरात 1963मध्ये पेशवे पार्क, सारसबाग येथे सुरू करण्यात आली होती. लवकरच उद्यान विभाग मोटार वाहन विभागाला या टॉय ट्रेनच्या देखभालीसाठी निविदा (Tender) प्रक्रिया सुरू करण्याची विनंती करणार आहे. त्यानंतर ही ट्रेन धावणार आहे. या टॉय ट्रेनशिवाय नानासाहेब पेशवे तलाव, कात्रज येथे टॉय ट्रेन, शिवाजी उद्यान, वडगावशेरी, भैरवसिंह घोरपडे उद्यान, घोरपडी पेठ आणि जावळकर उद्यान, कर्वेनगर येथे नव्याने झालेल्या टॉय ट्रेन लवकरच कार्यान्वित होणार आहेत.

मोटार वाहन विभागाला पत्र

आम्ही खेळण्यांच्या गाड्या यशस्वीपणे चालवत आहोत आणि मुले जेव्हा उद्यानाला भेट देतात तेव्हा त्यांच्यासाठी त्या मुख्य आकर्षण असतात, पण कोविडच्या काळात आम्हाला त्या बंद कराव्या लागल्या होत्या. आता आम्ही मोटार वाहन विभागाला ते लवकरात लवकर पुन्हा सुरू करण्यासाठी पत्र दिले आहे, असे पीएमसीच्या उद्यान विभागाने सांगितले आहे.

मोनोरेल टॉय ट्रेनचा प्रस्ताव

मोटार वाहन विभागाने म्हटले, की गाड्या नेहमीच चांगल्या प्रकारे राखल्या गेल्या आहेत आणि चांगल्या स्थितीत आहेत परंतु महामारीच्या या दोन वर्षांत त्यांना लोको शेडमध्ये ठेवण्यात आले आहे. आम्ही लवकरच या टॉय ट्रेनच्या देखभाल आणि दुरुस्तीसाठी निविदा प्रक्रिया सुरू करू. टॉय ट्रेनच्या देखभालीसाठी साधारणपणे 10 लाख रुपये लागतात. दरम्यान, पुण्याचे महापौर मुरलीधर मोहोळ यांनी कोथरूड येथील तात्यासाहेब थोरात उद्यानात 5.47 कोटी रुपये खर्चून मोनोरेल टॉय ट्रेनचा प्रस्ताव ठेवला आहे.

आणखी वाचा :

Pune IMD : पुणेकरांना पाऊस भिजवणार! पुणे वेधशाळेनं काय वर्तवला अंदाज? वाचा सविस्तर

आरोग्य सेवेची परीक्षा नव्यानं घ्या, विद्यार्थ्यांची मागणी; पुण्यातील आरोग्य संचलनालयासमोर बेमुदत उपोषण

Pune Sharad Pawar : अमृता फडणवीस यांचं नाव न घेता शरद पवारांचा निशाणा, मुख्यमंत्र्यांच्या एकेरी उल्लेखावरून फटकारलं