Nida Khan: चक्रावून टाकणारा खुलासा…निदा खान तर वेगळीच निघाली! टीसीएस प्रकरणातील आरोपीचा खरा चेहरा पाहिला का?
Nida Khan First Image: नाशिकमधील टीसीएस कंपनीतील धर्मांतरण आणि लैंगिक शौषण प्रकरणात आरोपी निदा खान हिला पोलिसांनी अखेर बेड्या ठोकल्या. छत्रपती संभाजीनगरमधील नारेगाव येथून तिला अटक केली. तेव्हा तिचा खरा चेहरा, तिचे खरे रूप समोर आले.
Nida Khan First Look: नाशिक येथील टीसीएस कंपनीतील धर्मांतरण आणि लैंगिक शोषण प्रकरणात 42 दिवसांनी मास्टरमाईंड निदा खान हिला अखेर बेड्या ठोकल्या. छत्रपती संभाजीनगरमधील नारेगाव येथून तिला अटक करण्यात आली. नाशिक गुन्हे शाखा आणि छत्रपती संभाजीनगर पोलिसांनी संयुक्तरित्या ही कारवाई केली. तिला अटक करण्यात आल्यानंतर निदा खानचा खरा चेहरा समोर आला. आतापर्यंत तिचा जो सोशल मीडिया खात्यावरील प्रोफाईल फोटो समोर येत होता, त्यापेक्षा ती वेगळी असल्याचे समोर आले आहे. ही निदा खान तर वेगळीच निघाली अशी प्रतिक्रिया तिला पाहाताच अनेकांनी दिली. यंत्रणांना गुंगारा देण्यासाठी तिने हा बनाव केल्याचे समोर आले आहे. कोणी ओळखू नये यासाठी तिने मुद्दामहून प्रोफाईलवर तो फोटो लावल्याचे समोर आले आहे.
42 दिवसांपासून निदा फरार
नाशिक येथील टीसीएस लैंगिक छळ आणि धर्मांतरण प्रकरणातील मास्टरमाईंड निदा खान ही गेल्या 42 दिवसांपासून पोलिसांना गुंगारा देत होती. अगोदर ठाणे मग मुंब्रा अशा ठिकाणी ती लपल्याचे अगोदर समोर येत होते. पण निदा खान ही छत्रपती संभाजीनगरमधील नारेगावात लपली होती. निदा खान हिला शोधण्यासाठी पोलिसांचे एक पथक 24 तासांपासून काम करत होते. ती 25 मार्चपासून फरार होती. नारेगावातील कैसर कॉलनीतील एका फ्लॅटमधून तिला अटक करण्यात आली.
ते पाच लोक कोण?
निदा खान हिला एमआयएम नगरसेवक मतीन खान यांनी मदत केल्याची माहिती सूत्रांनी दिली आहे. आरोपी निदा खान ही कैसर कॉलनीतील या फ्लॅटमध्ये तिची आई, वडील, भाऊ आणि काकीसोबत राहत होती. ती चार दिवसांपूर्वीच या फ्लॅटमध्ये दाखल झाल्याची माहिती मिळाली आहे. दोन दिवसांपूर्वीच पोलिसांनी ती या भागात लपल्याची माहिती मिळाली होती. पण कोणत्याही प्रकारची जोखीम नको म्हणून पोलिसांनी अगोदर या परिसराची आणि फ्लॅटची रेकी केली. त्यानंतर निदा खान हिला अटक केली.
निदा खानचा अटकपूर्व जामीन फेटाळला
निदा खान हिने नाशिक येथील कोर्टात धाव घेतली होती. तिने अटकपूर्व जामीनासाठी अर्ज दाखल केला होता. न्यायालयाने तिचा अटकपूर्व जामीन अर्ज फेटाळला. त्यानंतर तिने पुन्हा एकदा गर्भधारणेचे कारण पुढे करत अटकपूर्व जामीनासाठी प्रयत्न केला. विशेष म्हणजे ती इतर आरोपींच्या कोणत्या कोणत्या प्रकारे संपर्कात असल्याची माहिती समोर येत आहे.याप्रकरणात तिचे साथीदार रजा रफीक मेमन, तौसीफ बिलाल अत्तार, दानिश शेख आणि शाहरुख हुसैन शौकत कुरेशी तुरुंगात आहेत.
