मोठी बातमी | संभाजीराजे राज्यसभा निवडणूक लढणार नाहीत? थोड्याच वेळात पुण्यात घोषणा करणार, सूत्रांची माहिती

मोठी बातमी | संभाजीराजे राज्यसभा निवडणूक लढणार नाहीत? थोड्याच वेळात पुण्यात घोषणा करणार, सूत्रांची माहिती
छत्रपती संभाजीराजे
Image Credit source: tv9

राज्यसभेची (Rajya Sabha Election) जागा विजयी होण्यासाठी मतांचं गणित जमणार नसल्याची चिन्हं दिसल्याने संभाजीराजे निवडणुकीतून माघार घेण्याची शक्यता वर्तवली जात होती. पुढील काही वेळातच यावर शिक्कामोर्तब होईल.

भूषण पाटील

| Edited By: मंजिरी धर्माधिकारी

May 26, 2022 | 1:07 PM

मुंबईः कोल्हापूरचे संभाजीराजे (Sambhajiraje) राज्यसभेच्या निवडणुकीतून माघार घेण्याची शक्यता आहे. येत्या काही वेळातच संभाजीराजे पुण्यातून सदर घोषणा करतील, अशी माहिती सूत्रांनी दिली आहे. मागील वेळी राज्यसभेवर संभाजी राजेंना भाजपतर्फे पाठिंबा देण्यात आला होता. यंदा त्यांनी अपक्ष म्हणून निवडणूक लढवण्याचे जाहीर केले होते. याकरिता सर्वपक्षीय पाठिंबा मिळवण्यासाठी त्यांनी विनंती केली होती. शिवसेनेने अपक्षांना पाठिंबा देणार नाही, अशी भूमिका घेतली होती. त्याऐवजी शिवसेनेत आल्यास आम्ही उमेदवारी देऊ, असा प्रस्ताव संजय राऊत (Sanjay Raut) यांनी दिला होता. मात्र संभाजीराजेंनी हा प्रस्ताव फेटाळल्याने शिवसेनेने राज्यसभेवर दुसरा उमेदवार उभा केला. अशा रितीने राज्यसभेची (Rajya Sabha Election) जागा विजयी होण्यासाठी मतांचं गणित जमणार नसल्याची चिन्हं दिसल्याने संभाजीराजे निवडणुकीतून माघार घेण्याची शक्यता वर्तवली जात होती. पुढील काही वेळातच यावर शिक्कामोर्तब होईल.

‘मी जनतेशी बांधील’ फेसबुक पोस्टचा रोख कुठे?

दरम्यान, संभाजीराजेंनी नुकतीच एक फेसबुक पोस्ट शेअर केली असून त्यांनी छत्रपती शिवाजी महाराजांच्या प्रतिमेसमोर नतमस्तक होतानाच फोटो त्यात शेअर केला आहे. मला छत्रपती शिवाजी महाराजांच्या नजरेतलं स्वराज्य घडवायचं आहे. मी त्यांच्या विचारांशी कटिबद्ध असेन. मी फक्त जनतेशी बांधील आहे, असा मजकूर त्यांनी या पोस्टमध्ये लिहिला आहे. या फेसबुक पोस्टचा रोख नेमका कोणत्या दिशेने आहे, यावर तर्क वितर्क लावले जात आहेत. ही पोस्ट शिवसेनेच्या दिशेने रोख करतेय, अशीही चर्चा आहे. मात्र पुढील काही वेळातच संभाजीराजे यामागील भूमिका स्पष्ट करतील.

हे सुद्धा वाचा

शिवसेनेकडून संजय राऊत आणि संजय पवार

दरम्यान, राज्यसभा निवडणुकीसाठी शिवसेनेकडून संजय राऊत आणि संजय परवार हे दोघेही आपला उमेदवारी अर्ज दाखल करणार आहेत. मुख्यमंत्री उद्धव ठाकरे आणि राष्ट्रवादी काँग्रेसचे अध्यक्ष शरद पवार यांच्या उपस्थितीत दोन्ही नेते राज्यसभेसाठी आपला उमेदवारी अर्ज दाखल करतील. राज्यसभेसाठी शिवसेना जो उमेदवार देईल त्याला पाठिंबा देऊ, असं शरद पवारांनी सांगितलं होतं. त्यावेळी हा अर्ज भरताना शरद पवार हजर असतील.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें