‘उद्धव ठाकरेंची बोंबाबोंब म्हणजे चोर की दाढी मे तिनका’, संजय निरुपम यांचा घणाघात

निवडणूक प्रचारादरम्यान दोनवेळा उद्धव ठाकरे यांच्या बॅगांची तपासणी करण्यात आल्यानंतर महाविकास आघाडीकडून टीका केली जात आहे. त्या टीकेला आता मुख्यमंत्री एकनाथ शिंदे यांच्या शिवसेनेचे प्रवक्ते तथा दिंडोशी विधानसभा मतदारसंघाचे उमेदवार संजय निरुपम यांनी प्रत्युत्तर दिलं आहे. “आमचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याही बॅगा तपासण्यात आल्या. मात्र त्यांनी कधी याचं भांडवल केलं नाही. कारण त्यांच्याकडे अशी काहीही भीती नव्हती. त्यांनी कधीही ब्लॅक मनीचा वापर केला नाही. उद्धव ठाकरे ब्लॅक मनीचा म्हणजेच काळ्या धनाचा वापर करत आहेत. यामुळे त्यांना भीती वाटत आहे, जर तपासणी झाली तर काळे धन सापडणार आणि त्यामध्ये कायदेशीररित्या अडकणार. उद्धव ठाकरेंची बोंबाबोंब म्हणजे चोर की दाढी मे तिनका”, अशी खोचक टीका संजय निरुपम यांनी केली.

“उद्धव ठाकरे यांनी व्हिडिओ बनवून बोंबाबोंब केली. उद्धव ठाकरे एवढे कशाला बोंबाबोंब करत आहेत? कोणाचीही बॅग तपासणी झाली पाहिजे .कुणाच्याही चोपरची तपासणी झाली पाहिजे. कुणाच्याही गाडीची तपासणी झाली पाहिजे. जेव्हा निवडणुकीची प्रक्रिया चालू असते, निवडणुकीत काळ्या धनाचा वापर होऊ नये यासाठी निवडणूक आयोग तपासणी करत आहे”, असं संजय निरुपम म्हणाले.

‘त्यांनी कधी बोंबाबोंब केली नाही’

“पूर्वी आमचे मुख्यमंत्री एकनाथ शिंदे यांची चोपरची तपासणी झाली होती. त्यांनी कधी बोंबाबोंब केली नाही. उपमुख्यमंत्री देवेंद्र फडणवीस यांची चौपरची तपासणी झाली. त्यांनी कधीही बोंबल केली नाही. कारण त्यांच्याकडे असं काहीही भीती वाटणारं नव्हतं. त्यांनी कधीही ब्लॅक मनीचा वापर केला नाही” असं संजय निरुपम म्हणाले.

‘तपासणी झाली तर ब्लॅक मनी सापडणार आणि ठाकरे अडकणार’

“उद्धव ठाकरे ब्लॅक मनीचा वापर करत आहेत. त्यामुळे त्यांना भीती वाटत आहे. जर तपासणी झाली तर ब्लॅक मनी सापडणार आणि त्यामध्ये कायदेशीररित्या अडकणार”, असा आरोप संजय निरुपम यांनी केला. संजय निरुपम यांनी यावेळी ठाकरे गटाचे नेते सुनील प्रभू यांच्यावरही टीका केली. “माझे बिल्डरशी संबंध असतील तर ते सिद्ध करून दाखवा. मी राजकारणाचा राजीनामा देईन, असे सुनील प्रभू म्हणाले होते. आज मी सिद्ध केले आहे. आता हिंमत असेल तर राजीनामा द्या”, असं संजय नरुपम म्हणाले आहेत.