महिला दिनादिवशीच अल्पवयीन मुलीची प्रसूती; नंतर मुलीच्या बापाने जे केले ते काळीमा फासणारेच…

साताराः जगभर आंतरराष्ट्रीय महिला दिन मोठ्या उत्साहात साजरा होत असताना महाराष्ट्रात मात्र एका घटनेने प्रचंड खळबळ उडवून दिली आहे. सातारा जिल्ह्यातील पाटण तालुक्यात मात्र एका धक्कादायक प्रकार घडला आहे. महिला दिनादिवशीच हा प्रकार घडल्याने खळबळ उडाली आहे. पाटण तालुक्यातील ढेबेवाडी भागातील एका गावातील अल्पवयीन मुलीवर अत्याचार झाल्याची घटना घडली होती. त्यानंतर ती अत्याचारग्रस्त मुलगी आठ महिने 21 दिवसांची गर्भवती राहिली होती.

अल्पवयीन मुलीवर अत्याचार केल्याची घटना घडल्यामुळे याप्रकरणी आरोपीवर बाल लैंगिक अत्याचार कायद्यान्वये गुन्हा दाखल करण्यात आला आहे.

या प्रकरणातील आरोपीला अटक करून पीडित अल्पवयीन मुलीच्या वैद्यकीय तपासणीसाठी तिला रुग्णालयात दाखल करण्यात आले होते. त्यानंतर मुलीच्या पोटात गर्भ नसल्याचे निदर्शनास आले. त्यानंतर या प्रकरणी पोलिसांनी मुलीकडे चौकशी केली असता. त्या मुलीच्या वडिलांनी घरीच प्रसूती केल्याचे तिने सांगितले.

प्रसुतीनंतर जन्मलेले बाळ रडत असल्याने शेजाऱ्यांना समजायला नको म्हणून वडिलांनीच बाळाचे तोंड दाबून घरातील पारळीने त्याचे शीर धडावेगळे केले तसेच ते नाल्यांमध्ये टाकून नष्ट करण्याचा प्रयत्न केला असल्याची धक्कादायक माहिती मुलीने सांगितले.

त्यानंतर या प्रकरणी याबाबत पोलिसांनी तात्काळ मुलीच्या बापावर गुन्हा दाखल करून त्याला अटक करण्यात आली आहे.

या घटनेची नोंद ढेबेवाडी पोलीस ठाण्यात झाले असून अधिक तपास पोलीस उपाधीक्षक विवेक लावंड, सहाय्यक पोलीस निरीक्षक अभिजीत चौधरी, उपनिरीक्षक दीपज्योती पाटील करीत आहेत.

पाटण तालुक्यातील या प्रकारामुळे प्रचंड खळबळ उडाली आहे. या प्रकरणी मुलीच्या वडिलांना पोलिसांनी ताब्यात घेतले असून पुढील तपास पोलीस करत आहेत. याप्रकरणात आणखी कोणाचा समावेश आहे का त्याचीही चौकशी केली जात आहे.