रुपाली चाकणकर यांना एसआयटी चाैकशीकरिता का बोलावत नाही? सुषमा अंधारे यांचे गंभीर आरोप…

भोंदू अशोक खरात प्रकरणात धक्कादायक माहिती पुढे येत आहे. यादरम्यानच आता शिवसेना नेत्या सुषमा अंधारे यांनी गंभीर आरोप केली आहेत. सुषमा अंधारे यांनी म्हटले की, खरातच्या मुलीला 32 ते 33 लाखांचा फ्लॅट गिफ्ट करण्यात आला. यासंदर्भातील सर्व धागेदोरे आपल्याला सांगोल्यात सापडतील. सांगोल्यात पुजेला खरात आणि सर्व मंडळी गेली होती. अनेक प्रकारच्या ज्या पूजा आहेत, जसे की, इथे ललित पोकळेने ही पूजा भरवली होती. या पूजेलाही चाकणकर होत्या आणि सगळी माणसे होती. ही जी सर्व माणसे आहेत, जी खरातची भोंदूपणा आणि त्याचे प्रस्त वाढवण्याकरिता जाणिवपूर्वक मदत करत होते. मी हे शब्द वापरते की, खरातला कोणत्याही प्रकारची सिद्धी प्राप्त नाही. तरी सुद्धा खरातचे प्रस्त वाढवण्याकरिता नामकरण आवारे किंवा चाकणकर ही सगळी माणसे प्रयत्न करत होती. त्यामुळे ही सर्व माणसे गुन्हेगार ठरतात.

पुढे सुषमा अंधारे यांनी म्हटले की, काल चाकणकऱ्यांच्या वतीने असलेल्या वकिलांचे म्हणणे आहे की, चाकणकर यांनी अगोदरच खेमकरला पत्र दिलं होतं. चाकणकरांनी सांगितले होतं की, त्यांनी मोगम माहितीच्या आधारे केले आहे. त्याचा पेपर बंद व्हावा, असे पत्र त्यांनी अधिक्षकांना दिले होते. पण आमचा पुन्हा एकदा एक प्रश्न आहे…

चाकणकर बाईंनी असंच एक पत्र अधिक्षकांना द्यायला हवं होत की, खरातच्या संदर्भात मला माहिती प्राप्त होत आहे की… आणि खरातची चाैकशी करा… खरात खरंच महिलांचे शोषण करतो का? खरातची चाैकशी व्हावी, असं पत्र चाकणकरांनी पोलिसांना त्या काळात का नाही दिलं? असा मोठा प्रश्न सुषमा अंधारे यांनी उपस्थित केला.

सुषमा अंधारे यांनी पुढे बोलताना म्हटले की, चाकणकरांना सगळी परिस्थिती माहिती असताना चाकणकरांनी गुन्हेगाराला पाठिशी घातले. एवढे सर्व सत्य असताना मला प्रश्न पडतो की, एसआयटी अजूनही चाकणकरांना चाैकशीसाठी का बोलावत नाही? माध्यमांकडून माहिती मिळते की, चाकणकर यांना समन्स गेला आहे, पण चाकणकर मी महिला असल्या कारणाने प्रवास करू शकत नाही, अशी माहिती आम्हाला माध्यमांकडूनच कळती आहे.