Eknath Shinde : तर बाळासाहेबांनी एकनाथ शिंदेंच्या कानाखाली जाळ काढला असता, अभिजीत बिचुकलेंचं वक्तव्य पुन्हा चर्चेत

सातारा : बिग बॉस फेम अभिजीत बिचुकले (Abhijeet Bichukale) हे आपल्या वक्तव्यामुळे सदा चर्चेत असणारे नाव. काही दिवसांपुर्वीच बिचुकले यांनी आपण राष्ट्रपती पदाच्या निवडणुकीसीठी अर्ज भरणार असल्याचे म्हटलं होतं. त्यानंतर त्यांच्या नावाची चर्चा राज्यात झाली होती. दरम्यान बिचुकले यांनी पुन्हा एकदा असेच वक्तव्य केलं आहे. ज्यामुळे शिवसेना प्रमुख बाळासाहेब ठाकरे (Balasaheb Thackeray) यांची सगळ्यांना आठवण आली आहे. यावेळी बिचुकले यांनी सध्याच्या राजकीय नाट्यासह शिवसेनेचे नेते आमदार एकनाथ शिंदे यांच्याविषयी आपली प्रतिक्रिया दिली आहे. बिचुकले यांनी त्यांच्या शैलित बोलताना, तर बाळासाहेबांनी एकनाथ शिंदेंच्या (Eknath Shinde) कानाखाली जाळ काढला असता असं म्हटलं आहे.

शिवसेनेचे नेते आमदार एकनाथ शिंदे यांनी नाराजीचा सुर ओढताना काही आमदारांसह आपला तळ गुजरातमध्ये हालवला आहे. तर शिंदे यांनी शिवसेनेच्या नेतृत्वावरच आक्षेप घेतला आहे. तसेच पुन्हा शिवसेनेने भाजपसोबत युती करावी, आपले हिंदुत्व जपावं अशी शिवेसेनेकडे मागणी केली आहे. त्यावर आता बिग बॉस फेम अभिजीत बिचुकले यांनी प्रतिक्रीया देताना, शिंदेंना फटकारलं आहे. तसेच शिवसेनाप्रमुख बाळासाहेब ठाकरे असते तर एकनाथ शिंदेंच्या कानाखाली जाळ काढला असता, असं म्हटलं आहे.

राज्यसभा आणि विधानपरिषदेच्या झालेल्या निवडणूकीनंतर राज्याचे राजकारण चांगलेच कलाटी खाणारे झाले आहे. तर तर महाविकास आघाडी सरकारमधील मंत्री शिंदे यांनी शिवसेनेसह आघाडीलाच धक्का दिला आहे. तसेच ते सध्या गुजरात मध्ये आहेत. तर त्यांची नाराजी दुर करण्यासाठी शिवसेना नेते तेथे गेले आहेत. याराजकीय नाराजी नाट्यावर बिचुकले यांना विचारले असताना त्यांनी ही प्रतिक्रीया दिली आहे. ते म्हणाले, आता याबाबत काय बोलावं, सर्वसामान्यांचे प्रश्न महत्वाचे आहेत. लोकांना अन्न मिळणं मुश्कील झालंय. जगणं कठीण झालंय. अशा परिस्थितीमध्ये शिंदे काय करत आहेत. आपला शिवसेनेशी संबंध नाही. मी अपक्ष आहे. पण आता जे सुरु आहे त्यावर मी एवढच बोलू इच्छितो की, या ठिकाणी बाळासाहेब ठाकरे असते ना तर त्यांनी शिंदेंच्या कानाखाली जाळ काढला असता.