Thane News : घोडबंदर रोडवर इमारतीत भीषण आग, दोघांचा मृत्यू तर तिघे जखमी
ठाणे येथील घोडबंदर रोडवर एका रहिवासी इमारतीला शनिवारी आग लागली. यामध्ये एकाच कुटुंबातील दोघांचा मृत्यू झाला असून अन्य तिघे जखमी झाले.
ठाणे | 25 नोव्हेंबर 2023 : ठाणे येथील घोडबंदर रोडवर एका रहिवासी इमारतीला शनिवारी आग लागली. यामध्ये एकाच कुटुंबातील दोघांचा मृत्यू झाला असून अन्य तिघे जखमी झाल्याचे वृत्त आहे. पहाटेच्या सुमारास लागलेल्या या आगीत घरातील दोघांचा होरपळून मृत्यू झाला. अन्य तीन जखमींना उपचारांसाठी तातडीने जवळच्या रुग्णालयात दाखल करण्यात आले. आग लागल्याची माहिती मिळतचा अग्निशमन दलाच्या जवानांनी तत्काळ घटनास्थळी धाव घेतली. अथक प्रयत्नांनतर आगीवर नियंत्रण मिळवण्यात यश मिळाले.मात्र ही आग नेमकी कशामुळे लागली, यामागचे कारण अद्याप स्पष्ट झालेले नाही.
#WATCH | Maharashtra | Two people of the same family died, three others injured in a fire that broke out on the first floor of a building at Ghodbunder Road in Thane. The injured have been admitted to a hospital. pic.twitter.com/Nr4l0eUFWN
— ANI (@ANI) November 25, 2023
मिळालेल्या माहितीनुसार, मिळालेल्या माहितीनुसार, ठाण्यातील घोडबंदर रोडवरील वाघ बीळ नाका परिसरात ‘माधवी निवास’ ही इमारत आहे. त्यातील पहिल्या मजल्यावर आज( शनिवार) पहाटेच्या सुमारास अचानक आग लागली. बघता बघता आगीने रौद्र रूप धारण केले. पहाटेची वेळ असल्याने घरातील सर्वजण गाढ झोपेत होते. त्यापैकी दोघांचा होरपळून मृत्यू झाला तर इतर तिघे गंभीर जखमी झाले. ते कसाबसा जीव वाचवून घराबाहेर पडले. त्यांच्यावर नजीकच्या रुग्णालयात उपचार सुरू आहेत. पण ही आग लागली कशी, हे अद्याप तरी समजू शकलेले नाही. आगीवर नियंत्रण मिळवण्यात यश आले आहे.
