Video : खासदार प्रितम मुंडेंनी उद्घाटन केलेल्या बैलगाडा शर्यतीत दुर्घटना; दोन शाळकरी मुलं जखमी, घटनेचा व्हिडिओ व्हायरल

बीडचे भाजपचे जिल्हाध्यक्ष राजेश म्हस्के यांचा आज वाढदिवस होता. यानिमित्ताने बीड जवळील तळेगाव शिवारात पहिल्यांदाच बैलगाडा शर्यतीचे आयोजन करण्यात आले होते. खासदार प्रितम मुंडे यांच्या हस्ते या बैलगाडा शर्यतीचे उद्घाटन करण्यात आले होते. ही शर्यत पाहण्यासाठी बीडकरांनी तुफान गर्दी केली होती. याच गर्दीत बैल उधळल्याने दोन शाळकरी मुलं गंभीररित्या जखमी झाले आहेत.

Video : खासदार प्रितम मुंडेंनी उद्घाटन केलेल्या बैलगाडा शर्यतीत दुर्घटना; दोन शाळकरी मुलं जखमी, घटनेचा व्हिडिओ व्हायरल
खासदार प्रितम मुंडेंनी उद्घाटन केलेल्या बैलगाडा शर्यतीत दुर्घटना
Image Credit source: TV9
महेंद्रकुमार मुधोळकर

| Edited By: वैजंता गोगावले, टीव्ही 9 मराठी डिजीटल टीम

Jul 01, 2022 | 10:28 PM

बीड : बीडमध्ये बैलगाडा शर्यत (Bullock Cart Race) सुरु असताना बैल उधळल्याने दोन विद्यार्थी गंभीर जखमी (Injured) झाल्याची घटना घडली आहे. जखमी मुलांना उपचारासाठी रुग्णालयात दाखल करण्यात आले आहे. हा सर्व थरार तेथे उपस्थित प्रेक्षकांनी मोबाईलमध्ये कैद केला आहे. हा व्हिडिओ सध्या सोशल मीडियावर चांगलाच व्हायरल (Viral) झाला आहे. भाजपचे जिल्हाध्यक्ष राजेंद्र मस्के यांच्या वाढदिवसानिमित्त बीडच्या तळेगाव शिवारात ही बैलगाडा शर्यत आज आयोजित केली होती. भाजपच्या खासदार प्रितम मुंडे यांनी या स्पर्धेचं उद्घाटन केलं. ही शर्यत सुरू असतानाच एक बैलगाडा थेट गर्दीत घुसला आणि ही दुर्घटना घडली. याप्रकरणी आयोजकांवर कारवाई करण्याची मागणी करण्यात येत आहे.

गर्दीत बैल उधळल्याने घडली दुर्घटना

बीडचे भाजपचे जिल्हाध्यक्ष राजेश म्हस्के यांचा आज वाढदिवस होता. यानिमित्ताने बीड जवळील तळेगाव शिवारात पहिल्यांदाच बैलगाडा शर्यतीचे आयोजन करण्यात आले होते. खासदार प्रितम मुंडे यांच्या हस्ते या बैलगाडा शर्यतीचे उद्घाटन करण्यात आले होते. ही शर्यत पाहण्यासाठी बीडकरांनी तुफान गर्दी केली होती. याच गर्दीत बैल उधळल्याने दोन शाळकरी मुलं गंभीररित्या जखमी झाले आहेत. या जखमींवर सध्या रुग्णालयात उपचार सुरू आहे. दरम्यान या घटनेचा व्हिडिओ सध्या व्हायरल झालाय. ही शर्यत सुरू असतानाच एक बैलगाडा थेट गर्दीत घुसला आणि यामध्ये दोन शाळकरी मुलं बैलगाड्या खाली आले. या बैलगाडा शर्यतीसाठी परवानगी होती का नाही? हे मात्र अद्याप समजू शकलेले नाही. परंतु या आयोजकांवर कारवाईची मागणी केली जात आहे.

शर्यतीत 100 बैलगाडा मालकांनी घेतला सहभाग

बैलगाडा शर्यतीत पुणे, सोलापूर, सातारा या पश्चिम महाराष्ट्रातील बैलगाडा मालक यात सहभागी झाले होते. बीड जवळील तळेगाव शिवारात ही बैलगाडा शर्यत पार पडली असून यात 100 बैलगाडा मालकांनी सहभाग नोंदवला आहे. शर्यत जिंकणाऱ्या बैलगाडा मालकाला मोटरसायकल पारितोषिक देण्यात आली असून बीडमध्ये पहिल्यांदाच होणारी ही शर्यत पाहण्यासाठी बैलगाडा प्रेमींनी मोठी गर्दी केली होती. 700 मीटरच्या ट्रेकवर शर्यत पार पडली. (Two students were injured in a bullock cart race in Beed, video viral on social media)

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें