मोठी बातमी! अभिजीत दिपके पोलिसांच्या ताब्यात, कॉक्रोच जनता पार्टीचा मोठा दावा

राजधानी दिल्लीमधून मोठी बातमी समोर येत आहे. कॉकरोच जनता पार्टी (CJP) चं आंदोलन आता चांगलंच पेटलं आहे. आंदोलक संसद भवनच्या जवळ पोहोचले आहेत. पोलिसांकडून आंदोलकांना पांगवण्यासाठी अश्रुधुराच्या नळकांड्या फोडल्या जात आहेत. याचदरम्यान आता कॉकरोच जनता पार्टीकडून मोठा दावा करण्यात आला आहे, अभिजीत दिपके यांना दिल्ली पोलिसांनी ताब्यात घेतल्याचा दावा करण्यात आला आहे. कॉकरोच  जनता पार्टीचे मुख्य प्रवक्ता सौरव दास यांनी दावा केला आहे, अभिजित दिपके यांना पोलिसांनी ताब्यात घेतल्याचं त्यांनी म्हटलं आहे.

नेमकं काय म्हटलं सौरव दास यांनी? 

अभिजीत दिपके यांना दिल्ली पोलिसांनी ताब्यात घेतलं आहे, असा दावा सौरव दास यांनी केला आहे, तसेच विरोधी पक्षांनी आता रस्त्यावर उतरावं, विद्यार्थ्यांच्या या आंदोलनाला त्यांनी पाठिंबा द्यावा असं आवाहान यावेळी दास यांच्याकडून करण्यात आलं आहे. आता हे आंदोलन अधिकच पेटलं असून, आंदोलक चांगलेच आक्रमक झाल्याचं पहायला मिळत  आहे.

धर्मेंद्र प्रधान अमित शाहांच्या भेटीला

आंदोलक संसद भवनच्या जवळ पोहोचले आहेत. पोलिसांकडून आंदोलकांना पांगवण्यासाठी अश्रुधुराच्या नळकांड्या फोडल्या जात आहेत. याचदरम्यान केंद्रीय शिक्षण मंत्री धर्मेंद्र प्रधान हे केंद्रीय गृहमंत्री अमित शाह यांच्या भेटीसाठी पोहोचले आहेत. त्यांनी अमित शाह यांची भेट घेतली. काही वेळापूर्वी कॉक्रोच जनता पार्टीकडून असा दावा करण्यात आला होता की, सरकार त्यांचं म्हणणं ऐकून घेण्यास तयार आहे, त्यानंतर कॉक्रोच जनता पार्टीचे संस्थापक अभिजीत दिपके यांनी आपलं उपोषण देखील मागे घेतलं होतं. समोर आलेल्या माहितीनुसार कॉक्रोच जनता पार्टीचा मोर्चा हा संसदेमध्ये पोहोचू नये, यासाठी पोलिसांनी संसद भवन परिसरात अनेक ठिकाणी बॅरिकेड लावले होते, परंतु आंदोलकांनी बॅरिकेड पार केले आहेत. त्यानंतर आता आंदोलकांना पांगवण्यासाठी पोलिसांकडून अश्रुधुराच्या नळकांड्या फोडण्यात आल्या आहेत. त्यातच आता अभिजीत दिपके यांना पोलिसांनी ताब्यात घेतल्याचा दावा कॉक्रोच जनता पार्टीकडून करण्यात आला आहे.