VIDEO:एका पक्ष्यामुळे 185 जणांचे जीव टांगणीला..टेक ऑफ करताना विमानाला लागली आग, इंजिन जळाले, 10 मिनिटं प्रवाशांचा जीव हवेत

पटणा-दिल्ली स्पाईसजेटचे विमान कॉकपिट क्रू रोटेशनच्या काळात टेक ऑफ केल्यानंतर, इंजिन क्रमांक 1वर संशयित पक्ष्याने धडक दिली. त्यानंतर विमानात आग लागली. विमानाच्या कॅप्टनने प्रसंगावधान राखत इंजिन 1बंद केले, आणि पटणा विमानतळावर पुन्हा विमानाचे लँडिंग करण्यात आले.

VIDEO:एका पक्ष्यामुळे 185 जणांचे जीव टांगणीला..टेक ऑफ करताना विमानाला लागली आग, इंजिन जळाले, 10 मिनिटं प्रवाशांचा जीव हवेत
Fire in planeImage Credit source: social media
Follow us
| Updated on: Jun 19, 2022 | 3:14 PM

पटणा– स्पाईस जेटच्या फ्लाईटच्या इंजिनाला आग लागल्याची घटना पटना एयरपोर्टवर घडली आहे. हे विमान पटण्यावरुन दिल्लीला जात होते. विमानाने टेक ऑफ केल्यानंतर, पक्ष्याने विमानाला धडक दिली. त्यामुळे इंजिनाला आग लागल्याची माहिती नियंत्रण कक्षाने दिली आहे. विमानाने दुपारी 11वाजून 55मिनिटांनी टेक ऑफ केले होते, त्यानंतर 12वाजून 20मिनिटांनी अचानक स्फोट होऊन विमानाला आग लागली. 10मिनिटांत पायलटने प्रसंगावधान दाखवत विमान पुन्हा एयरपोर्टवर लँड केल्याने मोठा अपघात टळला. या विमानातून 185जण प्रवास करीत होते. त्यानंतर प्रवाशआंना सुखरुप विमानतळावर परत पाठवण्यात आले असून, संध्याकाळी 4वाजता दुसऱ्या विमानाने त्यांची रवानगी दिल्लीला केली जाणार आहे.

सुदैवाने जिवीतहानी झाली नाही

विमानात 185प्रवासी होते. आग लागल्यानंतर तातडीने पायलटने प्रसंगावधान राखत विमानाचे सेफ लँडिंग केले. त्यामुळे मोठी दु्र्घटना टळली. 10मिनिटे विमानातील प्रवाशांचा जीव टांगणीला लागलेला होता, हे मात्र खरे. या दुर्घटनेत कुणीही जखमी वा मृत झाले नसल्याची माहिती देण्यात आली आहे. आता या प्रकरणाची चौकशी होणार असून, तपासातच आग का लागली याचे कारण स्पष्ट होणार असल्याचे अधिकाऱ्यांकडून सांगण्यात आले आहे.

विमानाचे 3 पंखे नादुरुस्त झाले

स्पाईसजेटच्या प्रवक्त्यांनी या दुर्घटनेबाबत सविस्तर माहिती दिली आहे. ते म्हणाले की – पटणा-दिल्ली स्पाईसजेटचे विमान कॉकपिट क्रू रोटेशनच्या काळात टेक ऑफ केल्यानंतर, इंजिन क्रमांक 1वर संशयित पक्ष्याने धडक दिली. त्यानंतर विमानात आग लागली. विमानाच्या कॅप्टनने प्रसंगावधान राखत इंजिन 1बंद केले, आणि पटणा विमानतळावर पुन्हा विमानाचे लँडिंग करण्यात आले. विमान थांबल्यानंतर विमानाची तपासणी करण्यात आली, त्यावेळी पक्ष्याला धडक दिल्यामुळे विमानाचे 3 पंखे नादुरुस्त झाले आहेत.

जोरात आवाज आला आणि लागली आग, धूर येण्यास सुरुवात

विमानाने एयपोर्टवरुन टेक ऑफ केल्यानंतर काही वेळातच मोठा आवाज झाला आणि आग लागल्याची माहिती प्रत्यक्षदर्शींनी दिली आहे. त्यानंतर आगीच्या ज्वाळ्या दिसू लागल्या, विमानतळावर काही काळ गोंधळाचे वातावरण निर्माण झाले होते, अशीही माहिती देण्यात आली आहे.

बर्ड हिटिंगचे प्रकरण असण्याची शक्यता

या दुर्घटनेनंतर घटनास्थळी तातडीने बडे अधिकारी दाखल झाले. विमानाच्या एका विंगमध्ये आ लागल्याची माहिती मानवजित सिंह ढिल्लो यांनी दिली आहे. बर्ड हिटिंगमुळे हा प्रकार घडला असल्याची शक्यता वर्तवण्यात आली आहे.या प्रकरणाची चौकशी करण्यात येणार असल्याचेही सांगण्यात आले आहे.

आता जीवात जीव आला-पायलट

या विमानातून प्रवास करणाऱ्या प्रत्यक्षदर्शीने सांगितले की विमानाच्या खिडकीतून आग दिसू लागली होती. विंडो साईडला बसलेलो असल्याने ही आग स्पष्ट दिसत असल्याचेही त्यांनी सांगितले. या घटनेनंतर आता परिस्थिती नियंत्रणात आहे, आता जीवात जीव आला, अशी प्रतिक्रिया पायलटने दिली आहे.

विमानात खूप आवाज येत होता, महिला प्रवाशाची माहिती

विमानाने टेक ऑफ केल्यानंतर 10-15मिनिटांतच काहीतरी गडबड आहे, असे लक्षात आले होते, अशी प्रतिक्रिया एका महिला प्रवाशाने दिली आहे. विमान कधी उजवीकडे तर कधी डावीकड़े झुकत होते. थोड्या वेळासाठी सगळेच प्रवासी घाबरलेले होते, असेही या महिलेने सांगितले आहे.

Non Stop LIVE Update
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.