चालकाचं गाडीवरील नियंत्रण सुटलं, बस कॅनॉलमध्ये पलटी होताना जोराचा आवाज झाला, 35 प्रवाशांनी सांगितलं कारण

मुंबई : लग्नासाठी निघालेल्या एका बसचा भीषण अपघात (Bus Accident) झाला आहे. त्यामध्ये सात लोकांचा जागीचं मृत्यू झाला आहे. झालेल्या अपघातामध्ये १२ जण गंभीर जखमी असल्याची माहिती एका वेबसाईटने दिली आहे. सात लोकांचा मृत्यू झाला आहे. त्यामध्ये एका लहान मुलाचा सुध्दा समावेश आहे. हा अपघात आज सकाळच्या सुमारास तड़के दर्शी परिसरात झाला आहे. बसमधील सगळी लोकं पोडिली काकीनाडा येथे लग्न समारंभात सहभागी होण्यासाठी निघाले होते. त्या बसमध्ये ३५ प्रवासी होते. चालकाचं गाडीवरील नियंत्रण बिघडलं, आणि बस कॅनॉलमध्ये पलटी झाली. अपघाताची माहिती मिळाल्यानंतर पोलिस प्रशासन (Andhra Pradesh Police) तिथं दाखल झाले आहे. हा अपघात आंध्रप्रदेश (Andhra Pradesh Road Accident) राज्यातील प्रकाशम जिल्ह्यात झाला आहे.

लग्नात जाण्यासाठी भाड्याने गाडी घेतली होती.

पोलिसांच्या माहितीनुसार, लग्नात जाण्यासाठी लोकांनी प्रवासासाठी सरकारी मालकीची आंध्र प्रदेश राज्य मार्ग परिवहन महामंडळ (APSRTC) बस भाड्याने घेतली होती. गाडी सुरु असताना चालकाला झोप लागली. त्यामुळे हा अपघात झाला आहे. अब्दुल अजीज (65), अब्दुल हानी (60), शेख रमीज (48), मुल्ला नूरजहां (58), मुल्ला जानी बेगम (65), शेख शबीना (35) आणि शेख हिना (6) यांचा मृ्त्यू झाला आहे.

7 of a Wedding party are dead after a bus falls into a canal in Prakasam district, Andhra Pradesh.#BusAccident #AndhraPradesh #PrakasamDistrict #Darsi #JawanPrevue #2000kmsOfYuvaGalam #Heavyrainfall #PawanSaySorryToVolunteers pic.twitter.com/KiCLlgnjZc

— Rajiv Singh (@TammyWo41994849) July 11, 2023

आंध्रप्रदेशचे मुख्यमंत्री म्हणाले…

हा अपघात सकाळी झाल्यानंतर आंध्र प्रदेश राज्याचे मुख्यमंत्री जगन मोहन रेड्डी यांनी सोशल मीडियाच्या माध्यमातून दु:ख व्यक्त केलं आहे. त्याचबरोबर जखमी रुग्णांना तातडीने मदत करण्याचे अधिकाऱ्यांना आदेश देण्यात आले आहेत. राज्यातील लोकांनी सुध्दा सोशल मीडियावर दु:ख व्यक्त केलं आहे.

मृत्यू झालेल्या लोकांचे मृतदेह पोलिसांनी ताब्यात घेतले आहेत. शवविच्छेदन झाल्यानंतर नातेवाईकांच्या ताब्यात देण्यात येणार आहेत. गंभीर रुग्णांवरती उपचार सुरु आहेत.