Badrinath Dham: केदारनाथनंतर बद्रीनाथचे मंदिरही दर्शनसाठी खुले, हेलीकॉप्टरने पुष्पवृष्टी
लष्कराच्या बँडच्या उपस्थितीत बद्रीनाथ धामचे दरवाजे उघडले आहेत. पहिल्याच दिवशी 10 हजारांहून अधिक भाविक दर्शनासाठी दाखल झाले आहेत.
मुंबई : बाबा केदारनाथ नंतर आज भगवान बद्री विशालचे दरवाजेही भक्तांसाठी खुले झाले आहेत. बद्रीनाथ यात्रेबाबत भाविकांमध्ये उत्साहाचे वातावरण आहे. ठिकठिकाणी भाविकांची गर्दी होऊ लागली आहे. बद्रीनाथ धाम पोर्टल आज उघडले आहे. बद्रीनाथ धामचे दरवाजे उघडले आहे. बर्फवृष्टी आणि कडाक्याच्या थंडीत भु-बैकुंठ बद्रीनाथ धामचे द्वार भाविकांसाठी खुले झाले आहेत. बद्रीनाथ धामचे पोर्टल आज गुरुवारी सकाळी ७.१० वाजता वैदिक मंत्रोच्चाराने उघडण्यात आले. दरवाजे उघडण्याच्या या शुभमुहूर्तावर अखंड ज्योतीचे दर्शन घेण्यासाठी शेकडो भाविकांनी धाम गाठली असून यात्रा मुक्कामाच्या ठिकाणी हालचालीही सुरू झाल्या आहेत.
#WATCH | Uttarakhand: Devotees gather outside Badrinath temple. The portals of Badrinath Dham will open at 7.10 am. The temple has been decorated with 15 quintals of marigold flowers. pic.twitter.com/us3PIcbXRT
— ANI (@ANI) April 27, 2023
दरवाजे उघडताना हेलिकॉप्टरमधून पुष्पवृष्टी करण्यात आली. बद्रीनाथच्या सिंह दरवाजापासून यात्रेकरूंच्या दर्शनाला सुरुवात झाली आहे. दरवाजे उघडल्यानंतर सुमारे 20 हजार यात्रेकरू धाममध्ये पोहोचले आहेत. दरवाजांच्या उद्घाटनासाठी माधव प्रसाद नौटियाल हेही टिहरी राजाचे प्रतिनिधी म्हणून धाममध्ये उपस्थित होते.
#WATCH | Devotees rejoice as portals of Uttarakhand Shri Badrinath temple open pic.twitter.com/1PDl5EvwYg
— ANI UP/Uttarakhand (@ANINewsUP) April 27, 2023
बद्रीनाथ यात्रेबाबत भाविकांमध्ये उत्साहाचे वातावरण आहे. ठिकठिकाणी भाविकांची गर्दी होऊ लागली आहे. यात्रेकरू आणि स्थानिक भाविकांची सुमारे 400 वाहने बद्रीनाथला पोहोचली आहेत. बद्रीनाथसोबतच धाममध्ये असलेले प्राचीन मठ आणि मंदिरेही झेंडूच्या फुलांनी सजवण्यात आली आहेत.
बद्रीनाथ महामार्गावर काही ठिकाणी अजून ही बर्फ आहे. लांबागड मार्केटमध्येही दुकाने सुरू झाली आहेत. देशातील पहिल्या गावात ये-जा सुरू झाली आहे. बुधवारी बद्रीनाथ धामला पोहोचलेले बहुतांश भाविक माना गावात पोहोचले. बद्रीनाथमध्ये लष्कराच्या हेलिपॅडपासून ते मंदिर परिसरापर्यंत स्वच्छतेचे कामही पूर्ण झाले आहे.
