भारताची इराणला मोठी मदत, इराणनेही मानले मित्राचे आभार, भारताचं केलं प्रचंड कौतुक

सध्या इराण युद्धामध्ये गुंतला आहे. इस्त्रायल आणि अमेरिकेकडून इराणवर हल्ले सुरूच आहेत. या युद्धामध्ये इराणचं मोठं नुकसान झालं असून इराण मोठ्या संकटात सापडला आहे. अशा कठीण परिस्थितीमध्ये आता भारत इराणच्या मदतीला धावून आला आहे. या युद्धात इराणचं प्रचंड नुकसान झालं असून, मानवतेच्या दृष्टीकोनातून इराणला मदत करण्यासाठी आता अनेक भारतीय नागरिक पुढे आले आहेत. भारतीय नागरिक सढळ हाताने इराणला मदत करत आहेत. भारतीय नागरिकांनी आपली मदत इराणच्या दूतावासाच्या बँक खात्यात जमा केली आहे. याबद्दल इराणने भारताचे आभार मानले आहेत.

इराणच्या दूतावासाकडून सोशल मीडियावर पोस्ट करत भारताचे आभार माण्यात आले आहेत. आम्ही त्या सर्व भारतीय नागरिकांचे आभार मानतो, ज्यांनी आपलं मन मोठं करत इराणला मानवतेच्या दृष्टीकोणातून मदत केली आहे, असं इराणने म्हटलं आहे. यासोबतच इराणच्या दूतावासाकडून जे नागरिक मानवतेच्या दृष्टीकोणातून इराणला मदत करत आहेत, त्याच्यासाठी काही गाइडलाइंन्स देखील जारी करण्यात आल्या आहेत. पैसे पाठवण्यासाठी काही समस्या निर्माण होऊ नये, यासाठी इराणने गाइडलाइंन्स जारी केल्या आहेत.

मानवीय दृष्ट्रीकोणातून जी मदत केली जात आहे, त्यासाठी आमचं बँक खातं हे सक्रिय आहे. नागरिक थेट आमच्या खात्यात पैसे ट्रांन्सफर करू शकतात. मात्र आमच्याकडे गूगल पे आणि इतर युपीआयचा पर्याय उपलब्ध नाहीये. आमच्या बँक खात्याला गूगल पे किंवा युपीआयची सुविधा नाहीये, त्यामुळे आम्ही असं आव्हान करतो, की तुम्ही ही मदत थेट आमच्या खात्यात जमा करू शकता, असं इराणने म्हटलं आहे.

इराणचं युद्धात प्रचंड मोठं नुकसान

दरम्यान या युद्धात आतापर्यंत इराणचं प्रचंड नुकसान झालं आहे. अमेरिका आणि इस्त्रायलच्या हल्ल्यांमध्ये इराण पूर्णपणे उद्ध्वस्त झालं आहे. या युद्धामध्ये इराणच्या सौनिकांसोबतच अनेक सामान्य नागरिकांचा देखील मृत्यू झाला आहे. तर दुसरीकडे इराणकडून देखील अमेरिका आणि इस्त्रायलवर भीषण मिसाईल हल्ले सुरू असून, या हल्ल्यांमुळे इस्त्रायलमध्ये हाहाकार उडाला आहे.