मोठी बातमी! ममता बॅनर्जींना सर्वात मोठा धक्का, तृणमूलमधून खासदारांचा गटही बाहेर पडणार? थेट भाजपच्या बड्या नेत्याच्या घरी…
मोठी बातमी समोर येत आहे, काही दिवसांपूर्वीच तृणमूलमध्ये नाराज असलेल्या 58 आमदारांचा गट पक्षातून बाहेर पडला आहे. त्यानंतर आता ममना बॅनर्जी यांना आणखी एक मोठा धक्का बसण्याची शक्यता आहे.
मोठी बातमी समोर येत आहे, काही दिवसांपूर्वीच तृणमूल काँग्रेसमध्ये नाराज असलेल्या 58 आमदारांचा गट पक्षातून बाहेर पडला आहे. त्यानंतर आमदारांच्या या गटाला विधानसभा अध्यक्षांकडून मंजुरी देखील देण्यात आली. हा ममात बॅनर्जींसाठी मोठा धक्का मानला जात आहे. दरम्यान या धक्क्यानंतर आता ममता बॅनर्जी यांना आणखी एक मोठा धक्का बसण्याची शक्यता आहे. तृणमूलमधून आता आमदारांनंतर खासदारासांचा गट देखील बाहेर पडण्याची शक्यता आहे. पक्षात घडामोडींना वेग आला आहे. समोर आलेल्या माहितीनुसार ममता बॅनर्जी या दिल्लीमध्ये आहेत, त्याचवेळी ममता बॅनर्जी यांच्या तृणमूल काँग्रेसच्या खासदारांची एक गुप्त बैठक पार पडली आहे. या बैठकीनंतर हा खासदारांचा गट केंद्रीय मंत्री भूपेंद्र यावद यांच्या घरी पोहचला आहे, इथे या खासदारांची महत्त्वाची बैठक पार पडली आहे. या बैठकीला पश्चिम बंगालचे मुख्यमंत्री शुभेंदू अधिकारी यांची देखील उपस्थिती होती.
त्यामुळे आता आजच हा खासदारांचा गट तृणमूलमधून बाहेर पडू शकतो अशी शक्यता वर्तवली जात आहे. या बैठकीला शुखेंदु शेखर रॉय यांची देखील उपस्थिती होती. शुखेंदु शेखर रॉय यांनी नुकताच आपल्या राज्यसभेच्या खासदारकीचा राजीनामा दिला आहे, तसेच त्यांनी तृणमूलमधील आपल्या सर्व पदांचा देखील राजीनामा दिला आहे. शुखेंदु शेखर रॉय हे देखील या बैठकीला उपस्थिती असल्यामुळे आज ममता बॅनर्जी यांना आणखी एक मोठा धक्का बसू शकतो, पक्षातील काही खसादर पक्षाची साथ सोडू शकतात, असा अंदाज व्यक्त केला जात आहे.
काही दिवसांपूर्वीच पश्चिम बंगालमध्ये विधानसभेची निवडणूक झाली आहे. या निवडणुकीमध्ये ममता बॅनर्जी यांना मोठा धक्का बसला. या निवडणुकीत तृणमूल काँग्रेसचा मोठा पराभव झाला. केवळ तृणमूल काँग्रेसचाच नाही तर ममता बॅनर्जी यांचा देखील पराभव झाला. दरम्यान त्यानंतर आता तृणमूल काँग्रेसमध्ये मोठी फूट पडल्याचं दिसून येत आहे. आधी आमदार पक्षातून बाहेर पडले, आता खासदार देखील पक्षाची साथ सोडण्याच्या तयारीमध्ये आहेत.
