काय सांगता? शेतात अचानक मगरीची एन्ट्री, शेतकऱ्याने थेट खांद्यावर उचलली अन् पोलीस ठाण्यात पोहोचला, VIDEO व्हायरल

बिहारच्या सुपौल जिल्ह्यातून एक धक्कादायक प्रकार समोर आला आहे. एका शेतकऱ्याच्या शेतात अचानक मगरीची एन्ट्री झाली. शेतात काम असताना तरुण शेतकऱ्याला ही मगर दिसली. त्यानंतर त्याने ही मगर खांद्यावर घेऊन पोलीस स्टेशन गाठलं. या मगरीला पाहण्यासाठी लोकांनी एकच गर्दी केली. या मगरीचा व्हिडिओ सोशल मीडियावर व्हायरल होत आहे.

बिहारच्या भीमनगर पोलीस स्टेशनच्या हद्दीतील लालपूर वॉर्ड 14 मधील हा प्रकार आहे. तरुण शेतककऱ्याला ही मगर दिसली. त्याने काही वेळ मगरीची हालचाल पाहिली. त्यानंतर मगरीला त्रास न देता पकडण्याचा प्रयत्न केला. परंतु सुरुवातीला मगर त्याच्या हाती लागत नव्हती. त्यानंतर त्याने मगरीच्या तोंडाला एका दोरीने बांधलं. पुढे काही वेळात या मगरीला पकडलं.