असं एक शहर जिथे भरतो वधू वरांचा बाजार, भाजीपाल्याच्या दराप्रमाणे अडकवले जातात बायोडाटा

सध्याचं युग हे इंटरनेटचं युग आहे. कम्युनिकेशन प्रचंड फास्ट झालं आहे. नव्या युगामध्ये डेटिंग अ‍ॅपचा देखील सुळसुळाट झाला आहे. जगभरातील अनेक देशांमध्ये आता अशाच अ‍ॅपच्यामाध्यमातून तरुण तरुणींची ओळख होते, आणि त्यानंतर मैत्रीचं रूपांतर प्रेमात होतं. पुढे अनेकजण लग्न देखील करतात. अशा अ‍ॅपच्या माध्यातून जग प्रचंड जवळ आलं आहे. काही अ‍ॅप तर फक्त लग्न जमवण्याच्या उद्देशानेच विकसीत करण्यात आल्या आहेत. मात्र या डेटिंग अ‍ॅपचे जसे काही फायदे आहेत, तसे अनेक तोटे देखील आहेत. अनेकदा वधु वरांनी एकमेकांना पाहिलं नसतं, त्यामुळे फसवणुकीची मोठी शक्यता असते. काही तर लग्न जमावं यासाठी अशा डेटिंग अ‍ॅपवर आपली खोटी माहिती देखील टाकतात. मात्र या इंटरनेटच्या युगात देखील अजूनही असा एक देश आहे, जिथे वधू वरांचा बाजार भरतो असं तुम्हाला कोणी सांगितलं? तर तुम्ही त्यावर विश्वास ठेवणार नाही, मात्र हे खरं आहे.

चीनमधील शांघाय शहरात आजही वधू वरांचा बाजार भरतो, शांघायमधील वधू वरांचा बाजार चीनमध्ये खूप प्रसिद्ध आहे. या बाजारामध्ये शक्यतो ज्यांना लग्न करायचं आहे, ते वधू वर येत नाहीत, तर त्यांचे आई-वडील, आजी -आजोबा किंवा इतर नातेवाईक येतात. ते आपल्या मुलीसाठी किंवा मुलासाठी सुटेबल अशा वधू किंवा वराची निवड करतात. ते यावेळी येताना आपल्यासोबत बायडाटा देखील घेऊन येतात. या बायोटेडामध्ये संबंधित वधू किंवा वराची संपूर्ण माहिती असते जसं की त्याचं वय, नोकरी, त्याच्या नावावर किती संपत्ती आहे, या सर्व गोष्टी असतात.

या बाजारात वधू किंवा वराचे आई-वडील हे बाजारात एका मोठ्या छत्री खाली बसलेले असतात, ज्याप्रमाणे बाजारात गेल्यानंतर आपल्याला संबंधित भाज्याचे दरफलक लावलेले दिसतात त्याचप्रमाणे वधू किंवा वराचे आई वडील आपल्या मुलाचा किंवा मुलीचा बायोडाटा हा छत्रीवर लावतात. किंवा जमिनीवर ठेवतात. जर एखाद्या व्यक्तीला हा बायोडेटा आवडला तर त्यानंतर लग्नाची पुढील बोलणी केली जातात.