डिसेंबरमध्ये पूर्ण करा ही 5 कामे, डेडलाईन निघून गेल्यास होईल पश्चाताप
Reminder for December : वर्षातील शेवटचा महिना सुरु झाला आहे. अनेक गोष्टी पूर्ण करण्यासाठी डिसेंबर ही डेडलाईन असते. ३१ डिसेंबर २०२३ पूवी कोणती कामे आहेत जी तुम्हाला पूर्ण करायची आहेत. अनेक योजना आणि कामांची अंतिम मुदत डिसेंबर महिन्यातच निश्चित करण्यात आली आहे. कोणत्या आहेत त्या ५ गोष्टी जाणून घ्या.
December End : 2023 या वर्षाचा शेवटचा महिना सुरु झाला आहे. वर्षाच्या शेवटच्या महिन्यात अनेक कामे असतात जी तुम्हाला कोणत्याही परिस्थितीत पूर्ण करावी लागतात. ज्याची अंतिम मुदत डिसेंबर महिन्यातच निश्चित करण्यात आली आहे. मुदत संपण्यापूर्वी तुम्ही ही कामे पूर्ण न केल्यास तुमचे मोठे नुकसान होऊ शकते. कोणती आहेत ती कामे जाणून घ्या.
UPI आयडी
NPCI (नॅशनल पेमेंट कॉर्पोरेशन ऑफ इंडिया) ने एक परिपत्रक जारी करून थर्ड पार्टी अॅप प्रदाते आणि पेमेंट सेवा प्रदात्यांना असे UPI आयडी निष्क्रिय करण्यास सांगितले आहे, ज्यांनी एक वर्षापासून त्यांच्या आयडीसह कोणताही व्यवहार केला नाही. अशा निष्क्रिय ग्राहकांचा UPI आयडी 31 डिसेंबरपर्यंत निष्क्रिय केला जाईल. NPCI ने असेही म्हटले आहे की अशी निष्क्रिय खाती पुन्हा उघडली जाऊ शकतात परंतु यासाठी किमान एक व्यवहार करणे आवश्यक आहे. NPCI ही एक सरकारी संस्था आहे जी देशातील किरकोळ पेमेंट आणि सेटलमेंट सिस्टमची देखरेख करते. NPCI UPI पेमेंट सिस्टमचे नियमन करते.
म्युच्युअल फंड
जर तुम्ही म्युच्युअल फंडात गुंतवणूक केली असेल आणि पण नॉमिनी अॅड केला नसेल तर तुम्हाला तो ३१ डिसेंबर २०२३ पूर्वी पूर्ण करावे लागेल. अन्यथा म्युच्युअल फंड खाते गोठवले जाईल आणि तुम्ही गुंतवणूक रिडीम करू शकणार नाही. डीमॅट खातेधारकांनीही हे करणे महत्त्वाचे आहे. नॉमिनी बनवण्याची सोय असूनही अनेकजण ते तितकेसे महत्त्वाचे मानत नाहीत आणि त्याकडे दुर्लक्ष करतात. तर आपल्यानंतर कुटुंबाचे रक्षण करण्यासाठी नॉमिनी असणे अत्यंत आवश्यक आहे. त्यामुळे यासाठी ३१ डिसेंबर ही अंतिम मुदत निश्चित करण्यात आली आहे.
आधार कार्ड
तुम्हाला तुमचे आधार कार्ड अपडेट करायचे असल्यास, तुम्ही ते 14 डिसेंबरपर्यंत पूर्ण करू शकता. या कालावधीत तुम्हाला आधार अपडेटसाठी कोणतेही शुल्क भरावे लागणार नाही. यानंतर तुम्हाला शुल्क भरावे लागेल. तुम्ही ऑफलाइन अपडेट करत असल्यास, तुम्हाला त्यासाठी शुल्क भरावे लागेल. सरकारने म्हटले आहे की जर तुमच्याकडे 10 वर्षे जुने आधार कार्ड असेल तर तुम्ही तुमचे आधार अपडेट करून घ्यावे.
SBI अमृत कलश योजना
तुम्हाला SBI च्या स्पेशल FD स्कीम अमृत कलशचा लाभ घ्यायचा असेल, तर तुम्हाला त्यात ३१ डिसेंबरपर्यंत गुंतवणूक करावी लागेल. 400 दिवसांत परिपक्व होणाऱ्या या विशेष योजनेत 7.10 टक्के दराने व्याज दिले जात आहे. या योजनेसाठी ३१ डिसेंबर ही अंतिम मुदत निश्चित करण्यात आली आहे.
बँक लॉकर
तुम्ही जर 31 डिसेंबर 2022 रोजी किंवा त्यापूर्वी अपडेट केलेला बँक लॉकर करार सबमिट केला असल्यास, तुम्हाला पुन्हा एकदा अद्यतनित बँक लॉकर करारावर स्वाक्षरी करून सबमिट करणे आवश्यक असू शकते. RBI ने सुधारित लॉकर कराराच्या अनुक्रमिक अंमलबजावणीसाठी 31 डिसेंबर 2023 ही अंतिम तारीख निश्चित केली आहे.
