हिंदुस्थानमध्ये स्फोट होतच राहतात…कोणती नवीन गोष्ट सांगताय…पंजाबमधील दोन बॉम्बस्फोटावर फारुक अब्दुल्लांच्या प्रतिक्रियेने संताप

Farooq Abdullah reaction over Punjab Blast: पंजाबमधील मंगळवारी रात्री दोन वाजता दोन वेगवेगळ्या ठिकाणी स्फोट झाले. जालंधरमधील बीएएसएफ मुख्यालय आणि त्यानंतर अमृतसर येथील लष्करी तळाजवळ हे बॉम्बस्फोट झाले. या स्फोटामुळे सुरक्षा यंत्रणा हायअलर्टवर आहेत. तर जागोजागी नाकाबंदी करून या स्फोटामागील हात असणाऱ्यांचा शोध घेण्यात येत आहे. देशभरातून त्यावर तीव्र प्रतिक्रिया उमटली आहे. दरम्यान नॅशनल कॉन्फरन्सचे अध्यक्ष आणि जम्मू-काश्मीरचे माजी मुख्यमंत्री फारूक अब्दुल्ला यांनी असंवेदनशील वक्तव्य केले. पंजाबमधील स्फोटावर माध्यमांना प्रतिक्रिया देताना अब्दुल्ला यांनी हिंदुस्थानात असे स्फोट होताच राहतात. त्यात काय नवीन सांगताय असे वक्तव्य केले. त्यावरून आता संतापाची लाट उसळली आहे. या स्फोटामुळे घाबरू नका. देशात स्फोट होणे ही काही नवीन काम नाही. देशात असे स्फोट होत राहतात. त्यांच्या वक्तव्याने वाद होण्याची शक्यता आहे.

पंजाब सरकारवर विरोधकांचा निशाणा

या घटनेनंतर विरोधकांनी सत्ताधारी आम आदमी पक्षाला धारेवर धरले. पंजाब काँग्रेसचे अध्यक्ष अमरिंदर सिंह राजा वडिंग यांनी चिंता व्यक्त केली. BSF मुख्यालयाजवळ झालेला स्फोट चिंताजनक असल्याचे ते म्हणाले. इतक्या वर्दळीच्या ठिकाणी डिलिव्हरी स्कूटर लावून एखादा व्यक्ती जात असेल तर कायदा आणि सुव्यवस्था धोक्यात असल्याचे हे चिन्हं आहेत. एकीकडे राज्य सरकार राष्ट्रपतींसमोर त्यांच्या आमदारांची परेड करण्यात गुंतली आहे, तर दुसरीकडे या स्फोटाची जबाबदारी घेण्यापासून केंद्र सरकारही कचरत असल्याचा आरोप काँग्रेस पक्षानेक केला आहे.

काय आहे स्फोटाच घटना?

प्राप्त माहितीनुसार, मंगळवारी 5 मे रोजी रात्री 8 वाजता जालंधर जिल्ह्यातील BSF च्या मुख्यालयाशेजारी एका स्कुटीला आग लागली. या घटनेत या परिसरात एकच गोंधळ उडाला. स्थानिक लोकांनी सांगितले की त्यांनी एका वाहनाचा स्फोट झाल्याचे पाहिले. मोठा आवाज झाला. फ्लिपकार्ट कंपनीच्या डिलिव्हरी बॉयची स्कुटी पंजा फ्रंटियर मुख्यालयाच्या बाहेर उभी होती. त्याचवेळी जोरदार धमाका झाला.

सोशल मीडियावर समोर आलेल्या CCTV मध्ये एक संशयित दहशतवादी एका पॉलिथिन वस्तू सोडून पळाल्याचे समोर आले. त्यानंतर लागलीच जोरदार धमाका झाला. स्फोट झाल्यानंतर स्कुटी पूर्णपणे जळून खाक झाली. एक किलोमीटरपर्यंत या स्फोटाचा आवाज ऐकू गेला. या धमाक्यात कुणालाही काहीच इजा झाली नाही. पण स्फोटाने परिसर हादरला आणि भिंतीना तडे गेले.

तर जालंधर नंतर अमृतसर येथील लष्कराच्या छावणीजवळ थोड्याच वेळाने दुसरा स्फोट झाला. या स्फोटातही कोणी जखमी झाले नाही. पंजाबमधील दोन्ही स्फोटाचा तपास हा NIA करत आहे. या दोन्ही घटनेनंतर लष्कर आणि पंजाब पोलीस सक्रिय झाले आहेत. फॉरेन्सिक टीम घटनास्थळी दाखल झाली आणि पुरावे शोधण्याचे काम सुरू असल्याचे समजते. पोलिसांनी सीसीटीव्ही आधारे दोषींचा शोध सुरू केला आहे.