भारताचे 1000 रुपये तैवानमध्ये किती होतात? ऐकून तुम्हालाही वाटेल नवल

अनेकांना अशी उत्सुकता असते की एका विशिष्ट देशांच्या तुलनेमध्ये आपल्या देशाची करन्सी किती मजबूत आहे, किंवा जर आपण एखाद्या विशिष्ट देशामध्ये फिरण्यासाठी गेलो तर आपल्याकडे असलेल्या एक हजार रुपयांच्या बदल्यात तिथे किती रुपये मिळू शकतात. काही देशांचं चलन हे अत्यंत मजबूत असतं, तिथे आपल्या आपल्याकडे असलेल्या हजार रुपयांच्या बदल्यात फार कमी पैसे मिळतात. ज्यामध्ये आपण अगदी मोजक्याच वस्तू खरेदी करू शकतो. फार तर फार एखादा कप चहा किंवा कॉफी एवढंच परंतु या उलट काही देश असे देखील असतात, ज्या देशांच्या चलनाचं मूल्य हे भारतीय चलनाच्या मुल्याच्या तुलनेत खूप कमी असतं. जिथे आपल्याला भारतामधील दहा रुपये मूल्य असलेल्या चलनाच्या तुलनेत हजारो रुपये मिळू शकतात. आपण एक हजार रुपयांमध्ये देखील या देशात फिरण्याचा, तिथे राहण्याचा तसेच शॉपिंग करण्याचा आनंद घेऊ शकतो. आज आपण जाणून घेणार आहोत, की जर समजा आपण तैवानमध्ये फिरण्यासाठी गेलो तर आपल्याकडे असलेले एक हजार भारतीय रुपये तैवानमध्ये किती होतील? आणि त्यामधून आपण काय -काय खरेदी करू शकतो?

भारतीय चलनाला रुपया असं म्हटलं जातं, तर तैवानच्या अधिकृत चलनाला न्यू तैवानी डॉलर असं म्हटलं जातं. जर तुमच्याकडे भारतामधील एक हजार रुपये असतील तर तैवानमध्ये त्याची किंमत 328 ते 333 तैवानी डॉलर एवढी होते. आता सहाजिकच तुम्हाला असाही प्रश्न पडलाच असेल की आपण त्यामध्ये काय-काय खरेदी करू शकतो? तर तुम्ही तैवानमध्ये भारताच्या हजार रुपयांमध्ये फार काही वस्तू खरेदी करू शकत नाहीत, कारण तैवानमध्ये महागाई प्रचंड आहे. तुम्ही फक्त तिथे तैवानच्या स्थानिक बाजारात मिळणारे काही उत्पादनं खरेदी करू शकता. किंवा त्यातून फार फार एक चहा, कॉफी आणि एका वेळच्या नाष्ट्याची सोय होऊ शकते.

तैवानमध्ये एका कॉफिच्या कपाची किंमत ही 70 ते 80 न्यू तैवानी डॉलर इतकी आहे. तैवानमध्ये नाईट लाईफ प्रसिद्ध आहेत. तसेच येथील लोकल मार्केटमध्ये विविध प्रकारचे खाद्यपदार्थ देखील मिळतात. पर्यटक आर्वजून या खाद्य पदार्थांच्या मार्केटला भेट देतात. मात्र हा देश अतिशय महागडा असल्यामुळे ट्रीपचा खर्च देखील प्रचंड असतो.