POK घेण्याची तयारी पूर्ण का? इंडियन आर्मीच्या अधिकाऱ्याच मोठं विधान
लष्करातील वरिष्ठ अधिकारी असं विधान करतात, तेव्हा त्यामागे रणनिती ठरलेली असते.
नवी दिल्ली: पाकिस्तान व्याप्त काश्मीर संदर्भात भारतीय लष्कराचे उच्च पदस्थ अधिकारी लेफ्टनंट जनरल उपेंद्र द्विवेदी यांनी मोठं विधान केलय. जम्मू-काश्मीरमधून कलम 370 हटवल्यानंतर तिथे मोठा बदल झालाय. राज्यात दहशतवादाला आळा बसलाय. “भारत सरकार जेव्हा कधी आदेश देईल, तेव्हा सैन्य POK वर कारवाई करण्यासाठी तयार आहे” असं उपेंद्र द्विवेदी म्हणाले.
सरकारच्या आदेशाच पालन करु
“दहशतवाद्यांचे इरादे कधीही यशस्वी होणार नाहीत. पाकव्याप्त काश्मीर संदर्भात संसदेत प्रस्ताव पास झालाय. यात नवीन काही नाहीय. तो संसदेच्या प्रस्तावाचा भाग आहे. भारतीय सैन्य सरकारच्या कुठल्याही आदेशाच पालन करण्यासाठी पूर्णपणे तयार आहे. सरकार जेव्हा कधी आदेश देईल, तेव्हा सैन्य पूर्ण तयारीनिशी पुढच पाऊल टाकेल” असं लेफ्टनंट जनरल उपेंद्र द्विवेदी म्हणाले.
दहशतवादी गोंधळलेल्या मानसिकतेत
जम्मू-काश्मीरमध्ये दहशतवाद रोखण्यासाठी बऱ्याच प्रमाणात काम झालय. त्यामुळे गोंधळलेले दहशतवादी कधी पिस्तुल, कधी हत्यार पाठवण्याचा प्रयत्न करतात. निष्पाप लोकांना लक्ष्य केलं जातय. पण दहशतवादी आपल्या इराद्यात कधीही यशस्वी होणार नाहीत, असं लेफ्टनंट जनरल टार्गेट किलिंगवर म्हणाले.
