भारतातील एकमेव स्टेशन जिथे 1 नंबरचा प्लॅटफॉर्मच नाही, थेट 2 नंबर पासून होते सुरुवात, कुठे आहे हे स्टेशन?
भारतातील एक असं रेल्वे स्टेशन जिथे प्लॅटफॉर्म क्रमांक 1 नव्हताच. थेट दुसऱ्या क्रमांकाच्या प्लॅटफॉर्मपासून व्हायची रेल्वे स्टेशनची सुरुवात. कुठे आहे हे स्टेशन?
भारतात अनेक मोठ-मोठी रेल्वे स्थानक आहेत. ज्यामध्ये सर्वात मोठे स्थानक म्हणजे ज्या स्थानकावर सर्वात जास्त प्लॅटफॉर्म असतील ते. पण तुम्हाला माहिती आहे का की, भारतात असे एक स्थानक आहे ज्याला 1 नंबरचा प्लॅटफॉर्मच नाही. थेट दुसऱ्या क्रमाकापासून होते स्टेशनची सुरुवात.
हे रेल्वे स्थानक भारतात कुठे आहे असा तुम्हाला देखील प्रश्न पडला असेल. तर त्याचे उत्तर आहे बिहारमधील बरौनी जंक्शन. काही वर्षांपूर्वी या स्थानकावर प्लॅटफॉर्म क्रमांक 1 नव्हता. प्लॅटफॉर्मची क्रमवारी थेट 2 पासून सुरू होत होती.
मिळालेल्या माहितीनुसार, बरौनी परिसरातील जुन्या रेल्वेस्थानकाच्या जवळपास दोन किलोमीटर अंतरावर नंतर नवीन बरौनी स्थानक उभारण्यात आले. या नव्या स्थानकावर प्लॅटफॉर्म क्रमांक 1 होता तर जुन्या स्थानकावर 2,3,4 अशा क्रमांकांनी प्लॅटफॉर्मची रचना होती. त्यामुळे प्रवाशांमध्ये संभ्रम निर्माण होण्याची शक्यता होती.
प्रवाशांची गैरसोय टाळण्यासाठी जुन्या स्थानकावरील प्लॅटफॉर्म क्रमांक 1 हटवण्यात आल्याचे सांगितले जाते. त्यामुळे बरौनी जंक्शनची प्लॅटफॉर्म क्रमवारी 2 ते 9 अशी झाली होती. मात्र, आता परिस्थिती बदलली आहे.
जून 2023 मध्ये प्लॅटफॉर्म क्रमांकांची पुनर्रचना करण्यात आली. त्यानंतर पूर्वीचा प्लॅटफॉर्म क्रमांक 2 हा प्लॅटफॉर्म क्रमांक 1 करण्यात आला. त्यामुळे आता बरौनी जंक्शनवर प्लॅटफॉर्म क्रमांक 1 अस्तित्वात आहे.
