पाकिस्तानात मावशीच्या मुलीशी निकाह केला आणि बनला पाकचा ISI एजंट, धक्कादायक कहाणी
पाकिस्तान आणि भारत या एकमेकांना नेहमी पाण्यात पाहणाऱ्या शत्रू राष्ट्राचे वैर जगप्रसिद्ध आहे. एका भारतीय तरुणाला पाकिस्तानला गुप्त माहीती पुरविल्या प्रकरणात कानपूर कोर्टाने दहा वर्षांची शिक्षा सुनावली आहे.
कानपूर | 3 मार्च 2024 : उत्तर प्रदेशातील कानपूर कोर्टाने एका आयएसआय एजंटला 10 वर्षांची शिक्षा सुनावली आहे. पाकिस्तानला गुप्त माहीती पुरविणाऱ्या या एजंटने आपल्या देशातील सैन्याच्या ठिकाणांची माहीती पाकिस्तानातील आपल्या म्होरक्यांना पुरविण्यासाठी स्वत:ची कोड लॅंग्वेज तयार केली होती. या लॅंग्वेजला कोणी डीकोड करु नये यासाठी त्याने शहरांना कोड नेम दिले होते. या एजंटला दहशतवाद विरोधी पथकाने 18 सप्टेंबर 2011 रोजी कानपूरच्या मुरे कंपनी पुलाजवळ अटक केली होती. हा परिसर कानपूर सैन्य छावणी अंतर्गत मोडत आहे. एटीसला या एजंटकडून भारतीय सैन्यांसंदर्भात गुप्त दस्ताऐवज सापडले आहेत.
या एजंटचे नाव फैसल रहमान असून त्याने पाकिस्तानात प्रशिक्षण घेतले आहे. भारताच्या सैन्याबद्दल माहीती देण्याच्या बदल्यात त्याला भरपूर पैसा मिळत होता. त्याच्या चौकशीत एटीएसला महत्वाची माहीती मिळाली आहे. फैसल याने रांची, प्रयागराज, बबीना, कानपूर कॅंटोनमेंट याची माहीती पाकिस्तानला पुरविली होती. फैसल मुळचा रांचीचा रहीवासी होता.
अतिरिक्त जिल्हा न्यायाधीशांनी फैसल याला दहा वर्षांच्या कारावासाची शिक्षा आणि 50 हजार रुपयांच्या दंडाची शिक्षा सुनावली आहे. सरकारी पक्षाने 11 साक्षीदारांना कोर्टात सादर केले होते. त्याने आपल्या बचावात सांगिकते की त्याचे लग्न पाकिस्तानात झाले होते. त्यामुळे त्याला अडकविले जात आहे. वास्तविक तो अकरा वर्षांपासून तो बायकापोरांना भेटलेला नाही. कोर्टाने त्याचे जबाब ग्राह्य न मानता त्याला दहा वर्षांची शिक्षा सुनावली आहे.
अशी होती कोड भाषा
भारतीय सैन्य क्षेत्राची माहीती पाकला पुरविण्यासाठी त्याने कोडींग लॅंग्वेज तयार केली होती. त्यामुळे एखादा संदेश जरी पकडला गेला तरी कोणाला काही कळू नये यासाठी त्याने सांकेतिक भाषा तयार केली होती. त्याने झॉंशीला राणी, बबीनाला बीवी, पुण्याला पुनीत असे सांकेतिक पर्यायी शब्द तयार केले होते. कानपूरला वाहन नोंदणी क्रमांक प्रमाणे UP78 असा कोड वर्ड दिला होता. सैन्य युनिटना बेटा, नातू आणि नात नावाचे कोड वर्ड त्याने ठरविले होते.
पाकिस्तानात शादी
फैसल याने आपण रशियाला उच्च शिक्षणासाठी गेलो होतो. तेथून आल्यानंतर आपण आपल्या मावशीला भेटायला पाकिस्तानात गेलो तेव्हा मावशीची मुलगी सायमा हीच्या प्रेम जुळले आणि त्याने लग्न केले. सायमा सरकारी कॉलेजात प्रोफेसर होती. त्यामुळे तिला भेटायला आपण पाकिस्तानात जायचो असे त्याने म्हटले आहे. आपण व्हीसाची मुदत वाढविण्यासाठी पाकिस्तानात गेलो असता तेथे एका आयएसआय एजंटने त्याला भारताबद्दल भडकवून एजंट म्हणून काम करण्याची ऑफर दिल्याचे त्याने सांगितले. त्यांच्याकडून दस्ताऐवज आणि सवा लाख रुपयांची रोकड बॅंकेतून जप्त करण्यात आली होती.
