Maharashtra News LIVE : दुष्काळाला समस्या नका समजू, तर संधी म्हणून पाहा- तुकाराम मुंढे
Maharashtra News LIVE : मुख्य निवडणूक आयुक्त ज्ञानेश कुमार यांच्या राजीनाम्यासाठी कॉकरोच जनता पार्टी पुन्हा रस्त्यावर उतरली आहे. CJPचे संस्थापक अभिजीत दिपके यांना काल मध्यरात्री अटक करण्यात आली आहे.

LIVE NEWS & UPDATES
-
अडीच महिन्यांच्या प्रतीक्षेनंतर चिपळूणमध्ये दमदार पाऊस
रत्नागिरी जिल्ह्यातील चिपळूण परिसरात अडीच महिन्यांच्या प्रतीक्षेनंतर पावसाने दमदार हजेरी लावली आहे. काल रात्री आठच्या सुमारास सुरू झालेल्या पावसामुळे शेतकरी आणि नागरिक सुखावले आहेत. उकाड्याने हैराण झालेल्या नागरिकांना गारवा मिळाला आहे. मात्र, रत्नागिरी, संगमेश्वरसह जिल्ह्यातील अन्य तालुक्यांमध्ये अद्याप पावसाची प्रतीक्षा कायम आहे.
-
दोन-अडीच महिन्यांनंतर पावसाची हजेरी; साक्री तालुक्यात वादळी पावसाचा तडाखा
धुळे जिल्ह्यात तब्बल दोन ते अडीच महिन्यांच्या खंडानंतर पावसाने हजेरी लावली; मात्र साक्री तालुक्यातील पिंपळनेर, कुडाशी, वारसा, मोहगाव, बल्हाणे, सामोडे आणि बारीपाडा परिसराला वादळी पावसाने झोडपले. अचानक आलेल्या पावसामुळे जनजीवन विस्कळीत झाले असून काही ठिकाणी झाडे कोसळली आहेत. या झालेल्या पावसामुळे काही ठिकाणी पिण्याच्या पाण्याच्या प्रश्न मिटण्यासाठी मदत होईल.
-
-
साक्री तालुक्यात वादळी पावसाचा तडाखा
धुळे जिल्ह्यात तब्बल दोन ते अडीच महिन्यांच्या खंडानंतर पावसाने हजेरी लावली; मात्र साक्री तालुक्यातील पिंपळनेर, कुडाशी, वारसा, मोहगाव, बल्हाणे, सामोडे आणि बारीपाडा परिसराला वादळी पावसाने झोडपले. अचानक आलेल्या पावसामुळे जनजीवन विस्कळीत झाले असून काही ठिकाणी झाडे कोसळली आहेत.
-
अमरावती जिल्हा मध्यवर्ती बँकेच्या कारभारावरून बच्चू कडूंना सर्वोच्च न्यायालयाचा धक्का
अमरावती जिल्हा मध्यवर्ती बँकेच्या कारभारावरून बच्चू कडूंना सर्वोच्च न्यायालयाचा धक्का
5 वर्षांची मुदत संपल्यानंतर पदावर राहण्याचा हक्क फेटाळला
मुदत संपली की पद सोडणे भागच
नागपूर खंडपीठाचा निर्णय सर्वोच्च न्यायालयात कायम
-
अडीच महिन्यांच्या प्रतीक्षेनंतर चिपळूणमध्ये दमदार पाऊस!
रत्नागिरी जिल्ह्यातील चिपळूण परिसरात अडीच महिन्यांच्या प्रतीक्षेनंतर पावसाने दमदार हजेरी लावली आहे. काल रात्री आठच्या सुमारास सुरू झालेल्या पावसामुळे शेतकरी आणि नागरिक सुखावले आहेत. उकाड्याने हैराण झालेल्या नागरिकांना गारवा मिळाला आहे. मात्र, रत्नागिरी, संगमेश्वरसह जिल्ह्यातील अन्य तालुक्यांमध्ये अद्याप पावसाची प्रतीक्षा कायम आहे.
-
-
दुष्काळ निवारण, विकासावर आम्ही फोकस करतोय- पंकजा मुंडे
आम्ही जालनामधले प्रत्येकाने एक-एक गाव दत्तक घ्यायचा निर्णय घेतलेला आहे, त्यामुळे मी अंतरवाली सराटी दत्तक घेतलेलं आहे. तर त्या दत्तक मध्ये दुष्काळाचं निवारण, तिथला विकास याच्यावर आम्ही फोकस करणार आहोत, ते सत्य आहे, अशी प्रतिक्रिया पंकजा मुंडे यांनी दिली आहे.
-
ठाणे येथील टेंभी नाक्याच्या देवीचे रश्मी ठाकरे यांनी घेतले दर्शन
ठाणे येथील टेंभी नाक्याच्या देवीचे रश्मी ठाकरे यांनी घेतले दर्शन
सोबत शिवसेा ठाकरे गटाच्या महिला पदाधिकारी देखील उपस्थित
दरवर्षीप्रमाणे यंदाही रश्मी ठाकरे यांनी घेतलं ठाण्याच्या दुर्गेश्वरी देवीचं दर्शन
देवीची ओटी भरून करणार देवीची आरती
-
-
कोल्हापुरात पावसाच्या जोरदार सरी, शेतकऱ्यांत समाधान
कोल्हापुरात पावसाच्या जोरदार सरी पडल्या आहेत. आलेल्या पावसामुळे अंबाबाई मंदिरात भाविकांची तारांबळ उडाली. सुट्टीचा दिवस असल्याने मंदिरात भाविकांची गर्दी झालेली आहे. पावसामुळे लोकांनी समाधान व्यक्त केलंय.
-
सांगली जिल्ह्यामध्ये अनेक ठिकाणी पावसाची हजेरी, दुष्काळी भागाला दिलासा
सांगलीमध्ये ठिकठिकाणी पावसाची हजेरी लागली आहे. कडेगाव आणि तासगाव तालुक्यातल्या अनेक भागात जोरदार पाऊस पडला आहे. कडेगाव तालुक्यातील देवराष्ट्रे, वडीया, रायबाग तासगावच्या बलगवडे, कवठेमहांकाळ व डफळापूरसह आसपासच्या परिसरामध्ये पाऊस पडला आहे. सांगली जिल्ह्यामध्ये सकाळपासून अनेक ठिकाणी ढगाळ वातावरण निर्माण झालं होतं. दुष्काळी परिस्थिती पडलेल्या पावसामुळे शेतकऱ्यांबरोबर सर्वसामान्य लोक समाधान व्यक्त करत आहेत.
-
गिरीश महाजन यांचं वक्तव्य
महायुतीमध्ये कुठेही वाद नाही..सुनेत्रा वहिनी यांनी या संदर्भात कुठेही भाष्य केलेलं नाही . तुम्ही (मध्यम) का उगाच विरोधकांचा ऐकून वाद चाललाय वाद चाललाय असं करत आहे. आमचं अतिशय चांगलं चाललेला आहे. बारामतीच्या निवडणुकीमध्ये जनता त्यांच्या पाठीशी आहे असं दिसून आलं. विरोधकांना कोणीही विचारत नाही त्यामुळे त्यांना विद्यार्थी दिसले का ? तिकडे शेतकरी दिसले का तिकडे बसतात. तुमचा ढोंगीपणा लोकांना माहिती आहे.. तुमच्या पक्षाच्या बॅनरखाली तुम्ही बसा म्हणा, कुठे मग तुम्हाला कळेल, तुमच्या पाठीशी कोणीही नाही.
-
अभिजीत दिपकेंना अटीशर्तींसह जमीन मंजूर
सीजेपी संस्थापक अभिजीत दिपके यांना अटीशर्तींसह जमीन मंजूर झाला आहे.
-
मंत्री गिरीश महाजन यांचं वक्तव्य
मी वारंवार सांगतो, रोहित पवार यांना हायड्रो फोबिया, मीडियाफोबिया झालेला आहे. त्यांना रोज प्रसिद्धीमध्ये जायचं असतं त्यामुळे ते रोज काय ना काही बोलत असतात. मात्र शेतकरी आणि जनता आमच्या पाठीशी आहे त्यांनी काही बोलावे..इतकी वर्ष तुम्ही सरकारमध्ये होते त्यावेळेस तुम्ही काय केलं. आता भल्या मोठा कामांचा पाढा वाचत आहे. त्यावेळी तुम्ही काय केलं. ते त्यांनी घरी विचारून सांगावं आणि मग बोलावं, असं गिरीश महाजन रोहित पवार यांच्याबद्दल बोलताना म्हणाले.
-
मी दुष्काळग्रस्त शेतकऱ्यांसाठी पाच हजारांची मदत जाहीर केली आहे – मंत्री गिरीश महाजन
आम्ही काहीही केलं तरी विरोधकांना टीकाच करायची आहे. दुष्काळी मदत करण्यासंदर्भातला अभ्यास सुरू आहे. काही तांत्रिक बाजू सोडल्या तर लवकरच नियमानुसार शेतकऱ्यांच्या खात्यात दुष्काळाची मदत देण्यात येईल. म्हणून मी तोपर्यंत दिलासा म्हणून पाच हजार रुपयांची मदत जाहीर केली आहे. हे काही अंतिम मदत नाही एनडीआरएफच्या निकषानुसार गेल्या वर्षी प्रमाणे वाढीव मदत देणार आहे. परंतु विरोधकांच्या पोटात दुखायला लागला आहे, शेतकऱ्यांसंदर्भात एवढ्या चांगल्या योजना सुरू असताना विरुद्धकांच्या पोटात पोटशूल उठलेला आहे. दिवाळी आहे म्हणून त्याला प्रथमदर्शनी मदत करणे गरजेचे आहे म्हणून सुरुवातीला पाच हजार रुपयांची मदत केलेली आहे.. पंचनामे नंतर मदती संदर्भातला जो आकडा समोर येईल की मदत आम्ही दिवाळीच्या आधी किंवा दिवाळीच्या नंतर शेतकऱ्यांच्या खात्यात टाकणार आहोत.
-
शिवाजी पार्क येथे भीम आर्मी पक्षाकडून ज्ञानेश कुमारांच्या राजीनाम्याच्या मागणीसाठी आंदोलन
शिवाजी पार्क येथे भीम आर्मी पक्षाकडून अशोक कांबळे यांच्या नेतृत्वात ज्ञानेश कुमार यांच्या राजीनाम्याच्या मागणीसाठी आंदोलन केलं आहे. भीम आर्मीचे कार्यकर्ते हातात संविधानाची प्रत घेऊन आंदोलनात मोठ्या संख्येने सहभागी झाले असून ज्ञानेश कुमार यांच्याविरोधात घोषणाबाजी सुद्धा करण्यात आली. ज्ञानेश कुमार यांच्या राजीनाम्याची मागणी करत कार्यकर्त्यांकडून निषेध व्यक्त होत आहे.
-
पुर्णेकरांच्या पुतणीला धमकी
मला इन्स्टाग्रामवर मेसेज आला नेक्स्ट टार्गेट यु, असं प्रदीप पूर्णेकर यांची पुतणी खुशबूनं दावा केला असून पोलिसात तक्रार केली आहे.
-
ठाण्यातील आनंद नगर–साकेत उन्नत मार्ग प्रकल्पाच्या ठिकाणी घडलेल्या घटनेबाबत एमएमआरडीएचे निवेदन
ठाण्यातील आनंद नगर–साकेत उन्नत मार्ग प्रकल्पाच्या ठिकाणी एक दुर्दैवी घटना घडली आहे. कोपरी पुलावरून जात असलेल्या एका कारवर बांधकाम सुरू असलेल्या खांबाचा लोखंडी सळ्यांचा सांगाडा (रिइन्फोर्समेंट केज) कोसळल्याने कारच्या पुढील काचेचे नुकसान झाले. सुदैवाने, या घटनेत कोणालाही दुखापत झालेली नाही. मुंबई महानगर प्रदेश विकास प्राधिकरणाने या घटनेची अत्यंत गंभीर दखल घेतली आहे. अशा घटना कोणत्याही परिस्थितीत स्वीकारार्ह नाहीत. बांधकामाच्या ठिकाणी सुरक्षेच्या उपाययोजनांमध्ये कोणत्याही प्रकारचा निष्काळजीपणा खपवून घेतला जाणार नाही. नुकसानग्रस्त वाहन घटनास्थळावरून हटविण्यात आले असून, कोसळलेला लोखंडी सांगाडा क्रेनच्या साहाय्याने सुरक्षितपणे हटविण्याचे काम सुरू आहे.
या घटनेप्रकरणी एमएमआरडीएने प्रकल्पाचे काम करणाऱ्या कंत्राटदारावर २ कोटी रुपयांचा दंड ठोठावला आहे. तसेच, घटनेचे नेमके कारण आणि सुरक्षाविषयक त्रुटींचा शोध घेण्यासाठी सखोल चौकशीचे आदेश यापूर्वीच देण्यात आले आहेत. भविष्यात अशा घटनांची पुनरावृत्ती होऊ नये, यासाठी आवश्यक त्या सुधारात्मक उपाययोजनांची कठोर अंमलबजावणी करण्यात येईल. नागरिकांची सुरक्षितता ही एमएमआरडीएची सर्वोच्च प्राथमिकता असून, प्रत्येक प्रकल्पाच्या ठिकाणी सुरक्षा नियमांचे काटेकोर पालन आणि जबाबदारी निश्चित केली जाईल.
-
अहिल्यानगर – राम शिंदे आणि खासदार निलेश लंके यांची बंद दाराआड चर्चा
अहिल्यानगर जिल्हा सहकारी बँक निवडणुकीच्या पार्श्वभूमीवर सभापती राम शिंदे आणि खासदार निलेश लंके यांची बंद दाराआड चर्चा झाली. बँक बिनविरोध करण्याच्या चर्चांना वेग; दोन्ही नेत्यांच्या भेटीला महत्त्व प्राप्त झालं आहे. खासदार निलेश लंके यांनी नुकतीच शरद पवार यांची भेट घेतली होती. माजी खासदार सुजय विखे पाटील यांनीही आपल्या पॅनलची बांधणी केली. राम शिंदे-निलेश लंके यांच्या भेटीनंतर बँकेची निवडणूक बिनविरोध होणार का? याकडे लक्ष लागलं आहे.
-
– पालकमंत्री जयकुमार गोरेंची खासदार प्रणिती शिंदे यांच्यावर टीका
सोलापूर : कोणी ऐऱ्या-गैऱ्याने भाजपला देशभक्तीचे सर्टिफिकेट देण्याची गरज नाही, पालकमंत्री जयकुमार गोरेंनी खासदार प्रणिती शिंदे यांच्यावर केली टीका
-
पदवीधर निवडणुकीत महायुती मध्ये साताऱ्यात धुसफूस…
पदवीधर निवडणुकीत महायुती मध्ये साताऱ्यात धुसफूस. महायुतीच्या उमेदवार डॉ.स्मिता जाधव सातारा दौऱ्यावर असून सुद्धा शिवसेना नेते शंभूराज देसाई यांची भेट टाळली. अखेर शंभूराज देसाई सांगलीच्या दिशेने रवाना झाले. डॉ.स्मिता जाधव यांच्या दौऱ्यात शंभूराज देसाई यांच्या भेटीचा उल्लेख मात्र प्रत्यक्ष भेट टाळली. शिक्षक मतदार संघातील अपक्ष उमेदवार सचिन सानप यांना शिवसेनेने दिलेल्या पाठिंब्या नंतर आता पदवीधर मतदार संघात ही महायुतीत धुसफुस असल्याची चर्चा आहे.
-
नवी दिल्ली : सीजेपीचे कार्यकर्ते आणि पोलिसांमध्ये शाब्दिक वाद
नवी दिल्ली : सीजेपीचे कार्यकर्ते आणि पोलिसांमध्ये शाब्दिक वाद. वकिलांना पोलीस ठाण्यात जाऊ देत नसल्याने कार्यकर्ते, वकील आणि पोलिसांमध्ये मंदिर मार्ग पोलीस ठाण्याबाहेर झाला वाद.
-
पुणे – फर्ग्युसन महाविद्यालयात विद्यार्थ्यांच्या विविध मागण्यासाठी आंदोलन
पुण्यातील फर्ग्युसन महाविद्यालयात विद्यार्थ्यांच्या विविध मागण्यांसाठी अखिल भारतीय विद्यार्थी परिषदेच्या कार्यकर्त्यांकडून आंदोलन करण्यात आलं. महाविद्यालयातील स्वच्छता, विद्यार्थिनींची सुरक्षा आणि परीक्षा विभागातील तांत्रिक घोळ दूर करण्याच्या मागण्या आंदोलनादरम्यान करण्यात आल्या.
-
मिनाक्षी शिंदेंना पदावरून हटवा – पूर्णेकर कुटुंबियांची मागणी
मिनाक्षी शिंदेंवर कारवाई का केली जात नाही ? मिनाक्षी शिंदेंना पदावरून हटवा – पूर्णेकर कुटुंबियांची सरनाइक यांच्यासमोर मागणी
-
वसई पूर्वेत उघड्या गटारात पडून दोन वर्षांच्या चिमुरड्याचा मृत्यू
वसई : वसईच्या वालीव परिसरातील उघड्या गटारात पडून दोन वर्षांच्या चिमुरड्याचा मृत्यू झाल्याची दुर्दैवी घटना घडली . अंकुश तुरिया असे मृत मुलाचे नाव आहे. तो गटारात पडल्याचे समजताच त्याच्या वडिलांनी गटारात उडी मारून त्याला बाहेर काढले. मात्र, तोपर्यंत गटारातील पाणी त्याच्या नाकातोंडात गेल्याने त्याची प्रकृती गंभीर झाली होती. त्याला उपचारासाठी नालासोपारा पूर्वेतील नागिंदासपाडा महापालिकेच्या रुग्णालयात दाखल केले असता मृत घोषित करण्यात आलं.
-
उष्माघाताच्या धोक्यामुळे मुंबईत दुपारी 11 ते 2 प्रकल्पांची कामे बंद ठेवण्याची मागणी
उष्माघाताच्या धोक्यामुळे मुंबईत दुपारी 11 ते 2 प्रकल्पांची कामे बंद ठेवण्याची मागणी. नगरसेविका प्रीती सातम यांचे पालिका आयुक्त अश्विनी भिडे यांना पत्र. कामगारांना ओआरएस, पिण्याचे पाणी उपलब्ध करून देण्याची सूचना. सिग्नल, बसथांबे आणि सार्वजनिक ठिकाणी सावलीसाठी तात्पुरत्या शेड उभारण्याची मागणी
-
मंत्री प्रताप सरनाईक पूर्णेकर कुटुंबीयांच्या भेटीला
मंत्री प्रताप सरनाईक पूर्णेकर कुटुंबीयांच्या भेटीला. कालच राम पूर्णेकरांनी मुख्यमंत्री फडणवीसांची भेट घेतली. मी तुझ्या पाठिशी, अन्याय होऊ देणार नाही; फडणवीसांचा शब्द
-
ठाण्यात बांधकामासाठी लावलेला सळईचा सांगाडा कोसळला
ठाण्यात बांधकामासाठी लावलेला सळईचा सांगाडा कोसळला. मेट्रो स्टेशनचं बांधकाम सुरु असताना घडली घटना. यामध्ये एका कारचं मोठ्या प्रमाणात नुकसान झाल्याची माहिती समोर आली आहे.
-
पीक कर्ज न मिळाल्याने शेतकऱ्यांचं सामूहिक जलसमाधी आंदोलन
पीक कर्ज न मिळाल्याने शेतकऱ्यांचं सामूहिक जलसमाधी आंदोलन. नांदेडच्या किनवट आणि माहूर तालुक्यातील बँकेच्या काही शाखांनी पीक कर्ज न दिल्याने आंदोलन. बँकांचे उंबरठे झिजवूनही पीक कर्ज न मिळाल्याने शेतकरी आक्रमक. दुष्काळी संकटात बँकेकडून शेतकऱ्यांचा छळ होत असल्याने शेतकरी नाराज
-
वाशिम जिल्ह्यात चाऱ्याची साठेबाजी आणि अनधिकृत वाहतुकीवर निर्बंध
वाशिम जिल्ह्यात चाऱ्याची साठेबाजी आणि अनधिकृत वाहतुकीवर निर्बंध. जनावरांच्या चाऱ्यासाठी कुटार राखीव ठेवण्याचा निर्णय, गट्टू निर्मितीसाठी कुटारच्या वापरावर बंदी
-
भाजप नेत्यांनी आयोजित केलेल्या नमो रमो रमजट गरबा महोत्सवावर अतुल लोंढेंची टीका
भाजप नेत्यांनी आयोजित केलेल्या नमो रमो रमजट गरबा महोत्सवावर अतुल लोंढेंची टीका. दुष्काळजन्य स्थितीत गरिबांच्या जखमेवर मीठ चोळण्याचं काम सुरु, नवरात्र मंडपात दररोज एक ते दीड कोटी रुपयांचा खर्च- अतुल लोंढे
-
नांदेडच्या किनवटच्या मदनापूर शिवारात रेल्वे ट्रॅकवर पट्टेदार वाघाचा मृतदेह
नांदेडच्या किनवटच्या मदनापूर शिवारात रेल्वे ट्रॅकवर पट्टेदार वाघाचा मृतदेह आढळला असून यामुळे एकच खळबळ माजली आहे. प्राथमिक माहितीनुसार पहाटे चारच्या पॅसेंजर रेल्वेच्या धडकेत वाघाचा अपघाती मृत्यू झाल्याची माहिती मिळतेय. गेल्या पंधरा दिवसांपासून शनिवारपेठ, प्रधानसांगवी, मदनापुर,दाभाडी, भुलजा या शिवारात वाघ दिसल्याची चर्चा होती. आज पहाटे या वाघाचा मृतदेह रेल्वे ट्रॅकवर आढळून आल्याने परिसरात एकच खळबळ माजलीय. वाघाचा मृत्यू झाल्याच्या माहितीला नांदेड परीक्षेत्राच्या वनाधिकारी मनीषा पाटील यांनी दुजोरा दिलाय. यार वाघाचा मृत्यू नेमका कशामुळे झाला हे उत्तरिय तपासनीत समोर येणार आहेच. पण वाघाचा मृत्यू झाल्याने एकच खळबळ माजलीये. हा अपघातच आहे की काही घातपात याचा तपास वनविभागाचे अधिकारी करीत आहेत. हा वाघ नेमका कोणत्या वनपरीक्षेत्रातील अधिवासातील आहे. तो कुठून आला होता याची परिसरात चर्चा आहे.
-
धाराशिव तालुक्यातील आळणी येथे मंत्री रामदास आठवले यांच्याकडून दुष्काळी परिस्थितीची पाहणी
केंद्रीय मंत्री रामदास आठवले आज धाराशिव जिल्हा दौऱ्यावर होते त्यांनी धाराशिव तालुक्यातील आळणी गावात जाऊन दुष्काळी परिस्थितीची पाहणी केली आहे. यावेळी त्यांनी ऊस उत्पादक शेतकऱ्यांशी संवाद साधत त्यांच्या अडचणी जाणून घेतल्या. दरम्यान, ऊस उत्पादक शेतकऱ्यांनी उसाला प्रतिटन पाच हजार रुपये भाव देण्याची मागणी केंद्रीय मंत्री रामदास आठवले यांच्याकडे केली आहे. पावसाअभावी शेतीसमोर निर्माण झालेली संकटं आणि वाढता आर्थिक ताण यामुळे शेतकरी चिंतेत आहेत. अशा परिस्थितीत ऊसाला पाच हजार रुपये प्रतिटन भाव मिळावा, अशी मागणी शेतकऱ्यांनी केली आहे.
-
घोटी सिन्नर महामार्गावर ज्योती इन्फ्रास्टकचर जवळ भीषण अपघात
घोटी सिन्नर महामार्गावर ज्योती इन्फ्रास्टकचर जवळ भीषण अपघात झाला आहे. भरधाव आयशरची पीकअप आणि मोटरसायकलला समोरून धडक दिली. मोटरसायकल फरफटत गेली आयशर खाली तर धडकेमुळे पीकअपचे मोठ्या प्रमाणावर नुकसान झाले. अपघातात मोटासायकलस्वाराचा जागीच मृत्यू तर एक जण गंभीर जखमी आहे. जखमीस पुढील उपचारासाठी ग्रामीण रुग्णालयात दाखल केले. घोटी पोलिस स्थानकात गुन्हा दाखल पुढील तपास सुरू आहे.
-
नाशिकच्या विद्युत भवनाला आग
नाशिकच्या विद्युत भवनाला शॉर्ट सर्किटमुळे आग लागली आहे. आज सकाळच्या सुमारास आग लागली. अग्निशमन दल विभागाने वेळीच आग आटोक्यात आणली आहे. आगीत कुठलीही जीवितहानी नाही, विद्युत भवनातील कर्मचाऱ्यांच्या वेळीच लक्षात आल्याने मोठी दुर्घटना टळली आहे.
-
सांगलीत पाण्यासाठी जतच्या दुष्काळग्रस्तांनी काढला कँडल मार्च
सांगलीच्या जत तालुक्यात दुष्काळाची तीव्रता वाढत असताना आता ग्रामस्थांना पिण्याच्या पाण्यासाठी आंदोलन करावं लागत आहे. अंकलगी आणि संख तलाव कोरडे पडल्याने माणसांसह जनावरांच्या पिण्याच्या पाण्याचा प्रश्न गंभीर बनलाय. या तलावांमध्ये म्हैसाळ योजनेतून तातडीने पाणी सोडावं,या मागणीसाठी अंकलगी गावात दुष्काळग्रस्तांनी कँडल मार्च काढत,यापुढील आंदोलन रक्त घ्या,पाणी द्या स्वरुपाचे करण्याचा इशारा दिलाय.
-
इंटरनेट वापरण्याचा अधिकार मूलभूत हक्क सर्वोच्च न्यायालयाचा महत्त्वपूर्ण निर्णय
प्रत्येक व्यक्तीला इंटरनेटचा वापर करण्याचा अधिकार असल्याचा दावा सर्वोच्च न्यायालयाने स्पष्ट केला आहे. लहान मुलांनाही इंटरनेट वापरण्याचा मूलभूत अधिकार असल्याचे नमूद करण्यात आलं. वयाची कोणतीही अट न ठेवता मुलांनाही इंटरनेट वापरण्याचा समान अधिकार असल्याची माहिती आहे . या निर्णयामुळे मुलांच्या डिजिटल अधिकारांबाबत महत्त्वाची चर्चा होण्याची शक्यता आहे.
-
नाशिकमध्ये आता ‘अन्नपूर्ती’ धान्य एटीएमची सुविधा
– नाशिकमध्ये आता ‘अन्नपूर्ती’ धान्य एटीएमची सुविधा मिळणार आहे. मंत्री छगन भुजबळ यांच्या हस्ते आज उद्घाटन करण्यात आलं. रेशनधारकांना २४ तास कधीही धान्य घेता येणार आहे. अवघ्या ३५ सेकंदांत २५ किलोपर्यंत धान्य वितरण होणार आहे. आधार आधारित बायोमेट्रिक पडताळणीतून धान्याचे वितरण झालं आहे. मशीनची साठवण क्षमता तब्बल २५ क्विंटल इतकी आहे.
-
मराठवाडा पदवीधर निवडणुकीत शिंदे सेनेचा सतिश चव्हाण यांना पाठिंबा
मराठावाडा पदवीधर निवडणुकीवरून महायुतीतील तणाव शमला आहे. शिंदेसेनेनं सतीश चव्हाणांना पाठिंबा जाहीर केला आहे. मंत्री संजय शिरसाट यांनी चव्हाण यांना पाठिंबा असल्याचे पत्रकार परिषदेत स्पष्ट केले. सतिश चव्हाण यांच्यासाठी तन-मन धनाने काम करू, असे शिरसाट यांनी सांगितले. यावेळी दोघांनी संयुक्त पत्रकार परिषद घेत भूमिका मांडली.
-
संजय राऊत यांच्या तोंडी बांगलादेश आणि नेपाळची भाषा – नवनाथ बन
नवनाथ बन यांनी विरोधकांवर जोरदार हल्लाबोल केला आहे. ‘काँग्रेससाठी सत्ता आली की सगळं चागलं असतं. आम्ही गैरमार्गाने जिंकतो, मग तुम्ही निवडणूक जिंकता, त्याचं काय? संजय राऊत यांच्या तोंडी बांगलादेश आणि नेपाळची भाषा आहे, अशी टीका बन यांनी केली.
-
जळगाव महापालिकेकडून शहरात आजपासून १० टक्के पाणी कपात लागू
आजपासून शहराच्या पाणी पुरवठ्यात १५ मिनिटांची घट झाली. दीड ऐवजी १ तास १५ मिनिटेच पाणी पुरवठा करण्यात येणार आहे. दुष्काळी परिस्थितीच्या पार्श्वभूमीवर दिवाळीनंतर ३ दिवसाआड पाणीपुरवठा होणार आहे. महापालिकेतर्फे पाण्याची नासाडी करणाऱ्यांवर थेट दंडात्मक कारवाई केली जाणार आहे.
-
दुष्काळात गरजूंच्या हाताला रोजगार हमीचे काम
जळगाव जिल्ह्यात दुष्काळी परिस्थितीच्या पार्श्वभूमीवर रोजगार हमी विभागाची यंत्रणा सज्ज आहे. शासनाच्या युक्त धारा पोर्टलवर तब्बल 80 हजार कामांची नोंदणी करणारा जळगाव जिल्हा महाराष्ट्र राज्य मध्ये अव्वल आहे. शेतीच्या नुकसानामुळे शेतमजुरांना देखील हाताला काम नसल्यामुळे आर्थिक संकटात सापडलेले आहेत. शेतमजुरा बरोबरच प्रत्येक मजुराला हाताला काम मिळावं यासाठी हेल्पलाइन नंबर जारी करणार. जिल्हास्तरावर तसेच प्रत्येक तालुका स्तरावर हेल्पलाइन नंबर जारी केला जाणार असून गावात दवंडी देखील दिली जाणार आहे
-
नाशिकच्या रामकुंड परिसरात ध्वजास्तंभाचे काम अंतिम टप्प्यात
नाशिकच्या रामकुंड परिसरात ध्वजास्तंभाचे काम अंतिम टप्प्यात आले आहे. 51 फुटी ध्वजस्तंभवर शुभ चिन्हांकित ध्वज फडकवत ध्वजारोहण सोहळा होईल. 31 ऑक्टोबर रोजी याच ध्वजस्तंभाचं साधू महंतांच्या हस्ते पूजन करून राष्ट्रपतींच्या हस्ते सिंहस्थ कुंभमेळ्याची सुरुवात होणार आहे. गोदा घाटावर उभारण्यात आलेल्या या ध्वजस्तंभावर शुभ चिन्हांचे संकेत आहे. समुद्रमंथनातून उत्पन्न झालेल्या 14 रत्नांची ध्वजस्तंभावर छाप असेल.
-
जालना जिल्ह्याच्या भूजल पातळीत 12 फुटांनी घट, भूजल सर्वेक्षणातून समोर आली बाब
जालना जिल्ह्यात दुष्काळी परिस्थिती निर्माण झाली असतानाच दुसरीकडे भूजल सर्वेक्षण यंत्रणेने केलेल्या सर्वेक्षणातून धक्कादायक आकडेवारी समोर आलीय. जालना जिल्ह्याच्या भूजल पातळीत तब्बल 12 फुटांची घट नोंदवण्यात आलीय.परतूर तालुक्यातील भूजल पातळी सर्वात जास्त खोल असल्याचे भुजल सर्वेक्षण विभागाने म्हटलंय, त्यामुळे आगामी काळात रब्बी हंगामातील पिकांना देखील याचा मोठा फटका बसण्याची शक्यता वर्तवण्यात आलीय,त्यामुळे शेतकऱ्यांनी कमी पाण्यावर येणारी पिकं घ्यावी जेणेकरून जनावरांना चाऱ्याची उपलब्धता होईल असं आवाहन खरपूडी येथील कृषी विज्ञान केंद्रातील तज्ञांनी केलय.
-
नेपाळसारखी परिस्थिती भारतात तयार होणार नाही-आमदार परिणय फुके
नागपूर पदवीधर मतदारसंघातील प्रचारासाठी मुख्यमंत्री दोन दिवस बैठका घेणार आहे. सीजेपी आणि राहूल गांधी विदेशी पैशांतून भारतात अराजकता निर्माण करण्याचा प्रयत्न करत आहेत. ईस्ट इंडिया कंपनी प्रमाणे राहूल गांधी यांच्या मदतीनं स्टारलिंक ( एलॅान मस्क ) यांची कंपनी येण्याचा प्रयत्न करुन देशातील संविधान हटवण्याचा प्रयत्न करत आहे. प्रशांत भूषण यांच्या सारख्या दलालाला मी हेच सांगतो, की कितीही प्रयत्न केले तरीही भारतात नेपाळसारखी परिस्थिती होणार नाही, असे भाजप नेते आणि आमदार परिणय फुके म्हणाले.
-
लातूर जिल्हा बँक निवडणूक, सहकार मंत्र्यांचा ऐनवेळी सावध पवित्रा
लातूर जिल्हा बँकेच्या निवडणुकीत महायुती एकसंघ आहे असे सांगण्यात येत असतानाच सहकार मंत्री बाबासाहेब पाटील यांनी काँग्रेसच्या धीरज देशमुख यांना सोबत घेऊन सहकाऱ्यांचे नामनिर्देशन पत्र दाखल केले आहेत. त्यामुळे जिल्हा बँकेत महायुती राहिली नसून भाजपाचे तिन्ही आमदार ही निवडणूक एक पॅनल तयार करून लढणार असल्याचे स्पष्ट झाले आहे आमदार संभाजीराव पाटील निलंगेकर, आमदार अभिमन्यू पवार आणि आमदार रमेश कराड हे एकत्रित आता सहकार मंत्री बाबासाहेब पाटील आणि काँग्रेसचे नेते धीरज देशमुख यांचा या निवडणुकीत सामना करणार आहेत.
-
तुळजाभवानी गाभाऱ्यातील दर्शन प्रकरणी कारवाई
तुळजाभवानी देवीच्या गाभारा दर्शन प्रकरणावरून तुळजापूरचे नगराध्यक्ष विनोद गंगणे यांना नोटीस देण्यात आली आहे. सोलापूरचा मटका व्यावसायिक अरुण रोडगे याला तुळजाभवानी मातेच्या गाभाऱ्यातून दर्शन दिल्याच्या प्रकरणात आता मंदिर संस्थानकडून आता कारवाया सुरू करण्यात आले आहेत या प्रकरणी सहाय्यक धार्मिक व्यवस्थापक अमोल भोसले यांना निलंबित केल्यानंतर तुळजापूरचे नगराध्यक्ष विनोद गंगणे यांनाही जिल्हाधिकाऱ्यांनी कारणे दाखवा नोटीस बजावली आहे. येत्या 48 तासांत खुलासा सादर करण्याचे निर्देश देण्यात आले आहेत.दरम्यान, नगराध्यक्ष विनोद गंगणे यांनी मात्र आपल्यावरील सर्व आरोप फेटाळले आहेत. आपण कोणालाही मंदिराच्या गाभाऱ्यात सोडलं नाही, तसंच मंदिरातील कोणत्याही कर्मचाऱ्याला दमदाटी केली नसल्याचं त्यांनी स्पष्ट केलं आहे. याशिवाय, यापूर्वी इतर कोणते विश्वस्त सदस्य कोणाला गाभाऱ्यात घेऊन गेले होते, याचीही चौकशी व्हावी, अशी मागणी नगराध्यक्ष गंगणे यांनी केली आहे.
-
गणेशोत्सवात दागिने चोरणारी उत्तर प्रदेशातील आंतरराज्यीय टोळी जेरबंद
गणेशोत्सवाच्या गर्दीचा फायदा घेत भाविकांच्या गळ्यातील सोन्याचे दागिने चोरणाऱ्या उत्तर प्रदेशातील आंतरराज्यीय टोळीचा पर्दाफाश करण्यात पुणे पोलिसांना यश आलंय. फरासखाना पोलिसांनी आरोपीला अटक करून १३९.७२० ग्रॅम सोन्याचे दागिने, मोबाईल फोन आणि चाकूसह लोखंडी कटर असा सुमारे २१ लाख २१ हजार ९०० रुपयांचा मुद्देमाल जप्त केला आहे.
-
शहरात १० टक्के पाणीकपात आणि दुसरीकडे महापालिकेकडून पाण्याची नासाडी
पिंपरी चिंचवडमधील काळेवाडी परिसरात पाण्याचे टँकर आणून बीआरटी मार्गाचे डिव्हायडर धुतले जात असल्याचा प्रकार समोर आला आहे. एकीकडे नागरिक पाण्यासाठी तक्रारी करत असताना दुसरीकडे पाण्याचा असा वापर होत असल्याने नागरिकांमधून संताप व्यक्त केला जात आहे.
-
लग्नाचे आमिष दाखवून शेतमजूर कुटुंबाची फसवणूक
लग्न लावून देण्याचे आमिष दाखवून पैसे उकळल्याचा प्रकार आंबेगाव तालुक्यात समोर आला आहे. याप्रकरणी घोडेगाव पोलीस ठाण्यात तक्रार दाखल करण्यात आली आहे.
-
दसरा मेळाव्यासाठी ठाकरेंना महापालिकेने घातल्या 24 अटी
सालाबादाप्रमाणे यंदाही दादर येथील छत्रपती शिवाजी महाराज पार्क येथे ठाकरेंचा शिवसेना दसरा मेळावा होणार आहे. पण त्यासाठी महापालिकेने थोड्या थोडक्या नाहीत तर 24 अटी घातल्या आहेत. त्यावरून वादाला तोंड फुटण्याची शक्यता आहे.
-
जामिनाच्या वेळी घातलेल्या अटींचे उल्लंघन केल्यामुळे दिपकेंना अटक
सीजेपीचे संस्थापक अभिजीत दिपके मुख्य निवडणूक आयुक्त ज्ञानेश कुमार यांच्या राजीनाम्यासाठी रस्त्यावर उतरले आहेत. त्यांनी दिल्लीमध्ये आंदोलन पुकारले होते. मात्र, त्यापूर्वीच त्यांना अटक करण्यात आली. जामिनाच्या वेळी घातलेल्या अटींचे उल्लंघन केल्यामुळे काल पुन्हा दिपकेंना अटक करण्यात आली.
-
मध्यरात्री CJPचे संस्थापक अभिजीत दीपके यांना पुन्हा अटक
अभिजीत दिपके यांनी ज्ञानेश कुमार यांच्या विरोधात आंदोलन पुकारले आहे. मात्र, दिल्ली पोलिसांनी विमानतळाहून ताब्यात घेतल्यानंतर आता पुन्हा एकदा अभिजीत दिपके यांना दिल्ली पोलिसांकडून अटक करण्यात आले.
मुख्य निवडणूक आयुक्त ज्ञानेश कुमार यांच्या राजीनाम्याची मागणी करण्यासाठी कॉकरोच जनता पार्टीने 16 ऑक्टोबर 2026 रोजी तिरंगा मार्चचे आयोजन केले. यादरम्यान दिल्ली पोलिसांनी अगोदर अभिजीत दिपके यांना नोटीस दिली होती. त्यापूर्वी दिल्लीत दाखल होताच पोलिसांनी अभिजीत दिपके आणि त्यांच्या पक्षाच्या महत्वाच्या नेत्यांना अटक केली. जामीन देताना काही अटी मान्य करण्यात आल्या होत्या. मात्र, पुन्हा अभिजीत दिपके मोर्चात सहभागी झाले. त्यामुळे काल मध्यरात्री अभिजीत दिपके यांना अटक करण्यात आली. तसेच ऑल इंडिया स्टुडंट्स असोसिएशन (AISA) च्या राष्ट्रीय अध्यक्षा नेहा बोरा यांना मंडी हाऊसजवळ पोलिसांनी ताब्यात घेतले होते. नेहा बोरा यांची सुटका करण्यात आली आहे. मात्र, अभिजीत दिपके अद्याप अटकेत आहेत.
ब्लूमबर्गच्या एका अहवालात ऑक्सफोर्ड इकॉनॉमिक्सच्या प्रमुख अर्थतज्ज्ञ अॅलेक्झांड्रा हरमन प्रसाद यांनी सांगितले की, पेट्रोलच्या किमतीत नोव्हेंबरमध्ये वाढ होण्याची शक्यता आहे. ही वाढ तेव्हा होण्याची शक्यता आहे, जेव्हा पुढच्या वर्षी ७ राज्यांत निवडणुका आहेत. त्यापैकी पाच राज्यांत, ज्यात उत्तर प्रदेश आणि पंजाब यांचा समावेश आहे, मार्च ते मे दरम्यान मतदान होणार आहे. अशा परिस्थितीत इंधनाच्या किमतीतील वाढ राजकीय वळण घेऊ शकते.
सालाबादाप्रमाणे यंदाही दादर येथील छत्रपती शिवाजी महाराज पार्कात ठाकरेंचा शिवसेनेचा दसरा मेळावा होणार आहे. पण त्यासाठी महापालिकेने थोड्या थोडक्या नाहीत तर 24 अटी घातल्या आहेत. त्यावरून वादाला तोंड फुटण्याची शक्यता आहे.
Published On - Oct 17,2026 8:28 AM
