अखेर राहुल गांधी सुप्रीम कोर्टात दाखल, डीके शिवकुमार, सुप्रिया सुळे यांची देखील उपस्थिती

मोठी बातमी समोर येत आहे, काँग्रेस नेते राहुल गांधी सुप्रीम कोर्टात दाखल झाले आहेत. राहुल गांधी यांच्यासोबत काँग्रेसचे काही वरिष्ठ नेते देखील आहेत. काँग्रेसचे अध्यक्ष मल्लिकार्जुन खरगे देखील राहुल गांधी यांच्यासोतब आहेत. राहुल गांधी सुप्रीम कोर्टात दाखल झाले आहेत, या आधीच विरोधकांकडून सुप्रीम कोर्टात याचिका दाखल करण्यता आली होती, आणि आता राहुल गांधी सुप्रीम कोर्टात दाखल झाले आहेत.

राहुल गांधी आणि इंडिया आघाडीचे सर्व नेते भगवान दास मार्गावरून सुप्रीम कोर्टाच्या दिशेनं निघाले होते. मात्र त्याच ठिकाणी पोलिसांकडून इंडिया आघाडीच्या नेत्यांना अडवण्यात आले. पोलिसांनी अडवल्यानंतर काही वेळ हे सर्व नेते त्याच ठिकाणी थांबले. जिथे पोलिसांनी या नेत्यांना अडवलं ते ठिकाणी सुप्रीम कोर्टापासून अवघ्या 400 मीटर अंतरावर आहे. पोलिसांनी अडवल्यानंतर राहुल गांधी हे इंडिया आघाडीच्या सर्व नेत्यांसबोत माघारी फिरले. मात्र राहुल गांधी इंडिया गेटकडे जात असताना सर्वांना असं वाटलं की, राहुल गांधी हे स्वत: त्यांच्या निवासस्थानाकडे निघाले आहेत. मात्र राहुल गांधी थेट पोलिसांना चकवा देत इंडिया गेटच्या सर्कलवरून टिळक रोडने सुप्रीम कोर्टात पोहोचले.

दरम्यान त्यापूर्वीच राहुल गांधी यांच्याकडून घोषणा करण्यात आली होती की मी सुप्रीम कोर्टात जाणारच, सुप्रीम कोर्टात जाऊन याचिका दाखल करणार. त्यानंतर काँग्रेस नेते राहुल गांधी आणि इंडिया आघाडीचे सर्व नेते भगवान दास मार्गावरून सुप्रीम कोर्टाच्या दिशेनं निघाले होते. मात्र त्याच ठिकाणी पोलिसांकडून इंडिया आघाडीच्या नेत्यांना अडवण्यात आले. मात्र त्यानंतर राहुल गांधी हे त्याच ठिकाणी थांबले अन् नंतर इंडिया आघाडीच्या नेत्यांसोबत टिळक मार्गाने ते सुप्रीम कोर्टात दाखल झाले. राहुल गांधी यांच्यासह काँग्रेसचे राष्ट्रीय अध्यक्ष मल्लिकार्जुन खरगे, काँग्रेस नेते डीके शिवकुमार, राष्ट्रवादी शरद पवार गटाच्या नेत्या आणि खासदार सुप्रिया सुळे यांची देखील उपस्थिती होती.  त्यानंतर ते काही वेळात पुन्हा सुप्रीम कोर्टामधून मागे फिरले.