Parliament Winter Session | संसदेचे हिवाळी अधिवेशन रद्द, दिल्लीतील वाढत्या कोरोना संसर्गामुळे निर्णय

नोव्हेंबर ते जानेवारीमध्ये होणारे संसदेचे हिवाळी अधिवेशन रद्द करण्यात आल्याची माहिती संसदीय कार्यालयानं दिली आहे. | Parliament Winter Session

Parliament winter session

Yuvraj Jadhav | Updated on: Nov 23, 2020 | 12:17 PM

नवी दिल्ली: संसदेचे हिवाळी अधिवेशन (Parliament Winter Session) यावेळी होणार नाही. दिल्लीत कोरोना संक्रमण मोठ्या प्रमाणात वाढत असल्याने हा निर्णय घेण्यात आला आहे. नोव्हेंबर ते जानेवारी महिन्यात हिवाळी अधिवेशन होणार होते. परंतु, यावेळी कोरोना संक्रमणामुळे अधिवेशन होणार नाही. अर्थसंकल्पीय अधिवेशनासोबतच हिवाळी अधिवेशन होणार आहे. जानेवारी,फेब्रुवारीमध्ये अर्थसंकल्पीय अधिवेशनला सुरुवात होणार असल्याची माहिती संसदीय संसदीय कार्यालयाकडून देण्यात आलीय. (Parliament may skip Winter Session and club with budget session)

हिवाळी अधिवेशन (Parliament Winter Session) नोव्हेंबर ते जानेवारी दरम्यान घेण्यात येते. मात्र, कोरोनामुळे यंदाचे हिवाळी अधिवेशन रद्द करण्यात आले आहे. संसंदेचे अर्थसंकल्पीय अधिवेशन 1 फेब्रुवारीपासून सुरु होणार आहे. अर्थसंकल्पीय अधिवेशनासोबतचं हिवाळी अधिवेशन घेण्यात येईल.

सप्टेंबरमध्ये संसेदेचे पावसाळी अधिवेशन आयोजित करण्यात आले होते. यावेळी सोशल डिस्टंन्सिंगचे पालन करत सदस्यांची आसनव्यवस्था लोकसभा आणि राज्यसभा या सदनामध्ये करण्यात आली होती. मात्र, यावेळी अनेक संसद सदस्य आणि कर्मचारी कोरोना पॉझिटिव्ह झाले होते.

सप्टेंबरमध्ये झालेल्या पावसाळी अधिवेशनाच्या कालावधीमध्ये 40 जण कोरोना पॉझिटिव्ह झआले होते. उपराष्ट्रपती आणि राज्यसभा अध्यक्ष व्यंकय्या नायडू देखील कोरोना पॉझिटिव्ह झाले होते. पावसाळी अधिवेशन 14 सप्टेंबर ते 24 सप्टेंबर या कालावधीत झाले होते.

कन्याकुमारीचे खासदार एच.वसंताकुमार, तिरुपतीचे खासदार बाली दूर्ग प्रसाद, राज्यसभेचे खासदार अशोक गस्ती यांचे कोरोनामुळं निधन झाले आहे.(Parliament may skip Winter Session and club with budget session)

दिल्लीतील कोरोना स्थिती

दिल्लीत कोरोना विषाणूचा संसर्ग भीतिदायक आहे. रविवारी दिल्लीत कोरोनाचे 6,746 नवीन रुग्ण आढळले आणि 121 जणांचा मृत्यू झाला तर 6,154 लोक बरे झाले. शनिवारी दिल्लीत कोविडची 5879 नवीन प्रकरणे नोंदली गेली आणि 111 जणांच्या मृत्यूची नोंद झाली.

दिल्लीचे मुख्यमंत्री अरविंद केजरीवाल यांनी 21 नोव्हेंबर रोजी व्यापा-यांना आश्वासन दिले की, बाजार बंद करण्याचा सरकारचा हेतू नाही. दिल्ली सरकारने निर्णय घेतला होता की, ज्या बाजारांमध्ये कोरोना मार्गदर्शक तत्त्वांचे उल्लंघन केले जात आहे, त्या बाजारांना तात्पुरते सीलबंद केले जाईल.

महाराष्ट्र विधिमंडळाचे हिवाळी अधिवेशन मुंबईत

कोरोना संसर्गाच्या पार्श्वभूमीवर महाराष्ट्र सरकारने नागपूर येथे होणारे विधिमंडळाचे हिवाळी अधिवेशन मुंबईमध्ये घेण्याचा निर्णय घेतला आहे. दरवर्षी हिवाळी अधिवेशन उपराजधानी नागपूर येथे होते. मात्र, कोरोना संसर्गाच्या पार्श्वभूमीवर राज्य सरकारनं हिवाळी अधिवेशन मुंबईत घेण्याचा निर्णय घेतला. यावर भाजपनं टीका केली आहे.

LIVETV दिवाळीनंतर कोरोनाचे आकडे जसे येतील त्यावरुन मुंबई लोकल सुरु करण्याबाबत विचार करता येईल- आयुक्त इक्बालसिंह चहल https://t.co/kfx4JUN2at

— TV9 Marathi (@TV9Marathi) November 23, 2020