नरेंद्र मोदी यांचे X वर 100 दशलक्ष फॉलोअर, विराट कोहलीलाही मागे टाकले, जगात केवळ एकच लीडर त्यांच्यापुढे
पंतप्रधान नरेंद्र मोदी यांच्या युट्युब चॅनलचे 25 दशलक्ष सब्सक्रायबर आहेत. तर इंस्टाग्रामचे 91 दशलक्ष फॉलोअर आहेत. त्यांनी आता एक्सवर 100 दशलक्ष फॉलोअर मिळविले आहेत.
पंतप्रधान नरेंद्र मोदी यांनी सोशल मिडिया हाताळण्यात नेहमीच आघाडीवर असतात. मायक्रो ब्लॉगिंग साईट एक्सवर ( आधीचे ट्वीटर ) सर्वाधिक फॉलोअर असलेले जागतिक नेते बनले आहेत. नरेंद्र मोदी यांनी रविवारी सोशल साईट एक्सवर तब्बल 100 दशलक्ष ( 10 कोटी ) फॉलोअरचा टप्पा गाठला आहे. आता क्रिकेट स्टार विराट कोहली ( 64.1 दशलक्ष ) आणि आंतरराष्ट्रीय पातळीवरील ग्रॅमी पुरस्कार विजेता गायिका टेलर स्विफ्ट ( 95.3 दशलक्ष ) यांच्याहूनही अधिक लोकप्रियता मोदी यांनी प्राप्त केली आहे. मोदी यांनी ग्लोबल लीडर अमेरिकन राष्ट्राध्यक्ष जो बायडेन ( 38.1 दशलक्ष ) , दुबईचे राजे शेख मोहम्मद( 11.2 दशलक्ष ) आणि पोप फ्रान्सिस ( 18.5 दशलक्ष ) यांना देखील मागे टाकले आहे.
भारतीय नेत्यांमध्ये सोशल मिडीयावर एक्सवरील फोलोअरची तुलना केली असता मोदी खूपच पुढे आहेत. विरोधी पक्ष नेते राहुल गांधी यांनी एक्सवर 26.4 दशलक्ष फॉलोअर आहेत. तर तर दिल्लीचे मुख्यमंत्री अरविंद केजरीवाल यांचे एक्सवर 27.5 दशलक्ष, समाजवादी पार्टीचे अध्यक्ष अखिलेश यादव यांचे 19.9 दशलक्ष आणि पश्चिम बंगालच्या मुख्यमंत्री ममता बॅनर्जी यांचे 7.4 दशलक्ष फॉलोअर आहेत.
पंतप्रधान नरेंद्र मोदी यांनी एक्सवर आंतरराष्ट्रीय स्टार टेलर स्विफ्ट ( 95.3 दशलक्ष ), लेडी गागा ( 83.1 दशलक्ष ) आणि किम कार्दाशियन ( 75.2 दशलक्ष ) यांना देखील मागे टाकले आहे. नरेंद्र मोदी यांनी इंडियन क्रिकेटर विराट कोहली,ब्राझिलियन फूट बॉलपटू नेमर ज्यूनियर ( 63.6 दशलक्ष ) आणि अमेरिकन फूटबॉलपटू लेब्रॉन जेम्स ( 52.9 दशलक्ष ) यांनाही मागे टाकले आहे. गेल्या तीन वर्षात एक्सवर सुमारे 30 दशलक्ष फॉलोअर वाढले आहेत. मोदी यांच्या युट्युब चॅनलचे 25 दशलक्ष सब्सक्रायबर आहेत. तर इंस्टाग्रामवर 91 दशलक्ष फॉलोअर आहेत.
मोदी यांच्या पुढे केवळ एकच नेते
पंतप्रधान नरेंद्र मोदी एक्सवर ( 100 दशलक्ष ) 10 कोटी इतके फॉलोअर बनून ग्लोबल लीडर झाले असले तरी त्यांच्यापुढे केवळ अमेरिकेचे माजी राष्ट्राध्यक्ष बराक ओबामा आहेत. डेमोक्रॅटीक पक्षाचे नेते माजी राष्ट्राध्यक्ष बराक ओबामा यांचे 131.7 दशलक्ष फॉलोअर आहेत.तर तिसऱ्या क्रमांकावर डोनाल्ड ट्रम असून त्याचे एक्सवरील फॉलोअर 87.4 दशलक्ष आहेत.
