ममता बॅनर्जी यांच्याकडून राजीनाम्याची तयारी, पश्चिम बंगालमध्ये काय घडतंय
मी माफी मागते, राजीनामा देण्यास तयार असल्याचं ममजा बॅनर्जी यांनी म्हटले आहे. डॉक्टरांच्या विरोधावर ममता बॅनर्जींनी राजीनामा देण्याती तयारी दर्शवली आहे. ममता बॅनर्जी यांच्याविरोधात राज्यात सध्या संतापाचे वातावरण आहे. पश्चिम बंगालमध्ये डॉक्टर रस्त्यावर उतरले आहेत,
कोलकाता : कोलकाता डॉक्टरच्या हत्या प्रकरणानंतर पश्चिम बंगालच्या मुख्यमंत्री ममता बॅनर्जी यांनी पहिल्यांदाच राजीनामा देण्याची तयारी दर्शवली आहे. सुप्रीम कोर्टाच्या आदेशानंतरही डॉक्टरांच्या आंदोलनावर ममता बॅनर्जी म्हणाल्या की, लोकांच्या हितासाठी आपण हे पाऊल उचलण्यास तयार आहोत. ज्युनियर डॉक्टर संपावर आणि आंदोलनावर ठाम राहिल्याने ममता बॅनर्जी यांनी राजीनामा देण्याची तयारी दर्शवली आहे. ही कोंडी फोडण्यासाठी राज्य सरकारने कनिष्ठ डॉक्टरांशी सचिवालयात चर्चा घडवून आणली होती, मात्र सचिवालयात पोहोचल्यानंतर डॉक्टरांच्या ३० सदस्यीय शिष्टमंडळाने बैठक थेट करण्याची अट घातली. यानंतर चर्चा बिघडली.
ममता बॅनर्जी सचिवालयात वरिष्ठ अधिकाऱ्यांसोबत बसल्या आणि कनिष्ठ डॉक्टरांची वाट पाहत बसल्या. डॉक्टर न आल्याबद्दल ममता बॅनर्जी यांनी नंतर माफी मागितली आणि व्हिडीओ ब्रीफिंगमध्ये माफी मागत असल्याचे सांगितले. जनतेच्या हितासाठी ते राजीनामा देण्यासही तयार आहेत. या बैठकीला राज्याचे डीजीपी राजीव कुमार आणि मुख्य सचिवही उपस्थित होते. याआधी ममता बॅनर्जी सचिवालयातील वाटाघाटी कक्षात बसल्या आणि कनिष्ठ डॉक्टर वाटाघाटीच्या टेबलावर येण्याची वाट पाहत होत्या.
