AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ट्रम्प यांना शुभेच्छा देणाऱ्या शेख हसीना अजूनही बांगलादेशच्या पंतप्रधान? भारताची भूमिका काय

बांगलादेशच्या माजी पंतप्रधान शेख हसीना या सध्या भारतात आहेत. ५ ऑगस्ट रोजी त्यांना भारतात आश्रय घ्यावा लागला होता. कारण बांगलादेशात आंदोलन हिंसक झालं होतं. लोकांनी त्यांच्या घरावर हल्ला केला होता. ज्यामुळे त्यांना देश सोडावा लागला. पण आता शेख हसीना यांनी ट्रम्प यांना शुभेच्छा दिल्यानंतर त्या पुन्हा चर्चेत आल्या आहेत.

ट्रम्प यांना शुभेच्छा देणाऱ्या शेख हसीना अजूनही बांगलादेशच्या पंतप्रधान? भारताची भूमिका काय
shailesh musale
shailesh musale | Updated on: Nov 08, 2024 | 5:28 PM
Share

बांगलादेशच्या माजी पंतप्रधान आणि देशातील सर्वात मोठा पक्ष अवामी लीगच्या नेत्या शेख हसीना या पुन्हा एकदा चर्चेत आल्या आहेत. अमेरिकेच्या अध्यक्षपदाच्या निवडणुकीत डोनाल्ड ट्रम्प यांच्या विजयानंतर शेख हसीना यांनी त्यांचे अभिनंदन केले आहे. पण यावेळी शुभेच्छा देताना त्यांनी स्वतःला बांगलादेशच्या पंतप्रधान म्हटले आहे. त्यामुळे बांगलादेशात एकच खळबळ उडाली आहे. पक्षाच्या अधिकृत सोशल मीडिया हँडलवर शेअर केलेल्या अवामी लीगच्या कार्यालयीन सचिवाने स्वाक्षरी केलेल्या पत्रात, हसिना यांनी ट्रम्प यांच्या नेतृत्व गुणांची प्रशंसा केली आणि ‘बांगलादेश आणि अमेरिका यांच्यातील द्विपक्षीय संबंध अधिक दृढ होतील’ अशी आशा व्यक्त केली.

पत्रात म्हटले आहे की, ‘बांगलादेश अवामी लीगच्या अध्यक्षा (पंतप्रधान) शेख हसीना यांनी डोनाल्ड ट्रम्प यांचे अभिनंदन केले आहे. शेख हसीना यांनी डोनाल्ड ट्रम्प आणि मेलानिया ट्रम्प यांची भेट घेतली होती तेव्हाची आठवण देखील झाली. ‘दोन्ही देशांच्या द्विपक्षीय आणि बहुपक्षीय हितसंबंधांना पुढे नेण्यासाठी त्यांनी पुन्हा एकत्र काम करण्याची वचनबद्धता व्यक्त केली.’

बांगलादेशात काही दिवसांपूर्वी सरकारविरोधी आंदोलन झालं ज्यामध्ये शेख हसीना यांना ५ ऑगस्टला देश सोडून भारतात यावे लागले. पंतप्रधानांच्या निवासस्थानावर लोकांनी हल्ला करुन वस्तू देखील चोरुन नेल्या होत्या. आता शेख हसीना या सध्या भारतातच आहेत. एका गुप्त ठिकाणी त्यांची भारत सरकारने व्यवस्था केली आहे. सरकारी नोकऱ्यांमधील आरक्षण संपुष्टात आणण्यासाठी बांगलादेश मोठे आंदोलन झाले. विद्यार्थ्यांचे हे आंदोलन अनेक दिवस सुरु होते. हजारो विद्यार्थी रस्त्यावर उतरले होते.

लष्करप्रमुख काय म्हणाले होते?

बांगलादेशचे लष्करप्रमुख वकार-उझ-झमान यांनी त्याच दिवशी पत्रकार परिषदेत सांगितले होते की, शेख हसीना यांनी पंतप्रधानपदाचा राजीनामा दिला आहे. 5 ऑगस्टच्या संध्याकाळी त्या बांगलादेश लष्कराच्या विमानातून दिल्लीजवळ भारतीय हवाई दलाच्या हिंडन एअरबेसवर उतरल्या. भारताचे परराष्ट्र मंत्री एस जयशंकर यांनी संसदेत माहिती देताना सांगितले होते की, शेख हसीना यांना अल्प कालावधीत भारत भेटीची परवानगी देण्यात आली आहे. यासोबतच प्रोटोकॉलनुसार त्यांना सुरक्षित ठिकाणी ठेवण्यात आल्याचेही सांगण्यात आले.

शेख हसीना यांनी डोनाल्ड ट्रम्प यांचं पंतप्रधान म्हणून अभिनंदन केल्यानंतर आता हाच प्रश्न भारतीय परराष्ट्र मंत्रालयाला विचारण्यात आला. यावर परराष्ट्र मंत्रालयाचे प्रवक्ते रणधीर जयस्वाल म्हणाले की, भारत शेख हसीना यांना माजी पंतप्रधान मानतो आणि त्यांनी याबाबत आपली भूमिका स्पष्ट केली आहे.

हसीना यांचा अमेरिकेवर आरोप

शेख हसीना यांनी बांगलादेशातून त्यांच्याविरोधात सुरु झालेल्या आंदोलनामागे अमेरिकेचा हात असल्याचे म्हटले होते. जो बायडेन प्रशासनावर त्यांनी आरोप केला होता. त्यांचा मुलगा सजीद वाजेद यांनी हा अहवाल फेटाळून लावला. त्या पंतप्रधान असतानाही शेख हसीना यांनी अमेरिकेवर सत्तापालट केल्याचा आरोप केला होता. नाव न घेता त्या म्हणाल्या होत्या की, एका देशाने त्यांना सांगितले होते की, सेंट मार्टिन बेट दिले तरच ते बांगलादेशमध्ये सत्तेत राहू देतील.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी