दाऊद इब्राहिम आणि छोटा राजनमध्ये का आला दुरावा? जेजे रुग्णालयावर हल्ला कसा झाला? ‘काला बिच्छू’ उघडणार राज

माफिया डॉन दाऊद इब्राहिमचा जुना साथीदार आणि मुंबईच्या संघटित गुन्हेगारीच्या जगाला जवळून ओळखणारा व्यक्ती म्हणजे श्याम किशोर गरिकापती. श्याम किशोर गरिकापती याने आपल्या नव्या पुस्तकात अंडरवर्ल्डशी संबंधित अनेक समजुतींना आव्हान दिले आहे. तसेच अनेक राज उघड केले आहेत. ‘ब्लॅक स्कॉर्पियन: टू हेल अँड बॅक’ ही एक खरी गुन्हेगारी कहाणी आहे. ही कहाणी गरिकापती यांच्या जीवन आणि अनुभवांवर आधारित आहे. अंडरवर्ल्डमध्ये गरिकापती यांना ‘काला बिच्छू’ या नावाने ओळखले जायचे.

१९८० आणि १९९० च्या दशकातील मुंबईच्या पार्श्वभूमीवर लिहिलेले हे पुस्तक गँगवार, निष्ठा बदलणे आणि भयानक खूनांनी भरलेल्या त्या काळाला पुन्हा समोर आणते, ज्यात दाऊद इब्राहिम, छोटा राजन, करीम लाला, वरदराजन मुदलियार आणि अरुण गवली असे कुख्यात गुन्हेगार सामील होते. हे पुस्तक गरिकापती यांच्या वैयक्तिक अनुभवांवर, न्यायालयाच्या दस्तऐवजांवर आणि लेखकांनी रेकॉर्ड केलेल्या १०० तासांपेक्षा जास्त इंटरव्ह्यूंवर आधारित एका आतील व्यक्तीची कहाणी सांगते.

गरिकापती यांनी १२ वर्षांपेक्षा जास्त काळ तुरुंगात घालवला आणि टाडा अंतर्गत खटला भोगणाऱ्या सुरुवातीच्या आरोप्यांमध्ये ते होते. या पुस्तकात दाऊद इब्राहिमच्या टोळीच्या अंतर्गत गोष्टी, भांडणाऱ्या गटांमध्ये सलोखा घडवून आणण्यासाठी दाऊदने बोलावलेली बैठक, छोटा राजनच्या हत्येची अपयशी कोशिश, दाऊद-राजनमध्ये दुरावा आणणाऱ्या गुप्त टेपची कारणे आणि दाऊदच्या मेहुण्याच्या हत्येचा बदला घेण्यासाठी जेजे रुग्णालयावर झालेला हल्ला असे अनेक धक्कादायक खुलासे आहेत. या खुलाशांमुळे गरिकापती यांना तुरुंगवास भोगावा लागला. गरिकापती यांनी आपल्या अनेक जवळच्या मित्रांच्या आणि साथीदारांच्या हत्या पाहिल्या आणि आपली कहाणी या पुस्तकाद्वारे सांगितली आहे.

छोटा राजन कोण होता?

छोटा राजन याचे नाव राजेंद्र सदाशिव निकाळजे असे आहे. मुंबईतील अंडरवर्ल्डमध्ये त्याचे मोठे नाव होते. राजन याचा जन्म मुंबईतील चेंबूर येथील टिळकनगरात झाला होता. तो कधीकाळी दाऊद इब्राहिमचा अत्यंत जवळचा होता. त्यानंतर त्यांच्यात वाद झाला. 2015 मध्ये त्याला इंडोनेशियातील बाली येथून अटक करण्यात आली होती. त्याला भारतात आणण्यात आले. तेव्हापासून तो तुरूंगात आहे.