कोरोनाला थोपवण्यासाठी दिल्लीमध्ये महायज्ञ, 350 पेक्षा जास्त यजमानांना मंत्रोच्चारणासाठी आमंत्रण
या महायज्ञासाठी 350 पेक्षा अधिक यजमानांना पूजा आणि मंत्रोच्चारणासाठी आमंत्रित करण्यात आले होते. (mahayagya organized to stop corona spreading)
नवी दिल्ली : देशात कोरोना रुग्णांची संख्या दिवसेंदिवस वाढते आहे. रोज हजारो रुग्ण नव्याने आढळत आहेत. देशातील वेगवेगळ्या राज्यामध्ये स्थानिक पातळीवर वेगवेगळे प्रतिबंधात्मक नियम लागू केले जातायत. मात्र, तरीसुद्धा कोरोना आळा घालणे शक्य होत नाहीये. या पार्श्वभूमीवर कोरोनाचा प्रादुर्भाव कमी व्हावा म्हणून शनिवारी दिल्लीत महायज्ञ करण्यात आला. यावेळी अनेक मान्यवर उपस्थित होते. (to stop Corona spreading Mahayagya organized by Vishwa Hindu Parishad Ashok Singhal foundation and Namo Sadbhavana Samiti in Delhi)
कोरोनाची दुसरी लाट आणि तिचा कहर कमी करण्यासाठी हा महायज्ञ करण्यात आला. दिल्लीतील छतरपूरमध्ये विश्व हिंदू परिषद, अशोक सिंघल फाऊंडेशन आणि नमो सद्भावना समितीतर्फे या महायज्ञाचे आयोजन करण्यात आले होते. यावेळी 350 पेक्षा अधिक यजमानांना पूजा आणि मंत्रोच्चारणासाठी आमंत्रित करण्यात आले होते.
या मायज्ञाविषयी बोलताना “पूर्ण जग कोरोना विरुद्ध लढत आहे. म्हणून विश्व कल्याणालासमोर ठेवून या यज्ञाचे आयोजन करण्यात आले होते. विश्वशांती महायज्ञमध्ये 12 हवनकुंडसाहित चार वेदांच्या नावाचे द्वार बनवण्यात आले होते,” असे आयोजकांनी सांगितले.
दरम्यान, दिल्लीमध्ये कोरोना रुग्णांमध्ये रोज हजारोंच्या संख्येने वाढ होत आहे. दिल्लीमध्ये मागील 24 तासांत 3,567 नवे कोरोना रुग्ण आढळले. एका दिवसात एकूण 2,904 कोरोना रुग्णांना डिस्चार्ज देण्यात आला. तर दिल्लीमध्ये दिवसभरात 10 कोरोना रुग्णांचा मृत्यू झाला. सध्या दिल्लीमध्ये 12,647 सक्रिय कोरोनाग्रस्तांवर उपचार सुरु असून येथे आतापर्यंत 11,060 नागरिकांचा कोरोनामुळे मृत्यू झाला आहे.
दिल्ली में पिछले 24 घंटों में 3,567 नए #COVID मामले, 2,904 रिकवरी और 10 मौतें दर्ज़ की गई।
सक्रिय मामले: 12,647 कुल रिकवरी: 6,48,674 मृत्यु: 11,060 pic.twitter.com/gaejOnsxdA
— ANI_HindiNews (@AHindinews) April 3, 2021
पाहा व्हिडीओ :
इतर बातम्या :
Corona Cases and Lockdown News LIVE : मुंबईत सर्वाधिक रुग्णवाढ, दिवसभरात 9090 नवे कोरोनाबाधित
कामाची बातमी! UMANG App वरून घर बसल्या तपासा PF बॅलन्स, जाणून घ्या संपूर्ण प्रक्रिया
(to stop Corona spreading Mahayagya organized by Vishwa Hindu Parishad Ashok Singhal foundation and Namo Sadbhavana Samiti in Delhi)
