रेल्वेच्या कन्फर्म तिकिटावर तुम्हाला माहित नसलेल्या ‘या’ 6 सुविधांचा मिळणार लाभ, आताच जाणून घ्या

वर्षाच्या शेवटी बहुतेक लोकं संपूर्ण कुटुंबासह प्रवास करण्याचा प्लॅन करतात. लाखो भारतीय आजही देशभरात फिरण्यासाठी भारतीय रेल्वेची निवड करतात. जर तुम्हाला प्रवास करायचा असेल आणि तुमच्याकडे कन्फर्म ट्रेन किट असेल तर तुम्हाला माहित नसलेल्या रेल्वेच्या सुविधांचा लाभ घेता येणार आहे. कारण प्रवास सुखकर होण्याची जवळपास खात्री असते. पण तुम्हाला माहित आहे का की तुमच्या ट्रेनचे हे कन्फर्म किट केवळ प्रवासाची सुविधा पुरवत नाही. तर त्याऐवजी रेल्वे तिकीट तुम्हाला बरेच विनामूल्य फायदे आणि अधिकार देते. पण अनेकदा लोकांना याची माहिती नसते. ट्रेन कन्फर्मेशन तिकीट तुम्हाला कोणत्या सुविधा देऊ शकते हे जाणून घेऊयात.

रेल्वे कन्फर्म किटवर मिळणार ‘या’ सुविधा

१. प्रवासासाठी कुठेही गेलात तर राहण्यासाठी हॉटेलची गरज असते. पण या कन्फर्म रेल तिकीटामुळे तुम्हाला ही सुविधा मिळू शकते. जर तुमच्याकडे रेल्वेचे कन्फर्म तिकीट असेल तर तुम्ही आयआरसीटीसीच्या वसतिगृहाचा वापर करू शकता. जिथे तुम्हाला अगदी स्वस्तात म्हणजेच १५० रुपयांपर्यंत रूम मिळू शकतो. याची वैधता केवळ २४ तासांसाठी आहे.

२. भारतीय रेल्वेमध्ये एसी १, एसी २ आणि एसी ३ मध्ये उशी, चादर आणि ब्लँकेट मोफत उपलब्ध असतात. तसेच सामान्य कंपार्टमेंटमध्ये या सर्व सुविधा मोफत उपलब्ध आहेत. एसीमध्ये ही गोष्ट मिळत नसेल तर ट्रेनचे तिकीट दाखवून तुम्ही या गोष्टी मिळवू शकता. यासाठी तुम्हाला कोणतेही अतिरिक्त शुल्क भरावे लागणार नाही.

३. अनेकदा असे होते की प्रवास करताना अचानक एखाद्या व्यक्तीची तब्येत खराब होते. अशा वेळी वैद्यकीय परिस्थितीत तुम्हाला ट्रेनमध्येच फास्टएडची संपूर्ण सुविधा मिळते. तुम्हाला फक्त आरपीएफ जवानाला ट्रेनची माहिती द्यावी लागेल. वैद्यकीय परिस्थितीत तुम्ही इच्छित असल्यास त्वरित १३९ या नंबरवर कॉल करू शकता आणि तुम्हाला आलेल्या वैद्यकीय समस्या मांडू शकता. ज्याने तुम्हाला प्रथमोपचाराची सुविधा तात्काळ मिळणार आहे. ही सुविधा नसलेल्या ट्रेनमधून तुम्ही प्रवास करत असाल तर पुढच्या स्टेशनमध्येही तुमची व्यवस्था करण्यात येणार आहे.

४. राजधानी, दुरंतो किंवा शताब्दी सारख्या प्रीमियम एक्सप्रेच्या रेल्वे तिकिटांवर तुम्हाला मोफत जेवण मिळते. जर तुमच्याकडे असे प्रीमियम ट्रेन तिकीट किट असेल आणि तुमची ट्रेन २ तासांपेक्षा जास्त उशीर येणार असेल तर तुम्हाला आयआरसीटीसीच्या कॅन्टीनमधून मोफत जेवण दिले जाईल. जर तुम्हाला जेवण दिले नाही तर तुम्ही १३९ वर ही तक्रार करू शकता.

५. जवळजवळ सर्व रेल्वे स्थानकांवर लॉकर रूम आणि क्लॉक रूमची सुविधा आहे. अशावेळी तुम्ही तुमचे सामान या लॉकर रुम आणि क्लॉक रूममध्ये जवळपास १ महिने ठेवू शकता. म्हणजेच जर तुम्हाला एखाद्या शहरात जायचे असेल आणि तुम्हाला तुमचे सामान कुठेतरी ठेवायचे असेल तर तुम्ही या रेल्वे सुविधेचा लाभ घेऊ शकता. ही सेवा वापरण्यासाठी तुम्हाला प्रति २४ तासांमागे ५० ते १०० रुपये शुल्क भरावे लागू शकते. या सुविधेचा लाभ घेण्यासाठी तुमच्याकडे ट्रेनचे तिकीट असणे आवश्यक आहे.

६ .जर तुमच्याकडे ट्रेन तिकीट असेल तर तुम्हाला प्लॅटफॉर्मवर बसून ट्रेनची वाट पाहण्याची गरज नाही. यासाठी तुम्ही नॉन एसी किंवा एसी वेटिंग रूमचा वापर करू शकता. यासाठी तुम्हाला तिकीट दाखवावे लागेल.