पत्नीसोबत भांडण टाळण्यासाठी नवऱ्याने खिडकीतून पळण्याचा प्रयत्न केला पण..शेवटी विधिलिखित होतं
पती-पत्नी मध्ये अनेकदा भांडणं होतात. काहीवेळी भांडणं टाळण्याचा दोन्ही बाजूंचा प्रयत्न असतो. हर्षित 31 वर्षांचा होता. त्याचं लग्न 2024 साली झालं होतं. पत्नी सोबत वाद असल्याने मागच्या सहा महिन्यापासून तो स्वतंत्र राहत होता.
पत्नीसोबत भांडणं टाळायचं होतं, म्हणून एका माणसाने चक्क घराच्या खिडकीतून पळून जाण्याचा प्रयत्न केला. पण असं करणं त्या व्यक्तीच्या जीवावर बेतलं. या व्यक्तीचा 21 व्या मजल्यावरील खिडकीतून पडून मृत्यू झाला. उत्तर प्रदेश ग्रेटर नोएडामध्ये ही घटना घडली. आठवड्याच्या सुरुवातीला ट्रॉपिकल गार्डन सोसायटीतील सेंच्युरीयन पार्कमध्ये ही घटना घडली. हर्षित 31 वर्षांचा होता. हर्षित लवानिया असं मृत व्यक्तीचं नाव असून त्याचं लग्न 2024 साली झालं होतं. पत्नी सोबत वाद असल्याने मागच्या सहा महिन्यापासून तो स्वतंत्र राहत होता. तो भाड्याच्या फ्लॅटमध्ये राहत होता.
घटनेच्या दिवशी हर्षितची पत्नी त्याच्या फ्लॅटमध्ये आली. तिने दरवाजा ठोठावला. पण हर्षितला दरवाजा उघडायचा नव्हता. त्याला वाटलं आता पुन्हा हिच्यासोबत नवीन भांडण होईल असं पोलिसांनी सांगितलं. बायकोने त्याला बाहेर बोलावलं. पण हर्षितने बाहेर येण्यास नकार दिला. त्यानंतर तिने दरवाजा ओपन करण्यासाठी सिक्युरिटीला बोलावलं.
सीसीटीव्ही फुटेजचा तपास
त्यावेळी हर्षितने फ्लॅटच्या बाल्कनीमधून पळून जाण्याचा प्रयत्न केला. 21 व्या मजल्यावरुन त्याने खालच्या मजल्यावर उतरण्याचा प्रयत्न केला. पण त्याचा हात निसटला व थेट खाली पडला. हर्षित गंभीर जखमी झाला. कॉम्पलेक्सचे लोक हर्षितला जवळच्या रुग्णालयात घेऊन गेले. तिथे डॉक्टरांनी त्यांना मृत घोषित केला. हर्षितच्या कुटुंबानुसार पत्नीसोबत वाद सुरु असल्याने तो मानसिक दबावाखाली होता. अजूनपर्यंत या प्रकरणात तक्रार नोंदवण्यात आलेली नाही. पोलीस त्याच्या पत्नीची चौकशी करत आहेत. कॉम्पलेक्समधील सीसीटीव्ही फुटेज तपासत आहेत.
