मोठी बातमी! अमेरिका इराणला घाबरलं? डोनाल्ड ट्रम्प यांची अचानक सर्वात मोठी घोषणा, अखेर जगानं सुटकेचा निश्वास सोडला

अमेरिका आणि इराणमध्ये गेल्या 38 दिवसांपासून भीषण युद्ध सुरू आहे. आपण इराणचा सहज पराभव करू हे युद्ध काही दिवसांमध्ये संपवून टाकू असं अमेरिकेला वाटत होतं. अमेरिकेनं युद्ध प्रत्यक्ष सुरू होण्यापूर्वीच अनेक दिवस आधी या युद्धाची तयारी केली होती. अमेरिकेनं आपल्या युद्धनौका मध्य पूर्वेत तैनात केल्या होत्या. त्यानंतर इस्त्रायलने इराणवर पहिला हल्ला केला आणि युद्धाला सुरुवात झाली. त्यानंतर अमेरिका देखील इस्त्रायलसोबत या युद्धात सहभागी झाली. अमेरिका आणि इस्त्रायलकडून इराणवर हल्ले सुरूच आहेत, या युद्धात इराणचं प्रचंड नुकसान झालं आहे. मात्र तरी देखील इराण युद्धातून माघार घेण्यास तयार नाहीये, इराणने आपल्या ड्रोन आणि मिसाईल हल्ल्यांनी अमेरिका आणि इस्त्रायलला घाम फोडला आहे. या युद्धात आतापर्यंत अमेरिकेचं प्रचंड नुकसान झालं आहे. पाण्यासारखा पैसा खर्च झाला आहे.

हेचं कारण आहे की आता डोनाल्ड ट्रम्प यांच्याकडून वांरवार इराणला युद्धविरामाचा प्रस्ताव पाठवला जात आहे, मात्र प्रत्येकवेळी इराणकडून अमेरिकेचा हा प्रस्ताव फेटाळून लावला जात आहे. या युद्धात अमेरिकेचं एवढं मोठं नुकसान झालं आहे की, याचा धसका आता अमेरिकेचे राष्ट्राध्यक्ष डोनाल्ड ट्रम्प यांनी घेतल्याचं दिसून येत आहे. इराणसोबत सुरू असलेल्या युद्धामध्ये अमेरिका आणि इस्त्रायल बॅकफूटवर आलं आहे. त्यानंतर आता डोनाल्ड ट्रम्प यांनी मोठी घोषणा केली आहे. आता आम्ही कॅनडावर हल्ला करणार नाहीत, असं त्यांनी म्हटलं आहे. दरम्यान इराणसोबतच युद्ध सुरू होण्यापूर्वी त्यांनी कॅनडाला अमेरिकेचं 51 वं राज्य करणार असल्याची घोषणा केली होती, आपण कॅनडावर हल्ला करणार असल्याचं त्यांनी म्हटलं होतं.

मात्र इराण सोबतच्या युद्धाचा आता डोनाल्ड ट्रम्प यांना एवढा मोठा धसका बसला आहे की, अमेरिका पूर्णपणे बॅकफूटवर गेलं आहे. आता आम्ही कॅनडावर हल्ला करणार नसल्याचं डोनाल्ड ट्रम्प यांनी म्हटलं आहे. कॅनडाला 200 वर्षांपूर्वीचा इतिहास आहे, त्यांची एक वेगळी संस्कृती आहे. त्यांची ओळख पुसणं हे कधीही शक्य होणार नाही, त्यामुळे आता आम्ही आमच्या योजनेत बदल केला आहे, आम्ही कधीही कॅनडावर हल्ला करणार नाही, असं ट्र्म्प यांनी म्हटलं आहे. दरम्यान जर अमेरिकेनं कॅनडावर हल्ला केला असता तर जगाला आणखी एक युद्ध पहावं लागलं असतं, त्यामुळे जगानं सुटकेचा निश्वास सोडला आहे.