गाणं पाहिजे तर असं, 31 वर्षांपासून प्रत्येकाचं आवडतं, 90 च्या दशकात मोडले होते सर्व गाण्यांचे रेकॉर्ड, आजही पुन्हा-पुन्हा ऐकतात लोक
बॉलिवूडमधील या गाण्याने 90 च्या दशकापासून चाहत्यांच्या मनावर केलं राज्य. आजही कोट्यावधी लोकांचं आवडतं. प्रत्येकाच्या प्लेलिस्टमध्ये आहे.
बॉलिवूड संगीतविश्वात 90 चे दशक हे सुवर्णकाळ मानले जाते. त्या काळात अनेक अशी रोमँटिक गाणी निर्माण झाली, जी आजही संगीतप्रेमींच्या मनात ताजी आहेत. त्या गाण्यांमध्ये आजच्या गाण्यांप्रमाणे मोठा आवाज, भारी बीट्स किंवा तांत्रिक चमक नव्हती, मात्र त्यांच्या साधेपणातच एक वेगळी जादू होती.
त्यामुळे त्या काळातील गाणी आजही लोकांच्या प्लेलिस्टमध्ये कायम आहेत. विशेष म्हणजे नव्या पिढीलाही ही गाणी तितकीच आवडतात आणि सोशल मीडियावरही ती वारंवार ट्रेंड होताना दिसतात.
अशाच लोकप्रिय गाण्यांपैकी एक म्हणजे 'तुमने अगर प्यार से देखा नहीं मुझको'. हे गाणे 1995 मध्ये प्रदर्शित झालेल्या 'राजा' या रोमँटिक ड्रामा चित्रपटातील आहे. गाण्याची धून इतकी गोड आणि मनमोहक होती की लोक ते वारंवार ऐकणे पसंत करत होते. त्या काळात हे गाणे रेडिओ आणि कॅसेट्सवर मोठ्या प्रमाणात वाजत असे आणि प्रचंड लोकप्रिय झाले होते.
हे गाणे अभिनेत्री माधुरी दीक्षित आणि अभिनेता संजय कपूर यांच्यावर चित्रित करण्यात आले होते. गाण्यामध्ये प्रेमातील रुसवे-फुगवे, नखरे आणि भावना अतिशय सुंदरपणे दाखवण्यात आल्या होत्या. विशेषतः माधुरी दीक्षितच्या हावभावांनी आणि नृत्याने या गाण्याला अधिकच खास बनवले.
विशेष म्हणजे, प्रदर्शित होऊन अनेक वर्षे उलटल्यानंतरही या गाण्याची लोकप्रियता अजिबात कमी झालेली नाही. आजही हे गाणे रेडिओ, यूट्यूब आणि विविध सोशल मीडिया प्लॅटफॉर्मवर मोठ्या प्रमाणात ऐकले जाते. अनेक जण आजही या गाण्याला आपल्या आवडत्या रोमँटिक गाण्यांमध्ये स्थान देतात.
