शिवाली परबचा ‘मराठमोळा शृंगार’ पाहून चाहते घायाळ, गुलाबी पैठणीत दिल्या पोज
महाराष्ट्राची हास्यजत्रा फेम मराठी अभिनेत्री शिवाली परबचा मराठमोळा लूक सध्या सोशल मीडियावर चर्चेत आला आहे. गुलाबी पैठणीतील फोटो पाहून सर्वजण करत आहेत कौतुक.
मराठी मनोरंजन विश्वातील लोकप्रिय अभिनेत्री शिवाली परब हिने आपल्या अभिनयाने आणि भन्नाट कॉमेडी टायमिंगने प्रेक्षकांच्या मनात खास स्थान निर्माण केले आहे.
महाराष्ट्राची हास्यजत्रा या लोकप्रिय कार्यक्रमातून शिवाली घराघरात पोहोचली. तिच्या विनोदी अभिनयाची आणि हटके अंदाजाची सोशल मीडियावरही नेहमीच चर्चा होत असते.
नुकतेच शिवालीने महाराष्ट्राची हास्यजत्राच्या सेटवरील काही खास फोटो सोशल मीडियावर शेअर केले आहेत. या फोटोंमध्ये तिचा सुंदर आणि पारंपरिक मराठमोळा लुक पाहायला मिळत आहे.
शिवालीने यावेळी गुलाबी रंगाची सुंदर पैठणी साडी नेसली असून त्यावर उठून दिसणारा हिरव्या रंगाचा ब्लाऊज परिधान केला आहे. पारंपरिक दागिने आणि साजशृंगारामुळे तिच्या या लुकला आणखी खुलून आला आहे.
या खास लुकमध्ये शिवाली अतिशय सुंदर आणि आकर्षक दिसत आहे. या फोटोंना शिवालीने ‘मराठमोळा शृंगार’ असे खास कॅप्शन दिले आहे. तिच्या या पारंपरिक अंदाजावर चाहत्यांनीही भरभरून प्रेम व्यक्त केले आहे.
