Arshdeep Singh-Tilak Varma : अर्शदीप सिंहने मर्यादा ओलांडली, मॅच संपल्यावर तिलक वर्माबद्दल नको ते घाणेरडं बोलला
Arshdeep Singh-Tilak Varma : पंजाब किंग्ससाठी आयपीएल 2026 चा सीजन विचित्र ठरतोय. मागच्यावर्षी पंजाब किंग्सच्या टीमने उपविजेतेपद मिळवलं होतं. चालू सीजनमध्ये पंजाब किंग्सच्या टीमने दमदार सुरुवात केली होती. सलग विजयानंतर पंजाब किंग्सची आता पराभवाची मालिका सुरु आहे.
फक्त प्रदर्शनचं नाही, तर वेगवेगळ्या वादांमुळे सुद्धा पंजाबची टीम चर्चेत आहे. या वादांमध्ये वेगवान गोलंदाज अर्शदीप सिंहच नाव येतय. आधी गर्लफ्रेंडमुळे अर्शदीप सिंह वादात सापडलेला. आता सहकारी खेळाडूच्या वर्णावरुन टिप्पणी केल्यामुळे तो वादात अडकला आहे.
गुरुवारी आयपीएल 2026 मध्ये पंजाब किंग्स आणि मुंबई इंडियन्समध्ये सामना झाला. या मॅचमध्ये मुंबई इंडियन्सने पंजाब किंग्सवर रोमांचक विजय मिळवला. तिलक वर्मा या विजयाचा नायक ठरला. या विजयामध्ये मुंबईचा फायदा नाहीय. पण पंजाब किंग्सचं नुकसान झालं. त्यांचा पुढचा मार्ग खडतर बनला.
सोशल मीडियावर एक व्हिडिओ व्हायरल झालाय. त्यात या दोन टीमचे दोन खेळाडू दिसत आहेत. एक आहे पंजाबचा अर्शदीप सिंह आणि दुसरा आहे मुंबईचा तिलक वर्मा. हा व्हिडिओ अर्शदीप सिंहने बनवला होता. यात अर्शदीप तिलक बद्दल जे बोलला त्यावरुन वाद निर्माण झाला आहे.
या व्हिडिओमध्ये अर्शदीप सिंहने टीम इंडियातील त्याचा सहकारी खेळाडू तिलक वर्माची वर्णावरुन खिल्ली उडवली. तिलकला अर्शदीप आवाज देतो. “ओ अंधेरे, इधर आ. सनस्क्रीन नहीं लगाई?”
त्यावर तिलकने सनस्क्रीन लावलीय असं उत्तर दिलं. त्यावेळी अर्शदीप समोर बसलेल्या नमन धीरला पंजाबीमध्ये बोलतो की, याला म्हणतात खरी चमक, जी नैसर्गिक आहे. हा व्हिडिओ समोर आल्यावर अर्शदीपवर बरीच टीका होते. त्याच्यावर कारवाईची मागणी सुरु आहे.
