Photo | ‘नाकर्त्या राज्य सरकारला वठणीवर आणण्यासाठी वीज बिलाची होळी’, भाजपचं राज्यभर आंदोलन
Follow us
वाढीव वीजबिलाच्या मुद्द्यावरुन भाजप आज राज्यभर आंदोलन करत आहे. ‘नाकर्त्या सरकारला आजच्या आंदोलनातून जाब विचारात आहोत की जी गोष्ट तुम्हाला शक्य नाही त्या गोष्टीची आपण घोषणा का केली?’, वाढीव वीजबिलावर निर्णय घ्या, असं सांगत विधानपरिषदेचे विरोधी पक्षनेते प्रवीण दरेकर यांनी परभणीत वीज बिलांची होळी केली.
नागपुरातही माजी ऊर्जा मंत्री चंद्रशेखर बावनकुळे रस्त्यावर उतरले. ठाकरे सरकारविरोधात जोरदार घोषणाबाजी करत वाढीव वीजबिलावर लवकरात लवकर निर्णय घ्यावा अन्यथा आंदोलन तीव्र करण्याचा इशारा त्यांनी सरकारला दिला.
भाजप आमदार अतुल भातखळकर दे देखील वाढीव विजबीलाच्या मुद्द्यावरुन रस्त्यावर उतरले. आंदोलनावेळी भातखळकर आणि पोलिसांमध्ये बाचाबाची झाली, अखेर भातखळकरांना काही वेळासाठी पोलिसांनी ताब्यात घेतले.
मुंबई भाजप उपाध्यक्ष आ. योगेश सागर यांच्या नेतृत्वात कांदिवली पश्चिम मधील अदानी इलेक्ट्रिसिटी कार्यालय येथे धडक देण्यात आली. जनतेला न्याय मिळेपर्यंत हा लढा सुरु राहणार असल्याचं त्यांनी सांगितलं.
बीड भाजपातर्फे वीज बिल होळी आंदोलन करण्यात आले. सरकारच्याविरोधात बीड भाजपचे जिल्हाध्यक्ष राजेंद्र मस्के यांच्या नेतृत्वात हे आंदोलन करण्यात आले.
गेल्या काही दिवसांपासून वाढीव वीजबिलावरून चांगलंच राजकारण रंगलं आहे. त्याच पार्श्वभूमीवर भाजपकडून आज वीजबिलाविरोधात आंदोलन करण्यात येत आहे.