ना डीप किस, ना बाइट, इंडस्ट्रीमधील किसिंग सीनचे धक्कादायक नियम समोर, बोल्ड अभिनेत्रीने उघड केली पडद्यामागची गोष्ट
बॉलिवूड इंडस्ट्रीमध्ये इंटीमेट सीन किंवा किसिंग सीन कसे शूट केले जातात. इंटीमेट सीनपूर्वीचे काय आहेत नियम? इंडस्ट्रीमधील बोल्ड अभिनेत्रीने केला मोठा खुलासा. ऐकून तुम्हालाही बसेल मोठा धक्का.
बोल्ड वेब शोज आणि मालिकांमधून ओळख मिळवलेली अभिनेत्री नेहल वडोलिया सध्या नव्या भूमिकेत दिसत आहे. तिने आता ‘इंटीमेसी कॉर्डिनेटर’ म्हणून काम सुरू केले असून या कामाशी संबंधित अनेक महत्त्वाच्या गोष्टी तिने नुकत्याच एका मुलाखतीत उघड केल्या आहेत.
नेहलच्या मते, इंटीमेट सीनचे शूटिंग हे फक्त दिग्दर्शकाच्या सूचनांवर अवलंबून नसते. अनेकदा दिग्दर्शकांनाही असे सीन प्रभावीपणे कसे साकारायचे हे पूर्णपणे समजत नाही. अशा वेळी इंटीमेसी कॉर्डिनेटरची भूमिका महत्त्वाची ठरते. ते सीनची संपूर्ण रूपरेषा तयार करून कलाकारांना योग्य प्रकारे मार्गदर्शन करतात. ज्यामुळे सीन अधिक वास्तवदर्शी वाटतो.
ती सांगते की, कलाकारांना अनेकदा दिग्दर्शकांसोबत अशा विषयांवर मोकळेपणाने बोलणे अवघड जाते. कोणते कपडे घालायचे, किती एक्सपोजर ठेवायचा, सीनमध्ये नेमकी मर्यादा काय असावी अशा अनेक गोष्टी इंटीमेसी कॉर्डिनेटर स्पष्ट करतात. विशेषत महिला कलाकारांना त्यांच्याशी संवाद साधताना अधिक सहज वाटते.
नेहलने सांगितले की, दिग्दर्शक आधी इंटिमेट सीनची स्क्रिप्ट त्यांना पाठवतात. त्यानंतर तो सीन कसा साकारायचा याबाबत चर्चा होते. इंटीमेसी कॉर्डिनेटर दिग्दर्शकाला खात्री देतात की कलाकारांकडून सीन योग्य पद्धतीने करून घेतला जाईल.
प्रत्येक चॅनल किंवा प्रॉडक्शन हाऊसचे इंटिमसीबाबत वेगवेगळे नियम असतात. किती प्रमाणात इंटिमसी दाखवायची, कोणत्या मर्यादेत सीन शूट करायचा हे सर्व आधीच ठरलेले असते. कलाकारांना त्या नियमांचे पालन करणे आवश्यक असते.
इंटीमेट सीनच्या आधी इंटीमेसी कॉर्डिनेटर कलाकारांना प्रत्यक्ष सीन करून दाखवतात आणि त्यांना मानसिकदृष्ट्या तयार करतात. शूटिंगदरम्यान कलाकारांचा कंफर्ट झोन कायम राहील याची ते काळजी घेतात. या कामासाठी साधारण 4 तासांचा वेळ लागतो आणि यासाठी 50 हजार ते 1 लाख रुपयांपर्यंत मानधन मिळू शकते.
मात्र, या क्षेत्रात काम करताना काही नकारात्मक अनुभवही तिला आले. तिने सांगितले की, काही दिग्दर्शकांनी त्यांच्या भूमिकेचा गैरसमज करून वैयक्तिक पातळीवर अयोग्य मागण्या केल्या. एका प्रकरणात तिने संबंधित प्रॉडक्शन कंपनीकडे तक्रारही केली. इंटिमेट सीन शूट करण्यापूर्वी कलाकारांची लेखी आणि व्हिडिओ स्वरूपात संमती घेतली जाते. शूट झाल्यानंतर हे सीन सहसा काढले जात नाहीत, जोपर्यंत मोठ्या कलाकारांकडून विशेष विनंती येत नाही.
शूटपूर्वी काही नियम पाळावे लागतात, जसे की स्वच्छता राखणे, परफ्यूम वापरणे, माउथ फ्रेशनर घेणे इत्यादी. किसिंग सीनसाठीही काही ठराविक नियम असतात. उदाहरणार्थ, सीन करताना प्रत्यक्षात खोल किसिंग होत नाही; कॅमेरा अँगलच्या मदतीने तो सीन दाखवला जातो.
