बॉलिवूडच्या या अभिनेत्रीला बनायचं होतं पत्रकार पण झाली अभिनेत्री, आज सौंदर्य आणि फिटनेसने चर्चेत
बॉलिवूडमधील प्रसिद्ध अभिनेत्री जिने घेतलं पत्रकारितेचे शिक्षण, प्रचंड आवड असून देखील बनली अभिनेत्री. इंडस्ट्रीमध्ये सीक्वल क्वीन म्हणून आहे प्रसिद्ध.
अभिनेत्री श्रद्धा दास हिची कहाणी एखाद्या चित्रपटाच्या पटकथेपेक्षा कमी नाही. पत्रकारितेचे शिक्षण घेणाऱ्या एका तरुणीचा रुपेरी पडद्यापर्यंतचा प्रवास खरोखरच प्रेरणादायी आहे. आज ती तिचा वाढदिवस साजरा करत आहे.
श्रद्धा दासचा जन्म मुंबईतील बंगाली कुटुंबात झाला. तिने मुंबईमधून ‘बॅचलर ऑफ मास मीडिया’ ही पदवी प्राप्त केली. सुरुवातीला तिचा कल पत्रकारितेकडे होता. मात्र नियतीने तिला अभिनय क्षेत्राकडे वळवले.
अभिनयाची आवड लक्षात घेऊन तिने त्यात गंभीरपणे प्रशिक्षण घेतले. NSD शी संबंधित दिग्गज कलाकार पियुष मिश्रा आणि चित्तरंजन गिरी यांच्यासोबत तिने थिएटर कार्यशाळा केल्या. या प्रशिक्षणामुळे तिच्या अभिनयाला परिपक्वता आणि आत्मविश्वास मिळाला.
श्रद्धाला चित्रपटसृष्टीत ‘सीक्वेल क्वीन’ म्हणूनही ओळखले जाते. याचे कारण म्हणजे तिने Arya 2 आणि Nagavalli यांसारख्या लोकप्रिय चित्रपटांच्या सिक्वेलमध्ये महत्त्वपूर्ण भूमिका साकारल्या आहेत. ज्यांना प्रेक्षकांचा चांगला प्रतिसाद मिळाला.
2010 साली श्रद्धाने हिंदी चित्रपट Lahore मधून बॉलिवूडमध्ये प्रवेश केला. या चित्रपटात तिने ‘इदा’ ही भूमिका साकारली होती. मुंबईत जन्म असूनही हिंदी चित्रपटसृष्टीत स्वतःची ओळख निर्माण करण्यासाठी तिला खूप मेहनत करावी लागली.
