Samantha: कोट्यवधींची मालकीण असलेल्या समंथाचा पहिला पगार किती होती माहितीये का?
करिअरमधील पहिला जॉब आणि मिळालेला पहिला पगार हा प्रत्येकासाठीच खास असतो. वर्तमानकाळात एखादी व्यक्ती जरी कोट्यवधींची कमाई करत असली तरी ती आपला पहिला पगार किती होता, हे कधीच विसरत नाही.
करिअरमधील पहिला जॉब आणि मिळालेला पहिला पगार हा प्रत्येकासाठीच खास असतो. वर्तमानकाळात एखादी व्यक्ती जरी कोट्यवधींची कमाई करत असली तरी ती आपला पहिला पगार किती होता, हे कधीच विसरत नाही. दाक्षिणात्य चित्रपटसृष्टीतील लोकप्रिय अभिनेत्री समंथा रुथ प्रभू (Samantha ruth Prabhu) हिने तिच्या चाहत्यांना तिच्या पहिल्या नोकरी आणि पगाराविषयी सांगितलंय.
इन्स्टाग्रामवर सक्रिय असणाऱ्या समंथाने चाहत्यांच्या काही प्रश्नांची उत्तरं दिली. यावेळी एका चाहत्याने तिला तिच्या पहिल्या पगाराविषयी प्रश्न विचारला.
त्यावर समंथाने उत्तर दिलं की 500 रुपये. एका हॉटेलमध्ये कॉन्फरन्ससाठी समंथाने हॉस्टेस म्हणून काम केलं होतं. या आठ तासांच्या कामासाठी तिला 500 रुपये मिळाले होते. त्यावेळी मी दहावी किंवा अकरावीत होती, असं समंथाने सांगितलं.
2010 मध्ये 'ये माया चेसावे' या चित्रपटातून अभिनयक्षेत्रात पदार्पण केल्यापासून आतापर्यंत समंथाने बरंच यश संपादित केलंय. दाक्षिणात्य चित्रपटसृष्टीसोबतच तिने ओटीटीवरही आपल्या दमदार अभिनयाची छाप सोडली.
'द फॅमिली मॅन 2' या वेब सीरिजमध्ये तिने साकारलेल्या भूमिकेला प्रेक्षक-समीक्षकांकडून विशेष दाद मिळाली. अल्लू अर्जुनच्या 'पुष्पा' या चित्रपटातील 'ऊ अंटावा' या आयटम साँगमध्येही ती झळकली. या एका गाण्यासाठी तिने जवळपास पाच कोटी रुपये मानधन घेतल्याचं म्हटलं जातं.