Gold Rate : सोनं धडाम आपटलं, एकाच दिवसात भाव तब्बल… आता 10 ग्रॅमचा दागिना फक्त…
सध्या सोने आणि चांदीचा भाव कधी वाढताना दिसतोय तर हाच भाव कधी कमी होतोय. सध्या या दोन्ही धातूंचा भाव चांगलाच कमी झाला आहे. सोनं तर चार हजार रुपयांनी कमी झाले आहे.
सध्या सोने आणि चांदीच्या भावात मोठा चढउतार पाहायला मित आहे. आंतरराष्ट्रीय बाजारातील घडामोडी लक्षात घेता देशांतर्गत बाजारातही सोने आणि चांदी या दोन्ही धातूंच्या भावात घसरण झाल्याचे पाहायला मिळाले.
सध्या कमोडिटी मार्केटमध्ये या दोन्ही धातूंचे भाव घसरले आहेत. भू-राजकीय तणाव कमी झाल्याने नव्हे तर चीन आणि अमेरिकेत बाजार बंद असल्याने ही घसरण झाली आहे. चीनमध्ये सध्या चंद्र नववर्ष आहे. त्यामुळे येत्या 23 फेब्रुवारीपर्यंत बाजार बंद असेल. अमेरिकेत राष्ट्रपती दिवस आहे. त्यामुळेही तेथे बाजार बंद आहे.
हे दोन्ही महत्त्वाचे बाजार बंद असल्याने उलाढाल मंदावली आहे. त्यामुळे सोने आणि चांदीच्या भावात घसरण झाली आहे. देशांतर्गत कमोडिटी मार्केट एमसीएक्सवर सोन्याचा भाव 1,55,076 रुपये प्रति 10 ग्रॅम तर चांदीचा भाव 2,40,500 रुपये प्रति एक किलोपर्यंत खाली आला आहे.
तुलनाच करायची झाल्यास शुक्रवारी सोन्याचा भाव 1,56,200 रुपये प्रति दहाग्रॅम तर सोन्याचा भाव 2,44,999 रुपये प्रति एक किलो होता. म्हणजेच शुक्रवारच्या तुलनेत सोन्याचा भाव साधारण 1,124 रुपयांनी कमी झाला आहे. चांदीचा भावही तब्बल 4,499 रुपयांनी घसरला आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
