भारताच्या शत्रूला जबर धक्का, अमेरिका-इराण युद्धाची सर्वात मोठी अपडेट समोर; आता थेट ओमानमध्ये…
इराण आणि अमेरिका यांच्यात अजूनही युद्धसमाप्तीवरून एकमत होऊ शकलेलं नाही. दोन्ही देश आपापल्या अटींवर ठाम आहेत. त्यामुळे या युद्धावर तोडगा कधी निघणार, असा प्रश्न संपूर्ण जगाला पडला आहे.
इराण आणि अमेरिका यांच्यात अजूनही युद्धसमाप्तीवरून एकमत होऊ शकलेलं नाही. दोन्ही देश आपापल्या अटींवर ठाम आहेत. त्यामुळे या युद्धावर तोडगा कधी निघणार, असा प्रश्न संपूर्ण जगाला पडला आहे.
दोन्ही देशांत समेट घडवून आणण्यासाठी पाकिस्तानने मोठा पुढाकार घेतला होता. या दोन्ही देशांमध्ये चर्चेची पहिली बैठक पाकिस्तानच्या इस्लामाबादमध्ये पार पडली होती. दुसरी बैठकही याच ठिकाणी होणार होती. परंतु इराणच्या भूमिकेमुळे ही चर्चा अजून लांबणीवरच आहे.
दुसरीकडे आता पाकिस्तानच्या मध्यस्थीमुळे दोन्ही देशांमध्ये समेट घडून येण्याची शक्यता खूपच कमी असल्याचे बोलले जात आहे. त्यामुळेच आता इराणी सूत्रांनी दिलेल्या माहितीनुसार अमेरिका-इराण यांच्यातील पुढची बैठक आता ओमानमध्ये होण्याची शक्यता आहे.
काही दिवसांपूर्वी पाकिस्तानचे लष्कर प्रमुख असीम मुनीर ह ओमान गेले होते. त्यामुळे आता अमेरिका-इराण यांच्यातील बैठक ओमानमध्ये होऊ शकते, असे सांगितले जात आहे. ओमान आणि इराण यांचे संबंध अगोदरपासूनच चांगले राहिलेले आहेत.
त्यामुळे इराणदेखील ओमानमध्येच चर्चा घडवून आणण्यास प्राधान्य देऊ शकतो, असे सांगितले जात आहे. अमेरिका-इस्रायल जेव्हा इराणवर हल्ले करत होते, तेव्हादेखील युद्ध भडकू नये म्हणून ओमानमध्येच बैठका होत होत्या. त्यामुळे आता ओमान युद्ध थांबवणार का? हे पाहणे महत्त्वाचे ठरणार आहे.
